ចិនបោះលុយ ៨៣០ លានដុល្លារ លើគម្រោងអភិវឌ្ឍថ្មឡានអគ្គិសនីបច្ចេកវិទ្យាទំនើប ដែលមានការចូលរួមពីក្រុមហ៊ុនផលិតរថយន្ដអគ្គិសនីឈានមុខគេរបស់ ចំនួន ៦ មកសិក្សាលើគម្រោងនេះ។
តាមការឲ្យដឹងពី Reuters ថា គម្រោងអភិវឌ្ឍថ្មឡានអគ្គិសនីនេះ នឹងត្រូវដឹកនាំដោយរដ្ឋ ដោយមានការចូលរួមសិក្សាស្រាវជ្រាវពីក្រុមហ៊ុនផលិតរថយន្ដអគ្គិសនីល្បីៗរបស់ចិន ៦ រួមមាន ក្រុមហ៊ុន CATL, Nio (backed WeLion New Energy Technology), BYD, FAW, SAIC Motor, និង Geely។
គម្រោងនេះគឺត្រូវធ្វើឡើងក្នុងគោលបំណង ដើម្បីស្វែងរកថ្មរថយន្ដអគ្គិសនីបច្ចេកវិទ្យាថ្មី ដែលមានសុវត្ថិភាព, សមត្ថភាពខ្ពស់, គុណភាពខ្ពស់មិនងាយខូច, អាយុកាលប្រើប្រាស់បានយូរ, និង សាកចូលបានលឿន បើធៀបទៅនឹងថ្មឡានអគ្គិសនី Lithium ion battery ដែលកំពុងតែប្រើប្រាស់បច្ចុប្បន្ន ដែលប្រើប្រាស់សារធាតុអេឡិចត្រូលីតរាវ ងាយឆេះ។
បើយោងតាមមតិជាច្រើនពីមន្ដ្រីជំនាញខាងឧស្សាកម្ម និងអ្នកជំនាញលើផ្នែកថ្មឡានអគ្គិសនី បានឲ្យដឹងថា បច្ចុប្បន្ននេះ ថ្មប្រភេទ Solid-state battery គឺកំពុងតែមានប្រជាប្រិយភាព ទៅលើគុណភាព និងសមត្ថភាពរបស់វា ដែលក្រុមហ៊ុនជាច្រើននៅជុំវិញពិភពលោក កំពុងតែសិក្សាពង្រីកសក្ដានុពលរបស់វាឲ្យកាន់តែប្រសើរ និងចាប់ផ្ដើមដាក់ទៅលើរថយន្ដអគ្គិសនីសេរីថ្មីៗរបស់ខ្លួន។
ស្របពេលគ្នានេះដែរ ការសិក្សាអាចនឹងជួបប្រទះជាមួយនឹងបញ្ហាលើ វត្ថុធាតុដើម, ដំណើរការការផលិតដែលមានលក្ខណៈស្មុគស្មាញ, និងចំណាយច្រើន។
ទោះបីជាយ៉ាងណាក៏ដោយ បើសិនជាគម្រោងនេះ ទទួលបានជោគជ័យ ចិននឹងក្លាយទៅជាអ្នកនាំមុខលើការប្រកួតប្រជែងថ្មឡានអគ្គិសនី និងជាទីផ្សារថ្មឡានអគ្គិសនីឈានមុខគេ ក្នុងទីផ្សារគ្រឿងយានយន្ដអគ្គិសនី។
ក្រៅតែពីចិន ក្រុមហ៊ុនផលិតរថយន្ដអគ្គិសនីផ្សេងៗទៀត ក៏កំពុងតែខ្នះខ្នែងអភិវឌ្ឍបច្ចេកវិទ្យាថ្ម របស់ខ្លួនផងដែរ ជាពិសេស ថ្មប្រភេទ Solid-state battery ដើម្បីប្រកួតប្រជែង និងកុំឲ្យបាត់បង់ទីផ្សារថ្មអគ្គិសនីទាំងស្រុងទៅក្រុមហ៊ុនរថយន្ដអគ្គិសនីចិន។
អត្ថបទ៖ Andra
ប្រភព៖ Reuters
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
Odyssey 2025 បានប្រកាសតម្លៃនៅលើទីផ្សារចាប់ពី 4 ម៉ឺនដុល្លារជាង ក្នុងនាមជាឡាន Minivan របស់ Honda
កំពូលរថយន្ត Ford Ranger Raptor បានទទួលជ័យជំនះសារជាថ្មីម្តងទៀតហើយ!
ZEEKR Cambodia នាំចូលរថយន្ដអគ្គិសនីជាច្រើនម៉ូឌែល ស្របពេលស្រុកខ្មែរចាប់ផ្ដើម និយមឡាន EV បណ្ដើរៗ
ឈ្វេងយល់ចំណុចពិសេសអគារតាំងបង្ហាញរថយន្ត ឡិច ស៊ឺស ជាទីកន្លែងដ៏ប្រណិតផ្ដល់ជូនបទពិសោធន៍លើសពីការរំពឹងទុក