ទើបតែរះប៉ុន្មានឆ្នាំសោះ ក្រុមហ៊ុនផលិតរថយន្ដអគ្គិសនីវៀតណាម VinFast បានក្លាយជាក្រុមហ៊ុនផលិតរថយន្ដដែលមានមូលធនទីផ្សារខ្ពស់ជាងគេ លំដាប់ទី ៣ ឈរជើងបន្ទាប់ពី Tesla និង Toyota វ៉ាដាច់ក្រុមហ៊ុនធំៗជាច្រើនជាពិសេស ក្រុមហ៊ុនយក្សចិន BYD និងក្រុមហ៊ុនល្បីៗដូចជា Porsche, Mercedes Benz, Ford និង General Motor ជាដើម។
តាមការចុះផ្សាយពី CNBC បានឲ្យដឹងថា ក្នុងរយៈពេល ២ សប្ដាហ៍ចុងក្រោយក្នុងខែ សីហា ឆ្នាំ ២០២៣ នេះ ទីផ្សារភាគហ៊ុនក្រុមហ៊ុន VinFast Auto Pte. Ltd. ហក់ឡើងខ្ពស់ដល់ទៅ ៧០០% ជាមួយនឹងមូលធនទីផ្សារសរុបដល់ទៅ ១៩១.២៣ ពាន់លានដុល្លារ ដែលឈរនៅលំដាប់ទី ៣ បន្ទាប់ពី Tesla លំដាប់ទី ១ (៧៥៨ ពាន់លានដុល្លារ), Toyota លំដាប់ទី ២ (២២៦.៣ ពាន់លានដុល្លារ) និងនាំមុខក្រុមហ៊ុនធំៗដូចជា Porsche លំដាប់ទី ៤ (៩៩.១៦ ពាន់លានដុល្លារ) និងជាពិសេសក្រុមហ៊ុនចិន BYD ដែលកំពុងតែមានសន្ទុះខ្លាំងពេលបច្ចុប្បន្ន ឈរនៅលំដាប់ទី ៥ (៩២.៤ ពាន់លានដុល្លារ) ខណៈក្រុមហ៊ុនល្បីៗផ្សេងៗទៀតដូចជា Ford និង General Motor ស្ថិតនៅលំដាប់ទី ១២ និង ១៣។
គួរឲ្យដឹងដែរថា កាលពីពេលថ្មីៗនេះ ក្រុមហ៊ុន VinFast ទើបតែសម្រេចការបើកការដ្ឋានសាងសង់រោងចក្រផលិតរថយន្ដ អគ្គិសនីតម្លៃ ៤ ពាន់លានដុល្លារ របស់ខ្លួននៅ North Carolina សហរដ្ឋអាមេរិក គ្រោងបើកដំណើរការផលិត នៅឆ្នាំ ២០២៥ នេះ ជាមួយការព្យាករណ៍ថាអាចផលិតបានរថយន្ដអគ្គិសនី ១៥០ ០០០ គ្រឿង និងលក់បានពី ៤៥ ០០០ ទៅ ៥០ ០០០ គ្រឿង ក្នុងឆ្នាំនេះ។
គួររំឭកថា តាំងពីចាប់ផ្ដើមប្រឡូកក្នុងវិស័យរថយន្ដក្នុងឆ្នាំ ២០១៧ និងរថយន្ដអគ្គិសនីនៅឆ្នាំ ២០២០ នៅប៉ុន្មានឆ្នាំចុងក្រោយឃើញថា VinFast បានពង្រីកម៉ាកសញ្ញារបស់ខ្លួនគួរឲ្យកត់សម្គាល់ ជាពិសេសការលក់រថយន្ដអគ្គិសនី SUV VF8 និង VF9 ដែលទទួលការគាំទ្រកម្មង់ទិញរាប់ពាន់គ្រឿងក្នុងទីផ្សារអាមេរិក ព្រមទាំងគម្រោងពង្រីកទៅតំបន់អឺរ៉ុប និងអាស៊ី (ពេលអាស៊ីមានអ្នកប្រើឡានអគ្គិសនីទូលំទូលាយ) ដែលជាជំហានល្អមួយសម្រាប់ VinFast ឈានទៅប្រកួតប្រជែងជាមួយក្រុមហ៊ុនអគ្គិសនីធំៗផងដែរ។
យ៉ាងណាមិញ អ្នកវិភាគសេដ្ឋកិច្ចជំនាញ បានឲ្យដឹងដែរថា ការឡើង ឬចុះនៃអត្រាភាគហ៊ុន និងមូលធនទីផ្សារក្រុមហ៊ុននីមួយៗនេះ គឺប្រែប្រួលជាញឹកញាប់ ដោយមិនស្ថិតស្ថេរឡើយ ដូច្នេះហើយ វាអាស្រ័យទៅលើការបត់បែនរបស់ក្រុមហ៊ុននីមួយៗក្នុងការប្រកួតប្រជែងគ្នានៅពេលខាងមុខទៀត។
ប្រភព៖ CNBC
អត្ថបទ៖ Andra
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក