ពពួក Corolla ឆ្នាំ០១នឹង០២ រហ័សនាមថា (ភ្នែកសណ្ដែកដី) ល្បីមិនធម្មតាឡើយសម្រាប់ស្រុកខ្មែរយើង ហើយពពួកឆ្នាំ០១នឹង០២ គឺថា Toyota ផ្លាស់ប្ដូររាងថ្មីមើលទៅស្អាតប្លែកជាងពពួកឆ្នាំ ៩៨នឹង២០០០ បើទោះបីជាស្ថិតក្នុងជំនាន់ទី៨ ជាមួយគ្នាក៏ដោយ។

សម្រាប់តម្លៃទីផ្សារបច្ចុប្បន្នវិញពពួកឡានស្អាតៗ ឃើញនៅខ្ពស់គួរសម ខណៈអាយុកាលខ្ទង់ ២០ឆ្នាំហើយក្ដីក៏នៅតែពេញនិយម គ្រាន់បើ។ ជាទូទៅឃើញដាក់លក់ពពួកឆ្នាំ០១ នឹង០២ ខ្ទង់ ៣,០០០ដុល្លារក្រាស់ ទៅ ៤,០០០ដុល្លារស្ដើង ហើយក៏មានឡានខ្លះទៀតដែលមានភិនភាគល្អ សាណុំ អាចលោតដល់ ៦,០០០ដុល្លារជាងក៏មានដែរ។

កូនឡានវ័យចំណាស់មួយនេះ ប្រើម៉ាស៊ីន ៤ស៊ីឡាំង ១.៨លីត្រ ផលិតកម្លាំង ១២៥ សេះ រត់ដោយប្រអប់លេខ ៤ វគ្គអូតូ បង្វិលកង់ដោយប៉ុងមុខ(FWD)​ ជាមួយកម្រិតស៊ីសាំងវិញខ្ទង់ ៦ ទៅ ៨លីត្រក្នុងមួយ ១០០គីឡូម៉ែត្រ ឬអាចលើសខ្វះតិចតួច អាស្រ័យលើ ស្ថានភាពផ្លូវជាក់ស្ដែង។

ស្ដិតក្នុងប្រភេទឡាន Sedan ទ្វា៤ កៅអី ២ជួរ អាចជិះបាន ៥នាក់ នឹងសល់ឃ្លុបក្រោយដាក់អីវ៉ានបានច្រើនគួរសម។

បើនិយាយពីបរិក្ខាដែលបំពាក់មកជាមួយគឺថាសាមញ្ញតែម្ដង ខណៈពពួក Corolla មិនទំនើបស្រាប់ផង ចំពោះស៊េរីឆ្នាំចាស់ៗ Old School បែបនេះទៀត គឺថាធម្មតាៗមិនមានអ្វីពិសេសប្លែកឡើយ។

សម្រាប់បងប្អូនវិញយល់យ៉ាងណាដែរចំពោះ Corolla ឆ្នាំ០១នឹង០២ មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!