Toyota Prius ជាឡានដែលពេញនិយមខ្លាំងនៅស្រុកខ្មែរ ពិសេសពពួកជំនាន់ទី២ ឆ្នាំ២០០៤ ដល់ ២០០៩ ហ្នឹងតែម្ដង។ តម្លៃក៏ថេរនឹងល្អ គុណភាពទោះឈឺញឹកញាប់បន្ដិច តែសម្បូរគ្រឿង និងតម្លៃធូរគួរសម ហើយអ្វីដែលគ្រប់គ្នាតែងនឹងនឹកដល់នោះគឺ ស៊ីសាំងតិច។ តែមានរឿងមួយប្រហែលបងប្អូនមិនធ្លាប់ដឹង និងស្គាល់ពីព្រូសម្យ៉ាងដែលគេហៅថា Touring Edition នេះនៅឡើយទេ។
អាចនិយាយបានថាខុសគ្នាតែ ៤ចំណុចសោះ តម្លៃក៏លើសព្រូសធម្មតាជិត ២ពាន់ដុល្លារដែរ ចង់ដឹងថា ភាពខុសគ្នាទាំងនោះមានអ្វីខ្លះ? ត្រួសៗជាមួយ Admin ទាំងអស់គ្នា។
បើតាមការឲ្យដឹងពី PriusChat បានបង្ហាញថា Toyota Prius Touring Edition គឺចាប់ផ្ដើមផលិតសម្រាប់តែពពួកជំនាន់ទី២ ឆ្នាំ២០០៧ ដល់ ២០០៩ នៅទីផ្សារអាមេរិក តែប៉ុណ្ណោះ ដែលខុសប្លែកពីព្រូសទូទៅ ៤ចំណុចដូចជា៖
១/ កន្ទុយត្រីនៅគូទឃ្លុបក្រោយ Larger Rear Spoiler ខាងវែងជាងព្រូសធម្មតាបន្ដិច ដែលងាយស្រួលទប់លំនឹងបានល្អ ពេលរត់ល្បឿនមុចខ្យល់។
២/ យាន់កង់បែបស្ព័រទំហំ ១៦អ៉ីងអាលុយមីញ៉ូម មានកាំក្រឡា ៧ ដែលមើលទៅ Premium ជាងព្រូសធម្មតាដែលប្រើយាន់ដែក ១៥អ៉ីង និងមានក្រឡាកាំ ៦។
៣/ ប្រើចង្កៀងមុខប្រភេទ HID និងបំពាក់ពិលកាង និងខាងក្នុងបំពាក់ស្បែក ជាមួយ Speaker JBL ៩គ្រាប់ ពោងសុវត្ថិភាព ៨ជាស្ដង់ដាតែម្ដង។ ត្រង់ចំណុចនេះ Prius Chat ក៏បានបញ្ជាក់ដែរថា ចំពោះព្រូសដែលជាប្រភេទ Full Option ចាប់ពីឆ្នាំ២០០៧ឡើងទៅក៏មានបំពាក់ដែរ។
៤/ ទាក់ទង់នឹងប្រព័ន្ធជើងក្រោមវិញមិនមានអ្វីប្លែកច្រើនឡើងគឺខុសត្រង់ពពួក Touring Edition បំពាក់បន្ថែមប្រភេទ Stabilizer Bar ទាំងមុខក្រោយធំ និងវែងជាងពពួកព្រូសទូទៅបន្ដិច ចំណែក ប៉ូម និងរឺស័រនៅផ្នែកខាងក្រោយ ក៏ខុសប្លែកពីព្រូសទូទៅបន្ដិចដែរ។
ហើយត្រង់ចំណុចទាំងអស់នេះ បូករួមទាំងជើងក្រោយផង HowstuffWorks ក៏បានលើកឡើងដូចគ្នានេះដែរ តែសម្រាប់គ្រឿងក្រោម HowStuffWorks ហៅថា Sport-Turned Suspension។ ដែលជាជើងក្រោយពិសេសប្លែកពីធម្មតារបស់ Lexus និង Toyota ដែលត្រូវបានបំពាក់ទៅលើ Option ដែលពិសេសតែប៉ុណ្ណោះ ដែលអាចនិយាយបានថា សម្រាប់ពពួកម៉ូឌែលណាដែលបំពាក់បែបស្ព័រ បើជា Lexus ហៅថា F-Sport បើជា Toyota ហៅថា Edition ឬជា Special, Touring, Limited Edition ជាដើម។
ចំពោះតម្លៃវិញកាលចេញពីរោងចក្រក៏ Toyota ដាក់លក់ថ្លៃជាងពពួកធម្មតាជិត ២ពាន់ដុល្លារសម្រាប់ម៉ូដែល Touring Edition។ ហើយបច្ចុប្បន្នស្រុកខ្មែរក៏លក់ពពួក Touring Edition នេះលើព្រូសធម្មតាជិត ២ពាន់ដុល្លារដែរ។
គួរបញ្ជាក់ដែរថា សម្រាប់លក្ខណៈទូទៅ ភិនភាគរូបរាង និងខាងក្នុង ប្លុកម៉ាស៊ីន ប្រព័ន្ធភ្លើង មិនមានអីខុសប្លែកពី Toyota Prius ទូទៅឡើយក្រៅពីអ្វីដែលបានរៀបរាប់ខាងលើនេះ តែវាអាចប្រែប្រួលទៅតាម Option ជាដើម។
ចុះបងប្អូនយល់យ៉ាងណាដែរទៅលើពពួក Prius Touring Edition នេះ? សម្រាប់មតិយោបល់ បទពិសោធន៍ និងព័ត៍មាន ដែលបងប្អូនមាន អាចចែករំលែកបន្ថែមបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
Ford Everest 2022 តម្លៃទីផ្សារខ្ទង់ 4ម៉ឺនដុល្លារជាងគួរពិចារណាអត់? ល្បីថាសន្សំសំចៃទំនើប នឹងធន់ក្នុងការប្រើប្រាស់
តស់! មកមើលតម្លៃ Corolla Cross 2023 ប្រភេទស្លាកលេខនៅសល់ប៉ុន្មាន? ខណៈស៊េរីឆ្នាំ 2024 ប្ដូររាងថ្មីបានចេញលក់ស្ទើអស់ស្ដុកទៅហើយ