Honda City ថ្មីខ្លាញ់គោតម្លៃ ២ម៉ឺនដុល្លារជាង ស្ថិនក្នុងចំណោមឡានគាស់កេស ដែលមានតម្លៃធូរ នឹងសន្សំសំចៃខ្ពស់ City ជាប្រភេទឡាន Sedan បែបស្ព័រ ឬអាចនិយាយបានថា ជាបងធំទី៣ បន្ទាប់ពី Honda Civic នឹង Accord ក្នុងចំណោមត្រកូល Sedan ទ្វា៤ ដ៏ពេញនិយមរបស់ Honda ។

ទោះបីជាម៉ូឌែលឆ្នាំ២០២៤ មិនទាន់ឃើញវត្តមានក្ដី ប៉ុន្ដែស៊េរីឆ្នាំ២០២៣ ថ្មីខ្លាញ់គោបច្ចុប្បន្នកំពុងដាក់លក់ក្នុងតម្លៃពិសេសត្រឹម ២៩,៩០០ដុល្លារ ខណៈកាលចេញដំបូង ៣៤,៥០០ដុល្លារឯណោះ។

Honda City ជាប្រភេទឡានដែលមានកម្លាំងគួរសម ទំនើប នឹងសន្សំសំចៃខ្ពស់ ក្នុងចំណោមឡានថ្មីដែលមានតម្លៃក្រោម ៣ម៉ឺនដុល្លារសម្រាប់ទីផ្សារស្រុកខ្មែរ។ 

ជាក់ស្ដែង City ២០២៣ ប្រើម៉ាស៊ីនសាំងជំនាន់ថ្មី I-VET ទំហំ ៤ស៊ីឡាំង ១.៥លីត្រ អាចផលិតកម្លាំងបាន ១១៩សេះ កម្លាំងរមួល ១៤៥ញូតុនម៉ែត្រ រត់ដោយអប់លេខ ៦វគ្គ CVT និង ៧វគ្គលេខដៃបញ្ជាដោយ Paddle Shift បង្វិលកង់ដោយប៉ុងមុខ FWD ជំនួយដោយ Drive Mode៖ Econ, Normal និង Sport Mode ជាមួយកម្រិតស៊ីសាំងចន្លោះពី ៥លីត្រ ទៅ ៦លីត្រប៉ុណ្ណោះក្នុង ១០០គីឡូម៉ែត្រ។

City មិនជាសាមញ្ញពេកឡើយ ទាំងចង្កៀងមុខ នឹងស្ដុបក្រោយបំពាក់ជា Full LED មួយឈុតតែម្ដង ចំណែកយាន់កង់វិញប្រើទំហំ ១៦អ៉ីងបែបស្ព័រ Alloy Wheel អមដោយហ្វ្រាំងឌីសគៀបទាំងមុខក្រោយ ជំនួយដោយប្រព័ន្ធ ABS នឹងមុខងារសុវត្ថិភាពជាច្រើនទៀតផងដែរ។

ចំពោះផ្នែកខាងក្នុង ឡានស្ព័ររបស់ជប៉ុនមួយនេះ ភ្ជាប់មកជាមួយ ប្រព័ន្ធ Smart Key ដែលអាចបញ្ជាឆេះពីចម្ងាយបាន។ ក្រៅពីនឹងក៏ឃើញមានភ្ជាប់មកជាមួយ អេក្រង់ LCD ទំហំ ៨អ៉ីងមានមុខងារ Apple CarPlay & Android Auto, កាម៉េរាក្រោយ ជំនួយដោយសេនស័រចូលចត, Speaker ៨គ្រាប់។

បំពាក់កៅអីស្បែកលាយកាំម្ញី ២ជួរធំទូលាយល្មម អាចជិះគ្នា ៥នាក់ ហើយផ្ទៃខាងក្នុងមួយចំនួនស្រោមដោយស្បែករំលិចដោយថ្នេរ, មានរន្ធម៉ាស៊ីនត្រជាក់ក្រោយ និងសល់ឃ្លុបក្រោយដាច់ដោយឡែកដាក់អីវ៉ានបានច្រើនគួរសមដែរ។ 

សម្រាបបងប្អូនវិញយល់យ៉ាងណាដែរចំពោះ Honda City ឆ្នាំ២០២៣ មួយនេះ? ចំពោះបងប្អូនដែលមានតម្រូវការស្វែងរករថយន្ដ Sedan បែបស្ព័រ សន្សំសំចៃ តម្លៃក្បែរ ៣ម៉ឺនដុល្លារ គិតចង់ពិចារណាជាមួយ City នេះដែរឬអត់? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!