Kia Ray ការឌីស្សាញរាងប្លែកបន្ដិច ដែលមើលទៅទាក់ភ្នែកគួរសម ឃើញស្រុកខ្មែរភាគច្រើនប្រើចាប់ពីស៊េរីឆ្នាំ ២០១២ដល់២០១៧ ជាមួយតម្លៃទីផ្សារបច្ចុប្បន្នខ្ទង់ ៨,០០០ដុល្លារជាង ទៅ ១២,០០០ដុល្លារ អាស្រ័យលើ ពណ៌ ឆ្នាំផលិល Option ប្រភេទស្លាកលេខឬក្រដាសពន្ធ នឹងភិនភាគឡានជាក់ស្ដែង។

Ray ជាប្រភេទ Minivan ខ្នាតតូចមួយ តែខាងក្នុងរាងទូលាយគួរសម អាចជិះបាន ៥នាក់ ពិសេសផ្នែកជួរក្រោយគឺថា មើលទៅស្រឡះ ងាយស្រួលចេញចូល នឹងអង្គុយដាក់ជើងទូលាយគ្រាន់បើ។

ជាមួយភិនភាគទំហំប្រវែងសរុប ៣៥៩៥ម.ម ទទឹង ១៥៩៥ម.ម កម្ពស់ ១៧០០ម.ម ពីដីមកបាត ១៦០ម.ម នឹងទម្ងន់ ៩៩៨គីឡូក្រាមប៉ុណ្ណោះ។

ទំហំតូចប្រើម៉ាស៊ីនក៏តួចដែរ ភាគច្រើនជាប្រភេទម៉ាស៊ីនសាំង ទំហំ ៣ស៊ីឡាំង ១.០លីត្រ ផលិតកម្លាំងបាន ៧៧សេះ កម្លាំងរមួល ៧០ផោនហ្វីត រត់ដោយប្រអប់លេខ ៤វគ្គអូតូ បង្វិកកង់ដោយប៉ុងមុខ FWD។

  ជាមួយកម្រិតស៊ីសាំងខ្ទង់ ៥លីត្រ ទៅ៦លីត្រប៉ុណ្ណោះក្នុង ១០០គីឡូម៉ែត្រ ឬអាចប្រែប្រួលតិចតួចទៅតាមស្ថានភាពជាក់ស្ដែង។

ចំពោះគ្រឿងបរិក្ខាដែលបំពាក់មកជាមួយវិញ អាចខុសប្លែកគ្នាទៅតាម Option ដែរតែបើជាប្រភេទ Full Option ឃើញមានកៅអីស្បែករ  ប្រើបូតុង Power Start បំពាក់ Smart Key ២គ្រាប់ កុងទ័រឌីជីថល អេក្រង់ធំ ៨អីញ មានមុខងារជាច្រើន ហើយក៏ភ្ជាប់ជាមួយ កាម៉េរាក្រោយ Sensor ៤គ្រាប់ជំនួយពេលចូលចតជាដើម។

សម្រាប់បងប្អូនវិញយល់យ៉ាងដែរចំពោះ Kia Ray មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕ 

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!