Subaru បានបញ្ចេញ Forester ២០២៥ ក្នុងពិព័ណ៍រថយន្ដនៅសហរដ្ឋអាមេរិក LA Auto Show កាលពីសប្ពាហ៍មុន ជាមួយរូបរាងថ្មី ក្នុងជំនាន់ទី៦។  

Forester ២០២៥ ប្រើគ្រោងឆ្អឹង Subaru Global Platform ដូចជំនាន់ទី៥ដែរ តែបន្ថែមសន្លឹកដែក stiffer chassis ដ៏រឹងមាំ គួរមផ្សំជាមួយការបំពាក់ Insulation មួយជុំជួយកាន់បន្ថយសម្លេងរំខាន់ពីខាងក្រៅ និងរំញ័រកាន់តែល្អប្រសើរជាងមុនទៅទៀត។

ទោះមិនទាន់ផ្លាស់ប្ដូរទាំងស្រុង តែផ្នែកមួយចំនួនធំត្រូវបានកែសម្រួល ដូចជាបាណាថ្មីស្រោមក្រូម អមជាមួយចង្កៀងគុជ LED និងភ្លើងបំភ្លឺពេលថ្ងៃ ទម្រង់ជា Arrow-Shape រាងស្លីម និងអំណាច់ជាងមុន ចំណែកស្ដុបក្រោយក៏ត្រូវបានផ្លាស់ប្ដូរថ្មី Full LED រំលេចដោយក្រូមអូសកាត់គូទក្រោយតែម្ដង។

Subaru Forester ស៊េរីឆ្នាំ២០២៥ បំពាក់ម៉ាស៊ីនតែមួយជម្រើសប៉ុណ្ណោះគឺ ម៉ាស៊ីន  Boxer ៤ស៊ីឡាំង ចំណុះ ២.៥លីត្រ ផលិតកម្លាំងបាន ១៨០សេះ ជាមួយកម្លាំងរមួល ១៧៨ផោនហ្វីត ( ក្នុងកម្រិត RPM ទាបជាងមុន) រត់ដោយប្រអប់លេខ CVT ជំនួយដោយ Paddle Shift បង្វិលកង់ដោយប៉ុង២ Symmetrical All-Wheel ចំណែកម៉ាស៊ីន Hybrid អាចនឹងមានសម្រាប់ស៊េរីឆ្នាំ២០២៦។

ចំពោះជំនាន់ទី៦នេះ ភ្ជាប់មកជាមួយ Trim/Option ចំនួន៥ ដូចជា៖ base, Premium, (បំពាក់យាន់កង់ទំហំ ១៧អ៉ីង) Limited, (ប្រើយាន់១៨អ៉ីង) Sport និង Touring (ប្រើយាន់ទំហំ ២០អ៉ីង) ។ 

សម្រាប់ខាងក្នុង Forester ជាប្រភេទ SUV កៅអី ២ជួរ ទូលាយគួរសម អាចជិះគ្នា ៥នាក់ និងសល់ឃ្លុបក្រោយដាក់អីវ៉ានបានច្រើនគួរសម។

អាចខុសប្លែកគ្នាអាស្រ័យលើ Trim/Option បើនិយាយជាមួយ Subaru Forester ២០២៥ ទទួលបាន អេក្រង់ថាច់បញ្ឈរ SUBARU STARLINK Multimedia ទំហំ ១១.៦អ៉ីង ដំបូលបើក Panoramic ទ្វាក្រោយអូតូ ជាមួយមុខងារ Hands-Free Power កញ្ចក់មើលក្រោយផ្នែកកណ្ដាលប្រភេទឌីជីថល 

បំពាក់កៅអីក្ដៅត្រជាក់នៅជួរមុខ និងខាងក្រោយមានមុខងារកំដៅ Memory Seat រន្ធ USB-C មុខក្រោយ Wireless Charge បំពាក់ Speaker Harman Kardon premium audio system ប្រព័ន្ធជំនួយសុវត្ថិភាពក្នុងការបើកបរ មួយកញ្ចប់ធំ ហើយផ្នែកជាច្រើនស្រោបដោយស្បែក និងអាលុយមីញ៉ូម ជាដើម។ 

សម្រាប់តម្លៃវិញនៅមិនទាន់ចេញជាផ្លូវការនៅឡើយទេ តែត្រូវបានគេប៉ាន់ស្មានថាអាចចាប់ពី ២៩,០០០ដុល្លារ ដល់ ៣៩,០០០ដុល្លារ៕

ដោយ៖ Bunsak

តោះ! ចូលរួមការងារជាមួយ Advan Auto ប្រសិនបើអ្នកស្រឡាញ់វិស័យរថយន្ត មិនចាំបាច់មានបទពិសោធន៍ក៏បាន អ្នកអាចមករៀនសូត្រពីការងារជាមួយពួកយើងឥឡូវនេះ ។

អ្នកផលិតមាតិកា/សរសេរអត្ថបទព័ត៌មាន - Content Creator/Writer (Intern)

អ្នកកាត់តវីដេអូ - Video Editor (Intern)

ដាក់ពាក្យមកកាន់ Telegram: https://t.me/advanauto_contact    

ទាញយកព័ត៌មានលម្អិត (Job Description) : https://shorturl.at/izBIW