Mazda 2 កំពុងតែឈានជើងចូលទៅកាន់ទីផ្សាររថយន្ដថ្មីខ្លាញ់គោ ដែលមានតម្លៃធូរថ្លៃល្មមប្រើ ខណៈពីមួយឆ្នាំទៅមួយឆ្នាំ បើអង្កេតពីតម្លៃវិញ គឺថាថយចុះគួរឲ្យគត់សម្គាល់ផងដែរ។
ថ្មីៗនេះ Mazda កំពុងតែបើកទទួលក់ស្វាគមន៍សម្រាប់ម៉ូឌែល Mazda 2 2025 ជាមួយតម្លៃល្អមិនធ្លាប់មានគឺត្រឹមតែ ២១,៩៩៩ដុល្លារប៉ុណ្ណោះ។ តែបើក្រឡេកមើលពីឆ្នាំបន្ទាប់មុនគឺម៉ូឌែល ២០២៣ កាលចេញលក់ដំបូង ២៤,៩០០ដុល្លារឯណោះ។
សម្រាប់ប្រភេទស្លាកលេខស៊េរីឆ្នាំ ២០២៣ ឃើញនៅលើទីផ្សារបច្ចុប្បន្ននេះដាក់លក់ក្នុងតម្លៃចន្លោះពី ១៧,០០០ដុល្លារជាង ទៅក្បែរ ១៩,០០០ដុល្លារ អាស្រ័យលើពណ៌ នឹងភិនភាគឡានជាដើម។
ម៉ូឌែល Mazda 2 ក្នុងបរិបទស្រុកខ្មែរយើងទទួលបានការពេញនិយមខ្លាំងគ្រាន់បើដែលមានរហ័សមានថា M2 ជាប្រភេទឡានកូនកាត់ចេញម្ដងពីម៉ូឌែលគឺ ប្រភេទ M2 Hatchback និង M2 Sedan ដែលមានបំពាក់គ្រឿងបរិក្ខាដូចគ្នា តែប្លែកត្រង់រូបរាងបខាងក្រៅន្ដិចតែប៉ុណ្ណោះ។
M2 មួយនេះភ្ជាប់មកជាមួយម៉ាស៊ីនសាំង Sky Active ជំនាន់ចុងក្រោយ (បង្កើនសន្ទុះ សន្សំសំចៃប្រេងឥន្ធនៈ និងកាត់បន្ថយជាតិពុលក្នុបរិយាកាស) ទំហំ ៤ស៊ីឡាំង ១.៥លីត្រ ផលិតកម្លាំងសេះបាន ១០៧សេះ កម្លាំងរមួល ១៣៩ញូតុនម៉ែត្រ រត់ដោយប្រអប់លេខ ៦វគ្គអូតូ បង្វិលកង់ដោយប៉ុង១ FWD ដែលមានជំនួយដោយ Sport Mode អាចរត់ល្បឿនជាអតិបរិមាជិត ២០០គីឡូម៉ែត្រ/ម៉ោង។
Mazda 2 ក៏ជាពពួកឡានដែលធន់ សន្សំសំចៃផងដែរ ចំពោះកម្រិតស៊ីសាំងវិញត្រឹមតែ ៥លីត្រ ទៅ ៦លីត្រជាងប៉ុណ្ណោះក្នុង១០០គីឡូម៉ែត្រ។
ចំពោះផ្នែកខាងក្នុង ទូលាយគួរសម បំពាក់កៅអី ២ជួរអាចជិះបាន ៥នាក់ នឹងសល់ឃ្លុបក្រោយអាចដាក់អីវ៉ានបានច្រើនគួរសមទៀត។
សម្រាប់បងប្អូនវិញយល់យ៉ាងណាដែរចំពោះ Mazda 2 2023 មួយនេះ? តម្លៃប៉ុណ្ណឹងគិតថាល្មមពិចារណាបាននៅ ខណៈរយៈពេលប្រើ និងភិនភាគឡាន មិនទាន់បាត់ខ្លិនខ្លាញ់គោនៅឡើយទេ។
បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
គ្រាន់តែ Mazda 2 ស៊េរី 2025 មកដល់ធ្វើឲ្យទីផ្សារស៊េរី 2023 ប្រភេទស្លាកលេខមួយនេះសល់ខ្ទង់ 1ម៉ឺនដុល្លារជាង ធូរថ្លៃល្មមពិចារណាបាន
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
កាលមុននរណាមិនល្បី CR-V បើមានប្រើស៊េរីឆ្នាំ ២០០២ ដល់ ២០០៦ នេះទៀតដឹងតែជាន់ផ្អៀងហើយ ប៉ុន្ដែបច្ចុប្បន្នធូរថ្លៃខ្លាំងមិនដូចមុនទៀតទេ
ចង់ជិះ Triton តម្លៃខ្ទង់ ២ម៉ឺនដុល្លារជាង អាចមើលស៊េរីឆ្នាំនេះបាន នៅអេមហើយទំនើបគួរសម