ក្រុមហ៊ុន ផលិតរថយន្ដអគ្គិសនីល្បីឈ្មោះ និងមានប្រជាប្រិយភាពជាងគេ​របស់ចិន BYD ដែលកំពុងប្រកួតប្រជែងប្រកៀកប្រកិតគ្នា ជាមួយ Tesla ថ្មីៗទើបតែបានប្រកាសថានឹងចេញ កូនឡានអគ្គិសនីម៉ូដែលថ្មី BYD Dolphin សេរីឆ្នាំ ២០២៣ រូបរាងស្អាត តូចច្រឡឹង និងថាមពលខ្លាំង​ជិះបានឆ្ងាយ មិនចាញ់ ឡានអគ្គិសនីប្រណិតផ្សេងៗ។ 

BYD Dolphin 2023 នេះ ជាឡានអគ្គិសនីប្រភេទ compact hatchback ប្រើ e-platform 3.0 របស់ BYD និង ថ្មបច្ចេកវិទ្យា LFP Blade Batteries ស្ដើង​របស់ BYD ថាមពល ៤៤.៧ kWh អាចបើកបរបានចម្ងាយ ៤២០ គម រាល់ពេលសាកពេញម្ដង និងដំណើរការដោយប៉ុងមុខ (FWD) ជាមួយម៉ូទ័រអគ្គិសនី ២ ជាន់បានពី ០ ទៅ ១០០គម/ម៉ ក្នុងរយៈពេល ១០ វិនាទី ។​

រូបរាងរបស់វារចនាជាមួយ “Marine Aesthetics Design” បណ្ដោយ ៤ ម៉ែត្រ, ទទឹង ១.៧ ម៉ែត្រ, កម្ពស់ ១.៥ ម៉ែត្រ។ មាន ៣​ ពណ៌ផ្កាឈូក (Pupu pink), ប្រផេះ (Beibei Grey), លឿង (cheese yellow), ខៀវ (surfing blue), ប្រផេះចាស់ (Atlantis Grey), ពណ៌ត្រាវ (Taro purple) និង ខ្មៅ។ 

ផ្នែកខាងក្នុងត្រូវបានរចនាមានផាសុកភាព និងទូលាយ ជាមួយចង្កូតផតក្រោមបន្ដិច មានប៉ូតុងបញ្ជាមុខងារច្រើន (flat bottom multi-functional steering wheel), អេក្រង់កុងទ័រ Digital LCD ទំហំ ៥​ អិង, និង អេក្រង់កម្សាន្ដ Digital Touchscreen ទំហំ ១២.៨ អិង ព្រមជាមួយនឹងបច្ចេកវិទ្យាទំនើបៗផ្សេងៗទៀត ដូចជា Front parking radar, electric exterior mirrors, seatbelt warning light ជាដើម ព្រមជាមួយមុខងារបើកបរ ៤ ដូចជា energy saving mode, snow mode, sport mode និង comfort mode ។

តាមការឲ្យដឹងពី Car News China ថា BYD Dolphin 2023 និងមានវត្តមានក្នុងទីផ្សារប្រទេស ចិនមុនគេ ក្នុងតម្លៃចន្លោះពី ១៦៧០០ ដុល្លារ ទៅ ១៩៦០០ ដុល្លារ។ 

អត្ថបទ៖ Andra