ក្នុងចំណោមឡានប្រភេទ City Car ឬ Sub Compact ដែលមានវ័យចំណាស់ៗអាយុកាលច្រើន ប៉ុន្ដែនៅមានអ្នកប្រើ នឹងទីផ្សារលក់ចេញទិញចូល ឃើញភាគច្រើនពពួកកូនឡានកូរ៉េ។ ចំណែកម៉ូឌែល Atoz ក៏ជាខ្សែរស្រឡាយជាមួយ Visto នឹង Daewoo ផងដែរ។

បើនិយាយពី Atoz វិញបច្ចុប្បន្នដែលឃើញមានប្រើ នឹងដាក់លក់នៅស្រុកខ្មែរភាគច្រើនជាស៊េរីឆ្នាំ ១៩៩៧ ដល់ ២០០២ ជាមួយតម្លៃខ្ទង់ ១,០០០ដុល្លារជាង ទៅក្បែរ ២,០០០ដុល្លារ អាស្រ័យលើឆ្នាំផលិត នឹងភិនភាគឡានជាក់ស្ដែង។

Hyundai Atoz រាងវែងធំខ្ពស់ជាងបន្ដិច ដោយវាមានប្រវែង ៣៤៩៥ម.ម ទទឹង ១៤៩៥ម.ម កម្ពស់ ១៦១៥ ពីដីមកបាត ១៦០ម.ម ជាមួយទម្ងន់ ៨៥០គីឡូក្រាម ។

ជាប្រភេទឡានសាំង ប្រើម៉ាស៊ីនទំហំ ៤ស៊ីឡាំង ០.៨លីត្រ ផលិតកម្លាំងបាន ៥៥សេះ កម្លាំងរមួល ៦០ផោនហ្វីត តែចូលដល់ឆ្នាំ២០០១ Atoz មានជម្រើសម៉ាស៊ីន១ប្រភេទទៀតដែលខ្មែរហៅថា ម៉ាស៊ីនធំ ជំនួយដោយ Turbo អាចបង្កើនកម្លាំងបាន ៧០សេះឯណោះ បង្វិលកង់ដោយប៉ុងមុខ រត់ដោយប្រអប់លេខ ៤វគ្គអូតូ។

ជាមួយកម្រិតស៊ីសាំងចន្លោះពី ៦លីត្រ ទៅ ៧លីត្រជាងក្នុង១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។ 

ជាប្រភេទឡានស៊េរីឆ្នាំចាស់ នឹងសាមញ្ញដូចនេះផ្នែកផ្ទៃខាងក្នុងមិនមានអ្វីពិសេសប្លែកឡើយសម្រាប់បច្ចប្បន្ននេះ ឃើញមានបំពាក់កៅអីធម្មតា ពីរជួរអាចជិះបាន ៥នាក់ដែរ និយាយរួមគ្រប់យ៉ាងគឺសាមញ្ញតែម្ដង។

សម្រាប់បងប្អូនវិញយល់យ៉ាងណាដែរចំពោះ Hyundai Atoz មួយនេះ? បងប្អូនណាខ្លះដែលធ្លាប់មានបទពិសោធន៍ ជាមួយកូនក្ដាមកូរ៉េមួយនេះ អាចចែករំលែកបានបន្ថែម៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!