បើនិយាយពី GS300 នៅស្រុកខ្មែរគឺថាភាគច្រើននរណាក៏ស្គាល់ដែរ ជាឡាន Sedan បែបស្ព័រមួយរបស់ Lexus បើទោះបីជាមានវ័យក្បែរ ២០ឆ្នាំហើយក្ដីប៉ុន្ដែសមត្ថភាព នឹងកម្លាំងនៃការបើកបរវិញ ហាប់ណែនស្ងាត់ល្អ ពិសេសត្រូវប៉ាន់សម្រាប់បងប្អូនដែលចង់បានឡានម៉ាស៊ីនខ្លាំងជាន់ស្ទុះតាមជើង។

មួយរយៈចុងក្រោយនេះ GS300 តម្លៃខ្លួនកាន់តែទាបទៅៗ ខណៈបច្ចុប្បន្នសម្រាប់បងប្អូនដែលចង់ជិះស៊េរីឆ្នាំ​ ២០០៦ កាន់ខ្ទង់ ១ម៉ឺនស្ដើងក៏ទិញបានដែរសម្រាប់ឡានភិនភាគល្មមៗមិនសូវលាស់ ពិសេសខុសពីពណ៌សរកាំម៉ៃ។

ប៉ុន្ដែបើចង់បានឡានស្អាតក៏មិនដល់ ២ម៉ឺនដុល្លារដែរ ខ្ទង់១៥០០០ដុល្លារជាង ទៅក្បែ ១៧,០០០រកបានហើយមិនខ្វះទេ។

GS300 បំពាក់ម៉ាស៊ីន​ ៦ស៊ីឡាំង ៣.០លីត្រ ផលិតកម្លាំង ២៤៥សេះ ជាមួយល្បឿនលឿនបំផុត ២៤០ គីឡូម៉ែត្រ/ម៉ោង ដែលអាចជាន់ស្ទុះពី​ ០-១០០ គ.ម/ម៉ោង ប្រើពេល ៧.២វិនាទី ភ្ជាប់ជាមួយប្រអប់លេខ ៦ វគ្គអូតូ នឹងជម្រើសរត់ដោយប៉ុងក្រោយ (RWD) និងមានជម្រើសប៉ុងពីរ(AWD) ។

ចំពោះកម្រិតស៊ីសាំងវិញបច្ចុប្បន្នខ្ទង់ ១៣លីត្រ ទៅ ១៥លីត្រក្នុង ១០០គីឡូម៉ែត្រ ឬអាចលើខ្វះតិចតួចអាស្រ័យលើស្ថានភាពជាក់ស្ដែង។

GS300 ទោះបីជាអាយុកាលនៃការប្រើប្រាស់ច្រើនហើយក្ដី ប៉ុន្ដែនៅតែអាចប្រើប្រាស់មិនទាន់រង្គើឡើយ គ្រាន់តែស៊ីសាំងច្រើនបន្ដិច ម្យ៉ាងគ្រឿងបន្លាស់មិនសូវសម្បូរ ហើយមានតម្លៃថ្លៃគួរសម។ 

សម្រាប់បងប្អូនវិញយល់យ៉ាងណាដែរចំពោះ Lexus GS300 មួយនេះ? បងប្អូនដែលមានបទពិសោធន៌ មតិយោបល់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!