Toyota Prius ជំនាន់ទី៣ ស៊េរីឆ្នាំ ២០១០ ដល់ ២០១៥ មានការបែងចែក Option​ ជាច្រើនសម្រាប់ស្រុកខ្មែរយើងវិញ ឃើញមានប្រើចម្រុះតែម្ដងដូចជា៖ Option 2-3-4-5 នឹង 5 Advanced ជាដើម។ ក្រៅពីនឹងក៏ឃើញមាន Option មួយចំនួនទៀតដែលមានបំពាក់ចាប់ពីឆ្នាំ ២០១២ ដូចជាប្រភេទ Plug-in, Deluxe Solar, Persona Series, Plus Performance ជាដើម។

ដោយមើលឃើញពីការប្រើប្រាស់ពពួក Prius ច្រើនសម្រាប់ស្រុកខ្មែរ ម្យ៉ាង Option 5 នេះក៏ជា Option ដែលពេញនិយមនៅលើទីផ្សារ ជាមួយតម្លៃហាក់ខ្ពស់ជាងពពួក Option 4 ចុះក្រោម ទើបកម្មវិធី បទបង្ហាញរថយន្ដមួយទឹក របស់ Advan Auto ចង់បើកបង្ហាញពីលក្ខណៈពិសេសប្លែក ៤ចំណុច ដែល Option 5 ស៊ីដាច់ នឹងបន្ថែមពីលើពពួក Option 4 ចុះក្រោម ដែលមើលទៅកាន់តែស្ព័រ ទាក់ទាញជាងធម្មតា។

ដែលចំណុចទាំងនោះរួមមាន៖ យាន់កងបែបស្ព័រទំហំ ១៧អ៉ីង Alloy Wheel ជាមួយពិលកាងមួយគូរ នឹងចង្គៀងគុជ ៣ LED អមដោយមុខងារទឹកបាញ់ចង្កៀង ក្រៅពីនឹងដូចពពួក Option 4 ដែរ។

៤ចំណុចនេះហើយ ដែលជួយលើសម្រស់ Option 5 ឲ្យកាន់តែស្ព័រ នឹងស្លីមជាងមុន ជាមួយតម្លៃទីផ្សារបច្ចុប្បន្នខ្ទង់ ១ម៉ឺនដុល្លារក្រាស់ ទៅ ២ម៉ឺនដុល្លារស្ដើង អាស្រ័យលើ ឆ្នាំផលិត ពណ៌ ប្រភេទស្លាកលេខ ឬក្រដាសពន្ធ នឹងភិនភាគឡានជាក់ស្ដែង។  

សម្រាប់បងប្អូនវិញយល់យ៉ាងណាដែរចំពោះ Prius Option 5 មួយនេះ? បងប្អូនដែលកំពុងប្រើ ឬមានបទពិសោធន៌ អាចចែករំលែកបន្ថែមបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!