ថ្មីៗនេះ ក្រសួងសាធារណការ និងដឹកជញ្ជូន បានចេញសេចក្ដីជូនដំណឹងស្ដីពី ការយកកម្រៃលើសេវាបញ្ជូលថាមពលរថយន្ដអគ្គិសនី ក្រោមការគ្រប់គ្រងរបស់ក្រសួងសាធារណការ និងដឹកជញ្ជូន ក្នុងតម្លៃ ១៦០០ រៀល ក្នុងមួយគីឡូវ៉ាត់ម៉ោង។ 

យោងតាមខ្លឹមសារសេចក្ដីជូនដំណឹងបានបញ្ជាក់ថា ការយកកម្រៃសេវាសាធារណៈលើការ បញ្ចូលថាមពលយានយន្ដអគ្គិសនី តម្លៃ ១៦០០ រៀល ក្នុងមួយគីឡូវ៉ាត់នេះ នឹងត្រូវគិតជាបណ្ដោះអាសន្ន ដើម្បីធ្វើជាមូលដ្ឋានក្នុងការ កំណត់តម្លៃជាក់លាក់ លើការធ្វើអាជីវកម្មស្ថានីយ៍បញ្ជូលថាមពលអគ្កិសនីរវាងប្រតិបត្តិករ និងអ្នកប្រើប្រាស់ទាំងអស់ឲ្យមានគណនេយ្យភាព និង ប្រសិទ្ធភាព។ 

សេចក្ដីជូនដំណឹងនេះនឹងចាប់ផ្ដើម អនុវត្តគិតចាប់ពីថ្ងៃទី ១ ខែ សីហា ឆ្នាំ ២០២៣ នេះតទៅ លើគ្រប់ការប្រើប្រាស់ស្ថានីយ៍បញ្ជុលថាមពលយានយន្ដអគ្គិសនី ស្ថិតក្រោមការគ្រប់គ្រងរបស់ក្រសួងសាធារណការ និងដឹកជញ្ជូន។ 

គួររំឭកផងដែរថា តាមការឲ្យដឹងពីឯកឧត្តមទេសរដ្ឋមន្ដ្រី ថា មកទល់ពេលបច្ចុប្បន្ន ការចុះបញ្ចីប្រើប្រាស់រថយន្ដអគ្គិសនី ក្នុងប្រទេសកម្ពុជា កើនឡើងជាលំដាប់ ដោយត្រឹមខែ មករា ២០២៣​ មានដល់ជិត ៨០០ គ្រឿងហើយ ដែលធៀបនឹងឆ្នាំ ២០២១ មានត្រឹមតែ ៦៦ គ្រឿងប៉ុណ្ណោះ ហើយ មកទល់ពេលនេះ កម្ពុជា មានស្ថានីយ៍សាកឡានអគ្គិសនីសរុបចំនួន ១៣ ទីតាំង ដែល ៤ ស្ថិតនៅក្រសួងសាធារការ និងដឹកជញ្ជូន រាជធានីភ្នំពេញ, សៀមរាប, ព្រះសីហនុ​, និង បាត់ដំបង ក្នុងនោះកម្ពុជាក៏កំពុងសហការជាមួយក្រុមហ៊ុនរថយន្ដអគ្គិសនី BYD លើគម្រោងដាក់ស្ថានីយ៍បញ្ចូលថាមពលឡានអគ្គិសនីនេះ ចំនួន ២០០​ គ្រឿង នៅកម្ពុជា និងទាក់ទងដៃគូអភិវឌ្ឍផ្សេងៗទៀតមកសាងសង់ឲ្យបានកាន់តែច្រើន ដើម្បីសម្រួលថ្លៃសេវាឲ្យបានកាន់តែលឿនផងដែរ។ 

ប្រភព៖ ក្រសួងសាធារណការ និងដឹកជញ្ជូន 

អត្ថបទ៖ Andra 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto