អស់បារម្មណ៍ពេលបើកឡានខែភ្លៀងទៀតហើយ បើអ្នកដឹងពីចំណុចទាំងនេះ

បើកឡានខែភ្លៀងអាចជាបញ្ហាចោទមួយសម្រាប់ម្ចាស់ឡានជាច្រើន ដូច្នោះថ្ងែនេះ Advan Auto សុំធ្វើជាអ្នកនៅក្បែរផ្ដល់ភាពកក់ក្ដៅឲ្យអ្នកពេលត្រូវបើកឡានក្រោមដំណក់ទឹកភ្លៀងតាមរយៈតិចនិកងាយៗខាងក្រោមនេះ

1.បើកម៉ាស៊ីនត្រជាក់

ពេលមេឃភ្លៀងអ្នកគួរបើកម៉ាស៊ីនត្រជាក់ ដើម្បីការពារកុំឲ្យកញ្ចក់ឡានឡើងអ័ព្ទមើលផ្លូវមិនឃើញ ។

ឬប្រើប្រាស់ ប៊ូតុង Defrost Vent ដែលជាមុខងារជួយអោយខ្យល់ម៉ាស៊ីនត្រជាក់បាញ់ចំកញ្ចក់ខាងមុខ ដើម្បីកាត់បន្តយភាពស្រអាប់នៃកញ្ចក់ផងដែរ។

2. រក្សាគម្លាត

ក្បួនងាយស្រួលគឺយកល្បឿនបើកបរមកចែកជា ២ ដើម្បីរកចម្ងាយគម្លាត។

ឧទាហរណ៍ថាអ្នកបើកបរក្នុងល្បឿន 40 km/h ដូចនេះអ្នកគួរទុកគម្រៀតសុវត្ថិភាពប្រហែល 20m ពីឡានខាងមុខ ។ តែពេលមេឃភ្លៀង អ្នកគួរទុកគម្លាតគុណនឹង ២ ឬស្មើនឹងឡាន ៣ បើកបន្តកន្ទុយគ្នា

3. បើកភ្លើងមុខក្រោយ និងភ្លើងបំភ្លឺផ្លូវ

ត្រូវបើកភ្លើងមុខក្រោយ ដើម្បីឲ្យសញ្ញាទៅអ្នកបើកឡានមកពីទិសបញ្ចា្រស់គ្នាបានដឹង និងឲ្យសញ្ញាទៅអ្នកបើកឡានខាងក្រោយ បានដឹងថាមានឡាននៅខាងមុខ បើកភ្លើងមុខដើម្បីបំភ្លឺផ្លូវ តែកុំបើកភ្លើងហ្វាព្រោះវាបង្កជាចំណាំងផ្លាតជាមួយទឹកភ្លៀង នាំឲ្យអ្នកពិបាកមើលផ្លូវលើសដើម

4. ប្រើហ្រ្វាំងតិចបំផុត

អ្នកគួរបើកយឺតៗតាមដែលអាចធ្វើបាន រក្សាគម្លាតឲ្យឆ្ងាយ និងជាន់ហ្រ្វាំងតិចៗ ពេលត្រូវការបន្ថយល្បឿន ។បើអ្នកជ្រុលជារអិលឡានរ៉េចង្កូតសូមកុំជាន់ហ្រ្វាំង, ដកជើងចេញពីជ្នាន់ហ្គែរ ហើយទប់ចង្កូតឲ្យស្របជាមួយទិសដៅដែលឡានអ្នករអិល រហូតដល់អ្នកគ្រប់គ្រងឡានបានក្នុងទិសដៅស្របហើយ ចាំជាន់ហ្រ្វាំងតិចៗដើម្បីបញ្ឈប់ឡាន

5. ឈប់ឡានសិន

បើភ្លៀងវាយលុកខ្លាំងរហូតដល់មើលផ្លូវលែងឃើញ មានតែការប្រើក្បាច់ដូនតាចែកឲ្យនោះទេគឺ មានតែឈប់ឡានសិន ជាជាងដែលប្រថុយគ្រោះថ្នាក់បើកឡានទៅមុខបន្ត ។

អ្នកគួររកមើលកន្លែងណាដែលទូលាយ សុវត្ថិភាព ដើម្បីចូលចតបណ្តោះអាសន្នសិន ហើយបើថាអង្គុយចាំយូរ អាចទាញទូរស័ព្ទមកអូសមើលអត្ថបទ និងវីដេអូចំណេះដឹងពីឡានផ្សេងៗនៅក្នុងផេក Advan Auto បាន ។

ទស្សនាវីដេអូ៖

..................................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

អស់បារម្មណ៍ពេលបើកឡានខែភ្លៀងទៀតហើយ បើអ្នកដឹងពីចំណុចទាំងនេះ

អត្ថបទថ្មី

អត្ថបទទាក់ទង

វីដេអូ