ឡានកូរ៉េបែប City Car ដែលនាំចូលស្រុកខ្មែរមានច្រើនគួរសម តែក្នុងនោះឃើញម៉ូឌែល Atos ហាក់មានតម្លៃធូរជាងគេ ឬប្រហាក់ប្រហែល Visto និង Daewoo Matiz ដែរ។ សម្រាប់ Atos ផលិតដំបូងនៅឆ្នាំ១៩៩៧ ដល់ឆ្នាំ២០០៣ ទោះបីជាចាស់ឆ្នាំ រូបរាងមិនសូវជាទាក់ទាញបើធៀបជាមួយឡានដែលមានតម្លៃប្រហាក់ប្រហែលគ្នាក្ដី តែវាក៏ស្ថិតក្នុងប្រភេទជាឡានដែលមានតម្លៃធូរមួយម៉ូឌែលនៅស្រុកខ្មែរក្នុងឆ្នាំ២០២៣នេះ។
Atos ជាអម្បូរពពួក Visto និង Daewoo ដែរដោយប្រើម៉ាស៊ីនសាំងទំហំ ៤ស៊ីឡាំងចំណុះ ០.៨លីត្រ ផលិតកម្លាំងបាន ៥៥សេះ កម្លាំងរមួល ៦០ផោនហ្វីត តែចូលដល់ឆ្នាំ២០០១ Atos មានជម្រើសម៉ាស៊ីន១ប្រភេទទៀតដែលខ្មែរហៅថា ម៉ាស៊ីនធំ ជំនួយដោយ Turbo អាចបង្កើនកម្លាំងបាន ៧០សេះឯណោះ បង្វិលកង់ដោយប៉ុងមុខ រត់ដោយប្រអប់លេខ ៤វគ្គអូតូ ជាមួយកម្រិតស៊ីសាំងចន្លោះពី ៦លីត្រ ទៅ ៧លីត្រក្នុង១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។
សម្រាប់ការឌីស្សាររូបរាងខាងក្រៅស្រដៀងទៅនឹង Visto ដែរតែ Atos រាងវែងធំខ្ពស់ជាងបន្ដិច ដោយវាមានប្រវែង ៣៤៩៥ម.ម ទទឹង ១៤៩៥ម.ម កម្ពស់ ១៦១៥ ពីដីមកបាត ១៦០ម.ម ជាមួយទម្ងន់ ៨៥០គីឡូក្រាម បើនិយាយពីសម្រស់ខាងក្រៅវិញ បងប្អូនអាចនឹងត្រូវចិត្ត Visto ច្រើនជាង ចំណែកតម្លៃក៏ខ្ពស់ទៅតាមនឹងដែរ។
ខាងក្នុងមិនមានអ្វីត្រូវនិយាយច្រើនឡើយ ព្រោះឡាន City Car ដែលចាស់ឆ្នាំ និងតម្លៃធូរបែបនេះគឺសាមញ្ញធម្មតា បើនិយាយពីលក្ខណៈមួយចំនួនមានដូចជា៖ បំពាក់កៅអី កាំម្ញី២ជួរ អាចជិះគ្នា៥នាក់, រន្ធម៉ាស៊ីនត្រជាក់ ខ្លះមានដំបូលបើក ទ្វាក្រោយ២បញ្ជាកញ្ចក់ដោយរវ៉ៃ, ឧបករណ៍ចាក់ចម្រៀង វិទ្យុ គ្រាន់កំដរអារម្មណ៍ជាដើម។
ចំពោះតម្លៃវិញចន្លោះពី ១៥០០ដុល្លារ ទៅ ២០០០ដុល្លារ អាស្រ័យលើពណ៍ និងភិនភាគជាក់ស្ដែង។
សរុបមកពពួកឡានកូរ៉េដូច Atos នេះប្រសិនបើចាប់អារម្មណ៍ចង់ទិញប្រើត្រូវពិនិត្យមើលសាច់ដែកឲ្យបានល្អិតល្អន់បន្ដិច វៀសវាងមានច្រែះ ម្យ៉ាងទៀតភាគច្រើនតែងស្ទើរប្រអប់លេខ តែបើប៉ះឡានស្អាត ម៉ាស៊ីនប្រអប់លេខ និងសាច់ដែកនៅអេម Atos នេះប្រើធន់សន្សំសំចៃគួរសម។ តែបើមិនប្រយ័ត្នប៉ះឡានស្ទើរៗ ក៏ធ្វើទុករករឿងមិនសូវខានដែរ។
ចុះបងប្អូនវិញយល់យ៉ាងណាដែរចំពោះ Hyundai Atos មួយម៉ូឌែលនេះ? សម្រាប់បងប្អូនដែលមានបទពិសោធន៍ក្នុងការប្រើប្រាស់ អាចចែករំលែកទាក់ទងនឹង គុណសម្បិត្ត និងគុណវិបត្តិ របស់វាបាន៕អរគុណ!
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
ចង់ជិះ Fortuner 2016-2017 គួរកាន់លុយប៉ុន្មាន? ខណៈចេញដំបូង រូបរាងថ្មីផ្អើលទីផ្សារជាមួយតម្លៃ 6ម៉ឺនដុល្លារជាង
Corolla 03 Specs អាមេរិក នៅតែជាឡានមួយដែល ធន់សន្សំសំចៃ ស្រួលប្រើ ពិសេសតម្លៃទីផ្សារនៅនឹងល្អណាស់
គិតមិចដែរ? Suzuki Celerio ថ្មីខ្លាញ់គោតម្លៃតែ ១៣,០០០ដុល្លារជាង ធូរថ្លៃមិនធ្លាប់ជួបក្នុងចំណោមឡានថ្មីគាស់កេស
តស់! មកមើល Option Deluxe Solar របស់ Toyota Prius 2012-2015 បន្ដិចថាខុសប្លែកពី Option Solar ធម្មតាអ្វីខ្លះ?