RMA Cambodia គឺជាក្រុមហ៊ុនដែលនាំចូលនូវរថយន្តម៉ាកល្បីៗលើពិភពលោក និង ចែកចាយផ្តាច់មុខសម្រាប់រថយន្ត Land Rover របស់ចក្រភពអង់គ្លេស ដែលជាក្រុមហ៊ុនផលិតរថយន្តដ៏ធំបំផុតមួយរបស់ពិភពលោក។

ហើយកាលពីល្ងាចថ្ងៃព្រហស្បតិ៍ ទី ១៨ ខែមករា ឆ្នាំ២០២៤ ក្រុមហ៊ុន RMA Cambodia បានអញ្ជើញភ្ញៀវដែលបានចូលរួមក្នុងកម្មវិធីទាំងអស់ ដេីម្បីចូលទៅទស្សនាដោយផ្ទាល់ នៅក្នុងកន្លែងជួសជុលរថយន្តរបស់ Land Rover Workshop ដើម្បីបង្ហាញអំពីបច្ចេកវិទ្យាដ៏ទំនើបចុងក្រោយ ដែលក្រុមហ៊ុន RMA Cambodia បាននាំចូលប្រកបដោយស្ដង់ដារពិភពលោក។​​

ដែលធ្វើឲ្យ Land Rover Cambodia ទទួលបានវិញ្ញាបនបត្រ ទទួលស្គាល់ដោយផ្ទាល់ពីរោងចក្រ Land Rover នៅចក្រភពអង់គ្លេសដំបូងគេ នៅប្រទេសកម្ពុជាទៅលើការជួសជុល និងតំហែរទាំលើរថយន្តប្រភេទ EV (Electric Vehicle) PHEV (Plug in hybrid electric vehicle) BEV (Battery Electric Vehicle)។

ដើម្បីឆ្លើយតបទៅនឹង  តម្រូវការសម្រាប់រថយន្ដ Land Rover ប្រភេទ អគ្គិសនី នឹង Plug-in Hybrid ដែលក្រុមហ៊ុន RMA Cambodia បាននឹងកំពុងនាំចូលសម្រាប់ទីផ្សារប្រទេសកម្ពុជា។

Land Rover Workshop គឺជាកន្លែងថែទាំ នឹងជួសជុលប្រកបដោយគុណភាពខ្ពស់ ទំនុកចិត្ត មានជាងជំនាញទាំងជនជាតិខ្មែរ នឹងបរទេស អមជាមួយបរិក្ខារទំនើបៗ ជាមួយបច្ចេកវិទ្យាខ្ពស់ ទៅតាមស្ដង់ដារអន្តរជាតិ។ ចំពោះគ្រឿងបន្លាស់សម្រាប់ផ្គត់ផ្គង់ RMA Cambodia ក៏បាននាំចូលមកជាប្រភេទ Original ពីក្រុមហ៊ុន Land Rover ផ្ទាល់តែម្ដង ដើម្បីធានាពីគុណភាព នឹងសុវត្ថិភាពសម្រាប់អតិថិជនរបស់ខ្លួន។

ទាំងនេះ គឺដើម្បីផ្ដល់នៅភាពកក់ក្ដៅ នឹងទំនុកចិត្តខ្ពស់ទៅលើការថែទាំ ជួសជុល ជាមួយសេវ៉ាកម្មផ្សេងៗ ទៅលើរថយន្ដ Land Rover ទាំងអស់ដែលមកទទួលសេវ៉ាកម្មពី Land Rover Workshop របស់ Land Rover Cambodia។

គួរបញ្ជាក់ផងដែរថា៖ កន្លងមកមានករណី ឆាបឆេះតាមដងផ្លូវពេលធ្វើដំណើរជាមួយរថយន្ដ Land Rover មួយចំនួនទាក់ទងនឹងបញ្ហាកំហូចផ្សេងៗ ក្រោយមានការស្រាវជ្រាវត្រួតពិនិត្យពីអ្នកជំនាញ បានបង្ហាញថា រថយន្ដទាំងនោះ គឺមិនមែនជារថយន្ដដែលទទួលបានការធានា ឬទិញពីក្រុមហ៊ុន RMA Cambodia ហើយក៏មិនធ្លាប់ទទួលបានការត្រួតពិនិត្យ ឬប្រើប្រាស់សេវ៉ាកម្មថែទាំត្រឹមត្រូវពី Land Rover Cambodia នោះឡើយ។

ដូចនេះ អតិថិជនដែលប្រើប្រាស់រថយន្ដ Land Rover គ្រប់ម៉ូឌែលទាំងអស់នៅព្រះរាជាណាចក្រកម្ពុជា អាចយករថយន្ដរបស់ខ្លួន ទៅត្រួតពិនិត្យ នឹងប្រើប្រាស់សេវាកម្មពី Land Rover Cambodia ជាមួយការថែទាំយ៉ាងត្រឹមត្រូវ មានជំនាញច្បាស់លាស់តាមស្ដង់ដារពិភពលោក របស់គ្រួសារ RMA Cambodia យើងបាន។

នៅក្នុងកម្មវិធីនេះផងដែរ ក៏មានការចូលរួមពីលោក ងន សាំង អគ្គនាយកប្រត្តិបត្តិនៃក្រុមហ៊ុន អ អិម អេ ខេមបូឌា ព្រមទាំងភ្ញៀវកិត្តិយសទាំងអស់របស់ Land Rover Cambodia បន្ទាប់ពីទស្សនាកន្លែងថែទាំ Land Rover Workshop រួចហើយក៏មានកម្មវិធី ពិសារភោជនីអាហារដ៏ឈ្ងុយឆ្ងាញ់បែប Fine Dinning ដែលរៀបចំឡើងដោយចុងភៅដ៏ចំណាន ក្នុងគោលបំណងដើម្បីធ្វើការផ្តល់បទពិសោធន៍ថ្មីមួយ នឹងជាការសម្ដែងនៅក្ដីនឹករលឹកចំពោះអតិថិជនរបស់ខ្លួនផងដែរ។