ស្ងាត់ៗ Honda បញ្ចេញគម្រូឡានអគ្គសនីអនាគតនៅចិនម្ដង ៥ម៉ូដែល ត្រៀមចេញលក់នៅឆ្នាំក្រោយ

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះក្រុមហ៊ុនផលិតរថយន្ដល្បីឈ្មោះរបស់ជប៉ុន Honda បានបោះទុនវិនិយោគរួមគ្នាជាមួយក្រុមហ៊ុនចិនផលិតឡានអគ្គសនីក្នុងប្រទេសចិន។ ឡានអគ្គសនីដែលក្រុមហ៊ុន Honda នឹងនាំយកមកនេះគឺត្រូវបានដាក់ចូលទៅក្នុងក្រុម “e:N series” ដែលជាប្រភេទ “e-prototype”។

ក្នុង e:N series នេះ Honda គ្រោងនឹងបញ្ចេញដល់ទៅ ១០ម៉ូដែល ដែលពេលនេះមាន ៥ម៉ូដែលហើយដែលបានបង្ហាញរូបរាង ក្នុងនោះ ២ម៉ូដែល កំពុងតែចាប់ផ្ដើមដំណើរការផលិត និង បីមូដែលទៀតកំពុងស្ថិតនៅជាគម្រូនៅឡើយ។

Honda អគ្គិសនីទាំងពីរម៉ូដែលនេះរួមមានប្រភេទឡានធម្មតាសម្រាប់ប្រើប្រចាំថ្ងៃ មានឈ្មោះថា Honda e:NP1 និងម៉ូដែលមួយទៀតមានលក្ខណៈជាឡានស្ព័រ មានឈ្មោះថា Honda e:NS1 ។

សម្រាប់ព័ត៌មានលម្អិតដែលទាក់ទងទៅនឹងសមត្ថភាព និងបច្ចេកវិទ្យាផ្សេងៗរបស់វានៅមិនទាន់មានការបង្ហើបឲ្យដឹងនៅឡើយទេ ប៉ុន្ដែវាត្រូវបានគេសន្និដ្ឋានថា នឹងយកតាមគម្រូ Honda HR-V ព្រមទាំងត្រូវបានផលិតដោយក្រុមហ៊ុនចិនពីរផ្សេងគ្នាគឺ Dongfeng Honda និង GAC Honda ហើយត្រូវបានព្យាករណ៍ថានឹងចេញលក់ក្នុងរង្វង់ខែមិនា ឆ្នាំ២០២២នេះ។

រូបភាព៖ Cocept Honda EV ទាំងបី រាប់ពីឆ្វេងទៅ e:N SUV, e:N GT, e:N Coupé (Source: InsideEV)

រីឯ Honda ទាំងបីម៉ូដែលទៀតត្រូវបានគេហៅឈ្មោះដូចជា e:N Coupé, e:N SUV and e:N GT ដែលមានរូចរាង និងលក្ខណៈខុសពី ២ម៉ូដែលខាងលើ ដោយសារតែវាត្រូវបានរចនាដោយស្ថាបត្យកម្មថ្មីទំនើបមានរាងជ្រុងៗ និងមានរំលេចភ្លើង LED ផងដែរ។

Honda ក៏បានបន្ថែមទៀតថានឹងនាំ e:N series នេះមកធ្វើការបង្ហាញមុខជាផ្លូវការក្នុងរង្វង់ ៥ឆ្នាំទៀត ព្រមទាំងសម្លឹងមើលការនាំចេញទៅក្រៅប្រទេស បន្ថែមពីលើតែទីផ្សារប្រទេសចិនផងដែរ។

ប្រភព៖ Electrive.com ប្រែសម្រួល៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

ស្ងាត់ៗ Honda បញ្ចេញគម្រូឡានអគ្គសនីអនាគតនៅចិនម្ដង ៥ម៉ូដែល ត្រៀមចេញលក់នៅឆ្នាំក្រោយ

អត្ថបទថ្មី

អត្ថបទទាក់ទង

វីដេអូ