Toyota Prius នៅស្រុកខ្មែរពេញនិយមខ្លាំងណាស់នៅលើទីផ្សារ ហើយក៏ជាឡានជជុះមួយទឹកនាំចូលដែលគេឲ្យរហ័សនាមថា ទិញស្រួល-លក់ស្រួល ជាងគេនៅស្រុកខ្មែរ។ ប៉ុន្ដែនៅលើទីផ្សារពពួក Prius ចាប់ពីឆ្នាំ២០១០ដល់២០១៥ គេសង្កេតឃើញថាមានពណ៌មួយដែលពិបាកលក់ចេញទិញចូលជាងគេ។

បើតាម Dealer ទិញលក់រថយន្ដមួយចំនួន បានឲ្យដឹងថា តម្លៃម្លៃពណ៌នៅលើទីផ្សារស្រុកខ្មែររបស់ Toyota Prius ជំននា់ទី៣ ចាប់ពីឆ្នាំ២០១០ដល់២០១៥ តម្លៃទីផ្សារខុសគ្នាអាស្រ័យតាមពណ៌ផងដែរ ដូចជា៖ ពណ៌សកាំម៉ៃ ពណ៌ប្រផេះ ពណ៌ស​ ពណ៌ហ្គេច ពណ៌ទឹកសណ្ដែក ពណ៌ប្រាក់ ពណ៌មាស ពណ៌ក្រហម នឹងពណ៌ខ្មៅ។

ដែលពណ៌សកាំម៉ៃតម្លៃខ្ពស់ជាងគេ នឹងពណ៌ខ្មៅអាចថាទាបជាងគេ តែនៅមានពណ៌មួយទៀតដែលឃើញមានលក់នៅលើទីផ្សារតិចតួចដែរ នឹងយូៗឃើញមួយនោះគឺ ពណ៌ខៀវ ហ្នឹងតែម្ដង។

បើនិយាយពីពណ៌ខៀវ ស្រុកខ្មែរហាក់មិនសូវត្រូវប៉ាន់ឡើយ នឹងពិបាករកអតិថិជនណាស់ បច្ចុប្បន្នឃើញមានលក់ នឹងជិះមួយៗដែរសម្រាប់ប្រភេទស្លាកលេខ ខណៈក្រដាសពន្ធស្ទើរតែគ្មានសោះឡើយ។

ចំពោះតម្លៃទីផ្សារវិញ ពណ៌ខៀវនេះ ឃើញគេដាក់លក់ពពួកស្លាកលេខខ្ទង់ ១៤,០០០ដុល្លារជាង ទៅ១៦,០០០ដុល្លារជាង អាស្រ័យលើឆ្នាំផលិត ពណ៌ Option នឹងភិនភាគឡានជាក់ស្ដែង (ឡានខ្លះអាចមានក្រោម ១៤,០០០ដុល្លារទៀតផង) ។

តម្លៃពណ៌ខៀវនេះអាចនិយាយបានថា ធូរថ្លៃជាងគេបំផុតក្នុងចំណោមតម្លៃទីផ្សារហាងឆេងរបស់ Prius 2010-2015 បើធៀបនឹងពណ៌ផ្សេងៗ ខណៈគុណភាព កម្លាំង នឹងភិនភាគឡាន Option មិនមានអ្វីខុសប្លែកគ្នាឡើយ។

សម្រាប់បងប្អូនវិញយល់យ៉ាងណាដែរចំពោះ Toyota Prius ជំនាន់ទី៣ ស៊េរីឆ្នាំ២០១០ដល់២០១៥ ពណ៌ខៀវមួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕  

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!