Terra គឺជាឡានចំណូលថ្មីក្នុងប្រភេទជា SUV របស់ Nissan ដែលផលិតដំបូងនៅឆ្នាំ២០១៨ នឹងចេញលក់នៅទីផ្សារនៅឆ្នាំ២០១៩។ តាមពិត Terra ស្ថិតក្នុងកម្រោងតាំងពីឆ្នាំ២០១១មកម៉្លេះ គឺនៅពេលដែល ការអភិវឌ្ឍន៍របស់ Navara បានចាប់ផ្តើម។ ពេលនោះក្រុមហ៊ុន Nissan កំពុងពិចារណាក្នុងការអភិវឌ្ឍន៍រថយន្ត SUV ដោយមានគោលបំណងផលិតសម្រាប់ទីផ្សារប្រទេសចិន និងមជ្ឈិមបូព៌ាដែលកំពុងរីកចម្រើនខ្លាំង។

តែទោះជាយ៉ាងណា ការអភិវឌ្ឍន៍ត្រូវបានបញ្ឈប់ទៅវិញនៅចន្លោះឆ្នាំ ២០១៥ដោយមានបញ្ហាមួយចំនួនត្រូវបានរាំងស្ទះ។ តែក្រោយមកគ្រប់យ៉ាង ត្រូវបានដោះស្រាយល្អប្រសើរឡើងវិញ ទើបនៅឆ្នាំ២០១៩ Nissan Terra បានចេញលក់លើទីផ្សារនៅមជ្ឈិមបូព៌ា និងតំបន់អាស៊ាន ក្នុងនោះក៏មានកម្ពុជាយើងផងដែរ។

ថ្ងៃនេះ កម្មវិធីបទបង្ហាញរថយន្តមួយទឹក និងបន្ដការបកស្រាយទៅលើ Nissan Terra ឆ្នាំ២០១៩ ដែលបច្ចប្បន្ន ស្ថិតក្នុងប្រភេទជាឡានមួយទឹកស្លាកលេខ ដែលមានតម្លៃខ្ពស់ចន្លោះពី ៤ម៉ឺនល្លារជាង ទៅ ៥មឺនដុល្លារ អាស្រ័យលើ Option នឹងភិនភាគជាកស្ដែងជាដើម។  

ចង់ដឹងថាឡានចំណូលថ្មីមួយម៉ូឌែលនេះ មានសមត្ថភាពប៉ុណ្ណាក្នុងការទាក់ទាញចំណាប់អារម្មណ៌អ្នកប្រើប្រាស់ ក៏ដូចជាវាយឡុកចូលទីផ្សារ ដើម្បីប្រគួតប្រជែងនោះ សូមអញ្ជើញតាមដានជាមួយ Advan Auto ទាំងអស់គ្នា។

១. ស្រុកខ្មែរភាគច្រើននាំចូលនៅប្រភេទម៉ាស៊ីនម៉ាស៊ូត ៤ស៊ីឡាំង ចំណុះ ២.៥លីត្រជំនាន់ថ្មី (YD25DDTi) ជំនួយដោយ Turbo ដែលអាចផលិតកម្លាំងបាន ១៨៨សេះ កម្លាំងរមួល ៣៣០ផោនហ្វីត រត់ដោយប្រអប់លេខ ៧វគ្គអូតូ នឹងអាចបើកជំនួយដោយ ៧វគ្គលេខដៃបាន។ វាបង្វិលកង់ដោយប្រភេទប៉ុងក្រោយ (RWD តែមានជំនួយដោយ Differential Lock នឹងកាបពីតាស់) ដែលមានសមត្ថភាពរត់បានល្បឿនអតិបរិមា ២០០គីឡូម៉ែត្រ/ម៉ោង នឹងជាន់ស្ទុះពី០ ទៅ ១០០ ប្រើពេល ១០វិនាទី។

ម៉ាស៊ីនតូចល្មម តែខ្លាំងបែបនេះកម្រិតស៊ីប្រេងត្រឹម ៨លីត្រ ទៅ១០លីត្រប៉ុណ្ណោះក្នុង១០០គីឡូម៉ែត្រ។

២.បើនិយាយពីប្រព័ន្ធជើងក្រោមវិញមិនចាញ់ Lexus នឹង Land Cruiser ឡើយ ជាក់ស្ដែងជើងក្រោមរបស់ Terraដំណើរការដោយប្រព័ន្ធ ឯករាជ Independent Suspension ជំនួយដោយស្លាបប្រចៀវឌុប Double Wishbone អមដោយរឺស័រ នឹង Stabilizer Bar នៅផ្នែកខាងមុខ នឹងខាងក្រោយជា 5 Link ជាមួយនឹង Stabilizer Bar ។ ជើងក្រោមប្រភេទនេះ វាធ្វើការទប់លំនឹងបានល្អ មិនថាបើកលឿនផ្លូវកោងឡើយ ពិសេសហាប់ណែនរឹងមាំ តែទន់ស្រួលកាត់បន្ថយការលាក់បានល្អ នឹងអាចបើកបរបានស្ទើតែគ្រប់ស្ថានភាពផ្លូវតែម្ដង។ 

ចំណែកយាន់កង់វិញ ប្រើទំហំ ១៨អីញ បំពាក់ហ្វ្រាំងឌីសគៀបនៅផ្នែកខាងមុខ នឹងខាងក្រោយប្រជាហ្វ្រាំងត្រលោគ ជំនួយដោយប្រព័ន្ធ ABS ជាមួយប្រពន្ធសំខាន់ៗដូចជា៖ Hill Start Assist, Hill Descent Control, BA, EBD, VDC, VBLS, ផងដែរ។

៣. បើមើលពីការរចនាតួរខ្លួនទាំងមូលវិញ Terra គួរឲ្យទាក់ទាញគួរសមក្នុងសម័យថ្មីនេះអាចនិយាយបានថា រូបរាងមិនចាញ់ឡានទំនើបលំដាប់ថវិកាឡើយ។ 

បើមើលពីខាងមុខ Terra រំលិចដោយសំណាញ់បាណាស្រោបដោយក្រូម ជាមួយនឹងចង្កៀងគុច LED Projector អមដោយ LED Daytime Running Light ជាមួយនឹងពិលកាង LED ហើយក៏មានជំនួយដោយ Sensor ៨គ្រាប់ មុខ៤ ក្រោយ៤ ផងដែរ។ 

ចំពោះផ្នែកខាងក្រោយបំពាក់ស្ដុបជា LED ជាមួយនឹងភាពទំនើបទាន់សម័យនោះគឺ Kick Sensor ក្រវាស់ជើងបើកទ្វាក្រោយជាដើម។

វាមានប្រវែង ៤៨៨៥ម.ម ទទឹង ១៨៦៥ម.ម កម្ពស់ ១៨៣៥ម.ម ពីដីមកបាត ២២៦ម.ម នឹងទម្ងន់ជិត២តោន ឯណោះ។

៤.Nissan Terra ជាប្រភេទឡាន SUV ៧កៅអី ធំទូលាយ អាចជិះបាន ៧នាក់ ចំពោះផ្នែកតាបឡូខាងមុខ អាចនិយាយបានថាស្រដៀងទៅនឹង Nissan Navara។ តែសម្រាប់ Specs អាស៊ីក៏មានមកជាមួយនៅ Trim ឬ Option ៣ជម្រើសផងដែរគឺ EL, VE, VL ជាដើម។

បើជា Full Option VL វិញឃើញមានបំពាក់នៅ Smart Key Button Power Start(ជាស្ដងដា) កៅអីស្បែកប្រណិត ជំនួយដោយអេឡិចត្រនិក នឹង Lurba Support, អេក្រង់ធំ១០អីញ មានភ្ជាប់មុខងារជាច្រើនដូចជា Apple Carplay Android Auto, GPS, Camera 360, ដំបូលបើក, ពោងសុវត្ថិភាព ៦គ្រាប់ជុំវិញ Speaker ៦គ្រាប់, Kick Sensor, កញ្ចក់មើលក្រោយកាត់ចំណាំងផ្លាត ជាដើម។

ក្រៅពីនឹងក៏ឃើញមានបំពាក់មកនៅប្រព័ន្ធសុវត្ថិភាពមួយចំនួនទៀតដូចជា៖ 

• Intelligent Around View Monitor (AVM) 

• Intelligent Rear View Mirror 
• Blind Spot Warning
• Lane Departure Warning 
• Intelligent Forward Collision Warning (IFCW)
• Intelligent Emergency Braking (IEB)
• Intelligent Driver Alertness
• Rear Cross Traffic Alert (RCTA) ផងដែរដើម្បីបង្កើនប្រសិទ្ធភាពក្នុងការបើកបរ ឲ្យកាន់តែមានសុវត្ថិភាពខ្ពស់ជាដើម។

៦. និយាយរួមសម្រាប់ Nissan Terra ទាំងរូបរាង កម្លាំងសមត្ថភាព ជើងក្រោម ការសន្សំសំចៃ នឹងបច្ចេកវិទ្យាអាចនិយាយបានថា ទំនើបគួរសមក្នុងសម្រាប់ឆ្នាំ២០២២នេះ។ តែអ្វីដែលរាងស្ទើចិត្តបន្ដិចនោះគឺ ជាឡានទំនើបឆ្នាំខ្ពស់ដែរតែមិនបំពាក់នៅហ្វ្រាំងឌីសគៀបនៅផ្នែកខាងក្រោយ ម៉្យាងទៀតប្រព័ន្ធដ៏ពេញនិយមដូចជា Adaptive Cruise Controll ក៏មិនទាន់ឃើញមានដែរ តែសម្រាប់ឆ្នាំ២០២០ឡើងទៅ Nissan បានធ្វើការផ្លាស់ប្ដូរនឹងកែប្រែច្រើនគួរសម។

ចុះតម្លៃជិត ៥ម៉ឺនដុល្លារប៉ុណ្ណឹង បងប្អូនគិតថាចង់ពិចារណាជាមួយ Nissan Terra នេះដែរឬអត់? អាចចូលរួមបញ្ចេញមតិ ឬបទពិសោធន៍ជាមួយ Advan Auto នៅក្នុង Comment ខាងក្រោមនេះបាន៕

ដោយ៖ BunSak