Fortuner ជាប្រភេទឡាន SUV ខ្នាតមធ្យមមួយដ៏ពេញនិយមរបស់ Toyota ហើយក៏ជាប្រភេទឡានថ្មីខ្លាញ់គោប្រើនៅស្រុកខ្មែរយើងផ្ទាល់ផងដែរ។

Fortuner ផលិតដំបូងនៅឆ្នាំ ២០០៥ ដល់ ២០១៥ ចាប់ជាជំនាន់ទី១ ហើយការផ្លាស់ប្ដូរថ្មីបំផុតចុងក្រោយក្នុងជំនាន់ទី១ នឹងគឺចាប់ពីឆ្នាំ ០១២ដល់០១៥ ជាមួយរូបរាងតាន់ ហើយស្លីម នឹងទំនើបប្លែកជាងមុនផងដែរ។

សម្រាប់ប្រភេទឆ្នាំ ២០១២ដល់២០១៥ Toyota ធ្វើការផ្លាស់ប្ដូរនៅផ្ទៃខាងមុខដូចជា បំពាក់ចង្កៀងគុចរាងស្លីម អមដោយទឹកលាងចង្កៀង ជាមួយនឹងកាងខាងមុខមើលទៅស្ព័រជាងមុន។ ចំណែកផ្ទៃខាងក្រោយ ឌីស្សាញស្ដុបថ្មី នឹងការផ្លាស់ប្ដូរទម្រង់យ៉ាន់ ដែលមើលទៅទាក់ភ្នែកជាងមុនផងដែរ។

ចំពោះផ្ទៃខាងក្នុងវិញហាក់រក្សារទម្រង់ដដែល ប៉ុន្ដែមួយកាត់តាបឡូខាងមុខត្រូវបានកែសម្រួលឡើងវិញ ដោយបន្ថែមក្រូម អមដោយអេក្រថាច់ ៧អ៉ីញ មានការមេរ៉ាក្រោយ ជាមួយការផ្លាស់ប្ដូរដៃចង្កូតថ្មី នឹងការបន្ដែម ប៉ូតុងចុចមុខងារមួយចំនួនផងដែរ។

ផ្នែកប្លុកម៉ាស៊ីនវិញ SUV 7កៅអីមួយនេះប្រើជាមួយម៉ាស៊ីនម៉ាស៊ូត ៤ស៊ីឡាំង D-4D ៣.០លីត្រ ជំនួយដោយ Turbo ផលិតកម្លាំង ១៦០សេះ កម្លាំងរមួល ២៥២ផោនហ្វីត រត់ដោយប្រអប់លេខ ៥វគ្គអូតូ បង្វិលកង់មានជម្រើស ប៉ុងមួយ 2WD និងប៉ុងពីរ 4WD ជំនួយដោយប្រព័ន្ធកាប់ពីតាសលេខដៃផងដែរ។

ចំពោះកម្រិតស៊ីប្រេងជាមធ្យមចន្លោះពី ១០លីត្រ ទៅ ១៣លីត្រក្នុង១០០គីឡូម៉ែត្រ និងប្រែប្រួលទៅតាមស្ថានភាពជាក់ស្ដែង។  

អតិតឡានថ្មីគាស់កេសស្រុកខ្មែរមួយនេះ តម្លៃទីផ្សារបច្ចុប្បន្នខ្ទង់ ២៣,០០០ដុល្លារជាង ទៅ ២៦,០០០ដុល្លារជាង អាស្រ័យលើ ឆ្នាំផលិតពណ៌ នឹងភិនភាគឡានជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ Toyota Fortuner 2012-2015 មួយនេះ? បងប្អូនដែលមានបទពិសោធន៌ក្នុងការប្រើប្រាស់ ក៏ដូចជាមតិយោបល់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!