Everest SUV កៅអី ៣ជួររបស់ Ford ដែលទទួលបានការគាំទ្រខ្លាំងស្ទើតែគ្រប់ស៊េរីឆ្នាំតែម្ដង។ សម្រាប់តម្លៃខ្ទង់ ៣ម៉ឺនដុល្លារស្ដើងដែលចង់លើកយកមកនិយាយថ្លៃនេះ ឃើញទីផ្សារដាក់លក់បច្ចុប្បន្នស៊េរីឆ្នាំ ២០១៦ ដល់ ២០១៨ ខណៈគុណភាពហាក់នៅអេម ហើយក៏ទំនើបគួរសមដែរ។

ផ្នែកប្លុកម៉ាស៊ីនវិញ SUV ជំនាន់ទី២ ឆ្នាំ០១៦ ដល់ ០១៨ នេះបំពាក់ជាមួយម៉ាស៊ីនម៉ាស៊ូត ៥ស៊ីឡាំង ៣.២លីត្រ ជំនួយដោយ Turbo ផលិកម្លាំងបាន ១៩០សេះ កម្លាំងរមួល ៤៧០ញូតុនម៉ែត្រ រត់ដោយប្រអបលេខ ៦វគ្គអូតូ បង្វិលកង់ដោយប៉ុង២ 4WD ជំនួយដោយប្រព័ន្ធ Lock ប៉ុង។

ក្រៅពីនិងក៏មានបន្ថែមមុខងារ Terrain Select ដើម្បីឲ្យកាបើកបរកាន់តែមានទំនុកចិត្ត និងអាចធ្វើដំណើរបានស្ទើគ្រប់ស្ថានភាពផ្លូវ ជាមួយកម្រិតស៊ីប្រេងចន្លោះពី ៨លីត្រ ទៅ ១០លីត្រ ក្នុង១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។

ចំពោះផ្ទៃខាងក្នុងវិញមិនសាមញ្ញពេកទេសម្រាប់ស៊េរីឆ្នាំ ២០១៦ដល់២០១៨ មួយនេះដោយបំពាក់កៅអីស្បែក ៣ជួរអាចជិះបាន ៧ ទៅ ៨នាក់ ជាមួយរន្ធម៉ាស៊ីនត្រជាក់ទាំង កៅអីកណ្ដាល និងជួរក្រោយ ហើយផ្ទៃខាងក្នុងភាគច្រើនស្រោបដោយស្បែក ដែលមើលទៅប្រណិតគួរសម។

គ្រាន់តែពពួក Ford នៅស្រុកខ្មែរភាគច្រើនឆ្នាំ ២០១៨ចុះក្រោមមិនទាន់បំពាក់ Smart Key ឬប៉ូតុង Power ឡើយទេតែស៊េរីឆ្នាំ២០១៩ ឡើយទៅទើបមាន តែមិនសាមញ្ញពេកឡើយ មានអេក្រង់ថាច់កណ្ដាល SYNC 2 ទំហំ ៨អ៉ីង ភ្ជាប់កាមេរាក្រោយ ដំបូលបើក២តង់ ពោងសុវត្ថិភាពជុំវិញ ៧គ្រាប់, ផ្លឹកទឹកអូតូ ជាដើម។

បើនិយាយពីប្រព័ន្ធសុវត្ថិភាពជំនួយពេលបើកបរវិញ Everest ឆ្នាំចាស់មួយនេះភ្ជាប់មកជាមួយដូចជា៖ 

ប្រព័ន្ធ​ផ្តល់ដំណឹង​​ពេល​ងងុយគេង Driver Awareness Alet​។

ប្រព័ន្ធ​ផ្តល់ដំណឹង​ពេលមានឡានវ៉ាជែង Blind Sport Monitor ។ 

ប្រព័ន្ធ​ចូល​ចត​ដោយ​ស្វ័យប្រវត្តិ Semi-Active Park Assist។

សម្រាប់បងប្អូនវិញយល់យ៉ាងណាដែរចំពោះអតិតខ្លាញ់គោប្រើស្រុកខ្មែរ Ford Everest ស៊េរីឆ្នាំ ២០១៦ដល់២០១៨ មួយនេះ? តម្លៃខ្ទង់ ៣ម៉ឺនដុល្លារគិតថាល្មមប្រើដែរអត់? សម្រាប់បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!