👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ………………………………………………………………………………….

កំឡុងពេល Tesla កំពុងជួបទុក្ខលំបាកនាពេលបច្ចុប្បន្នដោយសារតែបញ្ហាទីផ្សារធ្លាក់ចុះ ដែលបង្ខំឲ្យខ្លួនត្រូវកាត់បន្ថយ បុគ្គលិក និងបិទសាខាជាបន្ដបន្ទាប់នោះ វាបានក្លាយជាឱកាសល្អសម្រាប់ក្រុមហ៊ុនផលិតរថយន្ដអគ្គិសនី ជាគូប្រកួតផ្សេងៗទៀត ដូចជា Volkswagen, Ford, GM Motor ជាដើម ខិតខំអភិវឌ្ឍខ្លួនផលិតឡានអគ្គិសនី លក់ឲ្យបានច្រើនជាងមុន ដើម្បីដេញជើងឲ្យទាន់ Tesla និងដណ្ដើមដំណឺងជាមេធំខាងទីផ្សារឡានអគ្គិសនីលើពិភពលោក។ 

ជាក់ស្ដែង កាលពីពេលថ្មីៗនេះ អ្នកជំនាញខាងទីផ្សារយានយន្ដរបស់ Bloomberg  ទើបតែបានព្យាករណ៍ថានៅ ឆ្នាំ ២០២៤ នេះ Tesla នឹងធ្លាក់កូត របូតដំណែងជើងឯកទៅ Volkswagen Group ដោយ Volkswagen កំពុងដំឡើងការផលិតរបស់ខ្លួនទ្វេគុណ និងផែនការផលិតច្រើនអគ្គិសនីឲ្យបានច្រើនជាង ២លានគ្រឿងរបស់ខ្លួនក្នុងឆ្នាំ ២០២៤។   

ថ្មីៗនេះផងដែរ តាមរបាយការណ៍សិក្សាពីសង្គ្រាមឧស្សាហកម្មរថយន្ដថ្មីពីអ្នកជំនាញ ធនាគារសហរដ្ឋអាមេរិក បានឲ្យដឹងថា ក្រៅពី Volkswagen មានក្រុមហ៊ុនផលិតឡានល្បីៗពីរទៀត ដែលគ្រោងនឹងទាញ Tesla ចេញពីដំណែងបងធំ ឡានអគ្គិសនីពិភពលោក នោះគឺ Ford និង GM នៅឆ្នាំ ២០២៥។   

លោក John Murphy អ្នកវិភាគជាន់ខ្ពស់នៅមជ្ឈមណ្ឌលស្រាវជ្រាវធនាគារពិភពលោក បានមានប្រសាសន៍ថា “បច្ចុប្បន្ននេះ​ Tesla មានចំណែកទីផ្សារក្នុងវិស័យឡានអគ្គិសនីចំនួន ៧០% តែអាចនឹងធ្លាក់ដល់ត្រឹម ១១% កំឡុង ៣ឆ្នាំក្រោយ រីឯ Ford និង GM អាចកើនចំណែករបស់ខ្លួន ១៥% លើចំណែកទីផ្សារបច្ចុប្បន្ន ដែលបានមកពីការ ចេញឡានម៉ូដែលថ្មីរបស់ខ្លួន។” 

លោកបានបន្ថែមទៀតថា “មូលហេតុនោះគឺមកពី Tesla មានភាពយឺតយ៉ាវ ទាំងការចេញឡានម៉ូដែលថ្មី និងផលិតឡានជូនអតិថិជន ដែលគម្លាតនេះធ្វើឲ្យក្រុមហ៊ុនផ្សេងៗអាចឆ្លៀត ដណ្ដើមទីផ្សារបាន។”

យ៉ាងណាមិញ អ្នកជំនាញក៏បានបន្ថែមថា ទោះបីមានគូប្រជែងគ្រប់ទិសក៏ដោយ Tesla អាចនឹងមានឱកាសរើរបម្រាស់ខ្លួន បានបើសិនជាពង្រឹងផលិតកម្ម និងផែនការលក់របស់ខ្លួនឡើងវិញ ទាន់ពេលខ្លួននៅមានឥទ្ធិពលនៅឡើយ និងខណៈដែល Tesla Model Y នៅរក្សាដំណែងជារថយន្ដអគ្គិសនីលក់ដាច់ជាងគេលើពិភពលោក។   

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto