Tacoma នៅស្រុកខ្មែរឃើញមានប្រើតាំងពីពពួកជំនាន់ទី១ ស៊េរីឆ្នាំ ១៩៩៥ មកម្លេស ហើយក្នុងជំនាន់ទី១ ហ្នឹងដែរ ឃើញពពួកស៊េរីឆ្នាំ ២០០១ ដល់ ២០០៤ ដែលជា Facelift លើកទីពីរក្នុងជំនាន់ទី១ តម្លៃទីផ្សារហាក់នៅល្អ តម្លៃក៏រាងខ្ពស់គួរសម បើទោះបីជាមានអាយុកាលខ្ទង់ ២០ឆ្នាំហើយក្ដី។
បច្ចុប្បន្នស៊េរីឆ្នាំ ០១ ដល់ ០៤ ឃើញទីផ្សារដាក់លក់ចន្លោះពី ៧,០០០ដុល្លារជាង ទៅក្បែរ ១០,០០០ដុល្លារ អាស្រ័យលើប្រភេទប៉ុង១ ឬប៉ុង២ ម៉ាស៊ីនតូច ម៉ាស៊ីនធំ នឹងជម្រើស ទ្វា២ ទ្វា៤ ទ្រុងវែងខ្លី នឹងភិនភាគឡានជាក់ស្ដែង។
Tacoma ជំនាន់ទី១ នេះបំពាក់ម៉ាស៊ីន ២ជម្រើសដូចជា៖
ម៉ាស៊ីនតូច ៤ ស៊ីឡាំង ២.៤លីត្រ ផលិតកម្លាំង ១៤២សេះ កម្លាំងរមួល ១៦០ ផោនហ្វីត ខណៈ ៦ស៊ីឡាំង ៣.៤លីត្រ ផលិតកម្លាំង ១៩០សេះ កម្លាំងរមួល ២២០ ផោនហ្វីត ភ្ជាប់មកជាមួយប្រអប់លេខ ៥វគ្គអូតូ រត់ដោយប្រភេទប៉ុង១ នឹងប៉ុង២ ជំនួយដោយកាប់ពីតាស់ នឹងប្រព័ន្ធ Lock ប៉ុងជាដើម។
គួមផ្សំយាន់កង់ទំហំ ១៤អ៉ីងប្រើសម្បក់ធំ មានជំនួយដោយប្រព័ន្ធ ABS, EBA ជាមួយកម្រិតស៊ីសាំងជាមធ្យម ១២លីត្រ ទៅ ១៤លីត្រ ក្នុង ១០០គីឡូមែត្រ ខណៈប្រភេទម៉ាស៊ីន ៤ស៊ីឡាំងស៊ីខ្ទង់ ១០លីត្រ ទៅ ១២លីត្រ អាចតិចឬច្រើនជាងនេះទៅតាមការប្រើប្រាស់ជាក់ស្ដែង។
ចំពោះជើងក្រោមវិញខាងមុខ ពាក់ស្លាបប្រចៀវឌុប double wishbone និងខាងក្រោយប្រភេទចន្ទៀស Leaf Spring ទប់ទល់លើការដឹកទំនិញច្រើន ខណៈទ្រូងខាងក្រោយដឹកបានច្រើនគួរសមដល់ខ្ទង់ ៨០០គីឡូក្រាមជាង និងអូសសណ្ដោងបានក្បែរ ២តោន។
ផ្នែកខាងក្នុងមិនមានអ្វីគួរបរិយាយឡើយ ព្រោះជាឡាន Pick Up ដឹកទំនិញចាស់ឆ្នាំ មិនមានអ្វីដែលប្លែកទេ មានកៅអី២ជួរ ទូលាយល្មម អាចជិះគ្នា៥ នាក់អីដែរ ។
និយាយរួមសម្រាប់ Tacoma ចាស់ឆ្នាំមួយនេះ បច្ចុប្បន្នការប្រើប្រាស់គឺភាគច្រើនបងប្អូនផ្ដោតលើការដឹកទំនិញច្រើនជាង ព្រោះពពួក Tacoma នេះធន់រឹងមាំ នឹងកម្លាំងស្ទុះល្អណាស់ បើទោះបីជាស៊ីសាំងច្រើនបន្ដិចក្ដី។
សម្រាប់បងប្អូនវិញយល់យ៉ាងណាដែរចំពោះ Tacoma ជំនាន់ទី១ នេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
The new Hyundai TUCSON ឆ្នាំ២០២៥ បានបង្ហាញរូបរាងជាលើកដំបូងនៅព្រះរាជាណាចក្រកម្ពុជា
4 ចំណុចដែល Prius Option 5 ទទួលបានលើសពី Option 2-4 ខណៈតម្លៃវិញក៏ខ្ពស់ដែរ
Land Cruiser Prado 2025 មកដល់ហើយតម្លៃ 16ម៉ឺនដុល្លារជាង ចុះស៊េរីចាស់ឆ្នាំ 2003 នេះវិញសល់តម្លៃខ្លួនប៉ុន្មានដែរ
Tacoma 2001-2004 នៅតែជាឡាន Pick Up ដែលពេញនិយម នឹងតម្លៃទីផ្សារនឹងល្អ ទោះបីជាអាយុកាល 20ឆ្នាំហើយក្ដី
4 ចំណុចដែល Prius Option 5 ទទួលបានលើសពី Option 2-4 ខណៈតម្លៃវិញក៏ខ្ពស់ដែរ
Land Cruiser Prado 2025 មកដល់ហើយតម្លៃ 16ម៉ឺនដុល្លារជាង ចុះស៊េរីចាស់ឆ្នាំ 2003 នេះវិញសល់តម្លៃខ្លួនប៉ុន្មានដែរ
គ្រាន់តែ Mazda 2 ស៊េរី 2025 មកដល់ធ្វើឲ្យទីផ្សារស៊េរី 2023 ប្រភេទស្លាកលេខមួយនេះសល់ខ្ទង់ 1ម៉ឺនដុល្លារជាង ធូរថ្លៃល្មមពិចារណាបាន
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ