Yaris Cross ជាប្រភេទ Crossover SUV មួយរបស់ Toyota ដែលឃើញវត្តមានរូបរាងថ្មីដំបូងនៅឆ្នាំ ២០២៣ ជាមួយភាពទំនើបដ៏សម្បូរបែប នឹងសន្សំសំចៃខ្ពស់ផងដែរ។

កាលចេញដំបូងស៊េរីឆ្នាំ ២០២៤ ថ្មីខ្លាញ់គោឃើញដាក់លក់ ៣៧,៥០០ដុល្លារ នឹងថែម ៤០០ដុល្លារទៀតសម្រាប់ Option ដំបូលពណ៌ខ្មៅ។ ខណៈបច្ចុប្បន្ននេះឃើញមានពពួកមួយទឹកស្លាកលេខដាក់លក់ខ្ទង់ ៣ម៉ឺនដុល្លារស្ដើងបន្ដិច អាស្រ័យលើ ពណ៌ ជម្រើសដំបូងខ្មៅនឹងធម្មតា​ ជាមួយភិនភាគឡានជាក់ស្ដែងជាដើម។

Yaris Cross ជាប្រភេទឡាន ទ្វា៥ កៅអី ២ជួរ ដែលមានប្រវែងសរុប ៤៣១០ ម.ម ទទឹង ១៧៧០ ម.ម កម្ពស់ ១៦១៥ ម.ម កម្ពស់ពីដីមកបាត​ ២៦០ ម.ម។

ផ្នែកប្លុកម៉ាស៊ីនវិញ ប្រើម៉ាស៊ីនសាំង ៤ស៊ីឡាំង ១.៥លីត្រ ផ្តល់កម្លាំងបាន ១០៦សេះ កម្លាំងរមួល ១៣៨ញូតុនម៉ែត្រ រតដោយប្រអប់លេខ CVT និងលេខដៃ ៥វគ្គ បង្វិលកង់ដោយប៉ុងមុខ ជាមួយកម្រិតស៊ីសាំងខ្ទង់ ៥លីត្រជាងក្នុង ១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

ផ្នែកខាងក្នុងទូលាយស្រឡះល្អគួរសម បំពាក់កៅអីស្បែក ២ជួរ អាចជិះបាន ៥នាក់ នឹងសល់ឃ្លុបក្រោយអាចដាក់អីវ៉ានបានច្រើនគ្រាន់បើ។

មិនសាមញ្ញប៉ុន្មានទេមើលទៅ Luxury គួរសមដោយផ្ទៃខាងក្នុងភាគច្រើនស្រោបដោយស្បែកពណ៌ខ្មៅ រំលិចដោយថ្នេ ប្លុកតាប់ឡូខាងមុខ បំពាក់អេក្រង់ថាច់ទំហំ ១០.១អ៊ីញ អាចភ្ជាប់មុខងារ Apple CarPlay / Android Auto Wireless ម៉ាស៊ីនត្រជាក់ក្រោយ ប្រព័ន្ធសាកថ្មឥតខ្សែរ ភ្លឺ Ambient light ទ្វាក្រោយបិតបើកអូតូ ជាមួយមុខងារក្រវាសជើង នឹងមុខងារដ៏សម្បូរបែបជាច្រើនទៀត។

ក្រៅពីនោះសេនស័រមួយជុំរថយន្ដ ដែលធ្វើការទៅលើប្រព័ន្ធជំនួយសុវត្ថិភាពពេលបើកបរដ៏ទំនើបរបស់ Toyota ផងដែរគឺ Toyota Safety Sence មួយឈុតតែម្ដង។

សរុបមក សម្រាប់ទីផ្សារបច្ចុប្បន្ន រថយន្ដ Crossover SUV ដែលមានភាពទំនើប នៅថ្មីដូចខ្លាញ់គោប្រភេទមួយទឹកមានការប្រើប្រាស់បានតិច ធន់សន្សំសំចៃ នឹងសុវត្ថិភាពខ្ពស់ រូបរាងស្អាតសមរម ដែលមានតម្លៃខ្ទង់ ៣ម៉ឺនដុល្លារបន្ដិច Toyota Yaris Cross អាចថាស្ថិតក្នុងចំណោមឡានផ្សេងៗទៀត ដែលបងប្អូនគួរតែពិចារណាផងដែរ។

សម្រាប់បងប្អូនវិញយល់យ៉ាងណាដែរចំពោះ Yaris Cross មួយនេះ? បងប្អូនដែលមតិយោបល់ បទពិសោធន៌ជាមួយការប្រើប្រាស់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!