ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីៗនេះ ឡានអគ្គិសនីពិសេសរបស់ក្រុមហ៊ុនជប៉ុនដែលអាចអណ្តែតលើទឹក ដែលអាចនាំមនុស្សទៅកាន់ទីសុវត្ថិភាព អំឡុងគ្រោះមហន្តរាយនិងគ្រោះទឹកជំនន់ បានដាក់ដំណើរការសាកល្បងនៅវិទ្យាស្ថាន Suita សាកលវិទ្យាល័យ Osaka។ 

ឡានអគ្គិសនី រាងតូចច្រឡឹងប្រវែង ២,៦ ម៉ែត្រ ដែលផលិតឡើងដោយក្រុមហ៊ុន FOMM Corp., ត្រូវបានដាក់សាកល្បងក្នុងអាងទឹក កាលពីថ្ងៃទី២០ ខែធ្នូ ឆ្នាំ២០២១ កន្លងទៅ។ រថយន្តនេះមានលក្ខណៈ ពិសេសគឺនៅពេលដែលទឹកលិចដល់ជម្រៅ ១ ម៉ែត្រ នោះ​តួរថយន្តនិងអណ្តែតឡើងបន្តិចម្តងៗ ហើយសូម្បីតែអ្នកនៅក្នុងឡានក៏អណ្តែតឡើងដែរ។ ជាមួយគ្នានោះដែរ ឡាននេះក៏មានប្រព័ន្ធការពារទឹក ដែលអាចការពារពីការខូចឡាន នៅពេលបើកលើផ្លូវទឹកជំនន់ផងដែរ នេះបើយោងតាមការឲ្យដឹងពី FOMM ។​

រថយន្តនេះត្រូវបានផលិតឡើងពីជ័រផ្លាស្ទីក ហើយកង់របស់វាមានរចនាសម្ព័ន្ធដូចស្លាបកង្ហារ ដែលអនុញ្ញាតឱ្យរថយន្តផ្លាស់ទី លើផ្ទៃទឹកហើយអ្នកបើកបរក៏អាចកាច់ចង្កូតរថយន្តទៅមុខបានថែមទៀតផង។ ចំណែកឯហ្គែរបង្កើនល្បឿនត្រូវបានប្រើប្រាស់ដោយប្រើដៃ ជំនួសហើយឈ្នាន់ហ្គែរនៅនឹងជើង ។

ចំណែកឯចំណុចខ្សោយនៃរថយន្តនេះគឺវាអាចធ្វើដំណើរក្នុងទឹកត្រឹមល្បឿនតែ ១ ទៅ ២ គីឡូម៉ែត្រប៉ុណ្ណោះក្នុងរយៈ ពេលមួយម៉ោង ដែលជាឧបសគ្គក្នុងការបម្លាស់ទីនៅពេលដែលចរន្តទឹកហូរខ្លាំង ហើយ ចម្ងាយបើកបរអតិបរមាវាអាចរត់បាន 160 គីឡូម៉ែត្រ និងអាចជិះបាន ៤ នាក់។ 

គួរបញ្ចាក់ដែរថា​ រថយន្តនេះបានផលិតនៅឯប្រទេសថៃតាំងពីឆ្នាំ២០១៩ មកម្ល៉េះ ហើយបាននាំទៅលក់នៅជប៉ុនប្រមាណ ២០ គ្រឿងនៅឆ្នាំ ២០២១ ដាក់លក់ក្នុងតម្លៃ ២,៧ លានយ៉េន ឬ ២៣,៦០០$ គិតរួមទាំងពន្ធ។ 

អត្ថបទដោយ៖ មុីស៊ាង

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto