ម៉ាស៊ីនត្រជាក់ឡានអត់ត្រជាក់មែនទេ?នេះជាវិធីសាស្រ្ដដែលអាចជួយកែខៃឲ្យម៉ាស៊ីនត្រជាក់ឡានត្រជាក់ដូចទិញទឹកកកដាក់ឡាន

បើកឡានពេលថ្ងៃ ជួបបញ្ហាផ្លូវស្ទះមធ្យម ងំត្រង់ថាម៉ាស៊ីនត្រជាក់ឡានអត់ត្រជាក់ទៀត អញ្ចឹងថ្ងៃនេះ Advan Auto នឹងចែករំលែកតិចនិកមួយចំនួនដែលអាចជួយសម្រួលដល់បញ្ហាមួយនេះ

1. បើកកង្ហារសិនចាំបើកម៉ាស៊ីនត្រជាក់តាមក្រោយ

ពេលសីតុណ្ហភាពនៅខាងក្នុងឡានខ្ពស់ជាងខាងក្រៅឡានរឿងដំបូងដែលគួរធ្វើបន្ទាប់ពីបើកទ្វារចូលឡានភ្លាមសូមទម្លាក់កញ្ចក់ក្រោយ ហើយបើកកង្ហារសិន ដើម្បីឲ្យខ្យល់ក្តៅចេញពីក្នុងឡាន រួចហើយចាំបើកម៉ាស៊ីនត្រជាក់តាមក្រោយ ។

2. ហាមបើកម៉ាស៊ីនត្រជាក់កប់ៗ

ពេលយើងបើកម៉ាស៊ីនត្រជាក់នៅក្នុងកម្រិត Max Cool ឡាននឹងចាប់ផ្តើមប្រើខ្យល់ខាងក្នុង ឬ Recirculate Air នោះខ្យល់បញ្ចេញមកហើយក៏បឺតចូលទៅក្នុងវិញ ហើយបញ្ចេញមកក្រៅម្តងទៀត ដូចនេះវានឹងធ្វើឲ្យឡានក្តៅដដែល ។

3. ហាមចុចប៊ូតុង Recirculate Air

ចុចប៊ូតុង recirculate air វានឹងធ្វើឲ្យឡានត្រជាក់តែផ្នែកខាងមុខ ចំណែកអ្នកនៅខាងក្រោយ នៅតែក្តៅដដែល ដោយសារខ្យល់បញ្ចេញមកនៅកៅអីមុខនឹងត្រូវស្រូបចូលទៅក្នុងវិញ ដូចនេះវាមិនអាចសាយភាយដល់អ្នកក្រោយបានទេ ។

4. សម្អាតតម្រងខ្យល់

តម្រងខ្យល់ម៉ាស៊ីនត្រជាក់ក្នុងឡានអ្នក មានតួនាទីចម្រោះធូលី កម្ទេចកម្ទី ភាពកខ្វក់ និងមេរោគបាក់តេរីផ្សេងៗ ប្រសិនបើធូលីហ៊ុំព័ទ្ធបិទជិតរន្ធបញ្ចេញខ្យល់ ឡានអ្នកនឹងលែងសូវត្រជាក់ និងអាចប៉ះពាល់ដល់សុខភាព។

5. ចតឡានក្រោមម្លប់

ចតឡានក្រោមម្លប់ជួយឲ្យសីតុណ្ហភាពឡានយើងត្រជាក់ ដូចច្នោះពេលបើកម៉ាស៊ីនត្រជាក់វាក៏ឆាប់ ត្រជាក់ដូចគ្នា ដូចច្នោះកុំភ្លេចនាំគ្នាដាំដើមឈើឲ្យបានច្រើន ដើម្បីយកម្លប់ចតឡានផង ។

គួរបញ្ជាក់ថា ទាំងអស់នេះគ្រាន់តែជាវិធីសាស្ត្រខ្លះៗសម្រាប់ប្រើបណ្តោះអាសន្នប៉ុណ្ណោះប៉ុន្តែបើម៉ាស៊ីនត្រជាក់ឡានអ្នកនៅតែមិនត្រជាក់ វាអាចមកពីបញ្ហាកំហូចផ្សេងៗដូចជា ខូចកញ្ច្រែងត្រជាក់ ខូចកុំប្រេសស័រ ខ្វះហ្កាស លេចធ្លាយ ឬស្ទះទុយោខ្យល់ជាដើម ដូចច្នោះសូមយកឡានរបស់អ្នកទៅជួបអ្នកជំនាញដើម្បីជួសជុលជាបន្ទាន់ ជៀសវាងជិះបណ្តើរបកផ្លិតបណ្តើរ ។

ទស្សនាវីដេអូ៖

..................................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

អត្ថបទថ្មី

អត្ថបទទាក់ទង

វីដេអូ