ត្រកូល RX ជាប្រភេទឡាន Crossover SUV ដ៏ពេញនិយមរបស់ Lexus តាំងពីជំនាន់ទី១ ស៊េរី RX300 មកម៉្លេះ។ ចាប់ពីស៊េរីឆ្នាំ១៩៩៩ ដល់២០១៥ ត្រកូល RX ត្រូវបានកម្មវិធីបទបង្ហាររថយន្ដមួយទឹក របស់ Advan Auto គាស់កកាយមិនអោយខ្វះចន្លោះឡើយ។

ថ្ងៃនេះសូមលើកយកពីជំនាន់ទី៤ ឆ្នាំ២០១៦ ម្ដងដល់ឆ្នាំ២០១៨ ដែលគេហៅថា RX200t ដែលមានតម្លៃខ្ទង់ ៦ម៉ឺនដុល្លារ ទៅ ៧ម៉ឺនដុល្លារ សម្រាប់ប្រភេទស្លាកលេខ ចំណែកពពួកក្រដាសពន្ធចន្លោះពី ៧ម៉ឺនដុល្លារ ទៅ ៨ម៉ឺនដុល្លារ អាស្រ័យលើ Option ពណ៌ និងភិនភាគជាក់ស្ដែងជាដើម។ ខណៈឆ្នាំ២០១៩ គេហៅថា RX300 ត្រូវបានកែប្រែផ្លាស់ប្ដូរផ្នែកខ្លះមួយចំនួនបន្ថែមទៀត រីឯតម្លៃក៏ខ្ពស់ជាងទៅតាមហ្នឹងដែរ។

សម្រាប់ពពួក RX200t និង RX300 ត្រូវបាន Lexus បំពាក់ម៉ាស៊ីនត្រឹម ៤ស៊ីឡាំង ចំណុះ ២.០លីត្រ ជំនួយដោយ Turbo អាចផលិតកម្លាំងបានដល់ទៅ ២៣៥សេះ កម្លាំងរមួល ៣៥០ញូតុនម៉ែត្រ រតដោយប្រអប់លេខ ៦វគ្គអូតូ បង្វិលកង់ដោយជម្រើស ប៉ុង១ FWD និងប៉ុង២ AWD ជំនួយដោយប្រព័ន្ធ Lock ប៉ុង អមជាមួយ Drive Mode ដូចជា៖ Normal, Eco, Sport និង (Sport Plus សម្រាប់ Option F-Sport) ។

គួមផ្សំយាន់កង់ទំហំ ២០អ៉ីង អ៉ីងអាលុយមីញូម ជាមួយកម្រិតស៊ីសាំងចន្លោះពី ៨លីត្រជាង ទៅ ១០លីត្រប៉ុណ្ណោះក្នុង១០០គីឡូម៉ែត្រ។ 

សម្រាប់ជំនាន់ទី៤ ឆ្នាំ២០១៦មក RX ហាក់ផ្លាស់ប្ដូររូបរាងស្ទើតែទាំងស្រុង ជាមួយផ្នែកខាងក្រៅ​ និងផ្ទៃខាងក្នុង។

បើក្រឡេកមើលពីមុខវិញគ្រប់ដំណ្ដាប់ដោយបាណាឆ្នូតស្រោមដោយក្រូប បើជាប្រភេទ F-Sport បំពាក់ជាក្រឡាសំណាញ់ដែល Lexus ហៅថា Spindle Grill អមដោយចង្កៀងរាងស្រួចស្លីមជាប្រភេទគុជ LED ជាមួយភ្លើងបំភ្លឺពេលថ្ងៃរាងជាង អក្សរ L បន្ថែមដោយពិលកាង LED បើជាប្រភេទ F-Sport បំពាក់គុជ ៦គ្រាប់ប្រភេទ Adaptive និង Automatic High Beam ជាដើម។

ចំណែកស្ដុបក្រោយក៏ប្ដូរាងថ្មី និងហើមបន្ដិចជាប្រភេទ Full LED មើលទៅ Luxury និងទាន់សម័យ។
RX200t មានប្រវែង ៤៨៩០ម.ម ទទឹង ១៨៩៥ម.ម កម្ពស់ ១៦៩០ម.ម ពីដីមកបាត ២០០ម.ម ជាមួយទម្ងន់សរុបដល់ទៅជិត ២តោនឯណោះ។

ចូលទៅខាងក្នុង ទូលាយល្អណាស់ ព្រោះផ្ទៃទទឹកដល់ទៅជិត២ម៉ែត្រ អមដោយកៅអីស្បែក ជម្រើសពណ៌អាស្រ័យតាម Option ដូចជា៖ Executive, Premium, Luxury, និង F-Sport ជំនួយដោយអេឡិចត្រនិច និង Memory Seat ហើយភាគច្រើនស្រោមដោយស្បែករំលិចដោយថ្នេរ និងក្រូម ហ្វ្រាំងដៃអេឡិចត្រនិច ប៉ូតុង Auto Hold ប្រព័ន្ធ Auto Start/Stop ជាមួយមុខងារជាច្រើនទៀត ដែលមើលទៅបែប Luxury។

និយាយជារួម បើជាប្រភេទ Sport Full Option វិញ RX200t ទទួលបាន កៅអីក្ដៅត្រជាក់អូតូ កុងទ័រឌីជីថល អេក្រង់ថាច់ធំ ១២.៣អ៉ីង ភ្ជាប់កាមេរ៉ា ៣៦០ ឌឺក្រេ កញ្ចក់មើលក្រោយកាត់ចំណាំងផ្លាត Speaker Marlavin Son Surround Sound ផ្លឹតទឹកអូតូ Wireless Charge, DVD ក្រោយសម្រាប់អ្នកដំណើរ ទ្វាកូទក្រោយអូតូ សេនស័រវាស់សម្ពាធកង់ និងកញ្ចប់ Lexus Safety Sense ដូចជា៖

១/ ប្រព័ន្ធរក្សារឡានឲ្យបើកបរតាមគន្លងផ្លូវ LKA ។
២/ ប្រព័ន្ធកំណត់ល្បឿនតាមឡានខាងមុខ DRCC ។
៣/ ប្រព័ន្ធចាប់ហ្វ្រាំងដោយស្វ័យប្រវត្តិពេលជិតប៉ុកប៉ះ PCS ។
៤/ ប្រព័ន្ធផ្ដល់សញ្ញាពេលឡានចេញពេលចំណត ក្នុងករណីមានឧបសគ្គពីខាងក្រោយ RCTA ។
៥/ ប្រព័ន្ធផ្ដល់សញ្ញាពេលមានការវ៉ាជែងពីចំហៀង BSM និងប្រព័ន្ធជំនួយសុវត្ថិភាពជាច្រើនមួយចំនួនទៀតផងដែរ។

សរុបមក RX200t នៅតែជាឡានទំនើបបែប Luxury ជើងក្រោមហាប់ណែន ខាងក្នុងទូលាយ កម្លាំងខ្លាំងហើយសន្សំសំចៃថែមទៀតផង។ បើទោះបីជាអាយុកាលគន្លងផុតទៅជិត ១០ឆ្នាំហើយក្ដី តែសមត្ថភាព និងចំណុចពិសេសរបស់ត្រកួល RX មួយនេះនៅតែអេមក្នុងឆ្នាំ២០២៣នេះ។ 

តែអ្វីដែលស្ទើចិត្តបន្ដិចនោះ គឺតម្លៃខ្ពស់ពេក ក្បែរ១០ម៉ឺន សម្រាប់បច្ចុប្បន្ន បើកាតន់លុយប៉ុណ្ណឹង អាចមានជម្រើសច្រើនណាស់សម្រាប់រើស។
ចុះបងប្អូនវិញយល់យ៉ាងណាដែរចំពោះ RX200t ស៊េរីឆ្នាំ២០១៦ ដល់២០១៧នេះ? តម្លៃប៉ុណ្ណឹងបងប្អូនគិតថាមិចដែរ? សម្រាប់បងប្អូនដែលមានមតិយោបល់ និងបទពិសោធន៍ជាមួយ ត្រកូល RX ជំនាន់ទី ៤នេះ អាចចែករំលែកបន្ថែមបាន៕