ក្រោយពីទើបតែបើករោងចក្រធំនៅអាមេរិក និងឡើងជាក្រុមហ៊ុនផលិតរថយន្ដដែលមានមូលធនទីផ្សារខ្ពស់ជាងគេលំដាប់ទី ៣ បន្ទាប់ពី Tesla និង Toyota ថ្មីៗនេះ VinFast បានប្រកាសដាក់ទុនសាងសង់រោងចក្រផលិតរថយន្ដអគ្គិសនី របស់ខ្លួនចំនួន ៧ ទីតាំង បន្ថែមក្នុងទឹកដីអាស៊ី នៅចាប់ផ្ដើមពីឆ្នាំ ២០២៦នេះ។
តាមការចុះផ្សាយពី Reuters បានឲ្យដឹងថា គម្រោងសាងសង់រោងចក្រផលិតឡានអគ្គិសនីនេះ នឹងចាប់ផ្ដើមពីប្រទេស ឥណ្ដូនេស៊ី មុនគេ ដោយ VinGroup ដែលជាក្រុមហ៊ុនមេរបស់ VinFast គ្រោងវិនិយោគទឹកប្រាក់ ១.២ ពាន់លានដុល្លារសម្រាប់ដាក់ការរកស៊ីរយៈពេលយូរនៅទីផ្សារឥណ្ដូនេស៊ី ក្នុងនោះ ២០០ លានដុល្លារ នឹងចំណាយសម្រាប់ការសាងសង់រោងចក្រ ដែលប៉ាន់ស្មានថានឹងបើកដំណើរការក្នុងឆ្នាំ ២០២៦ ខាងមុខ ជាមួយទំហំការផលិតពី ៣០ ០០០ ទៅ ៥០ ០០០ គ្រឿងក្នុងមួយឆ្នាំ។
សូមជម្រាបថា រោងចក្រនៅឥណ្ឌូនេស៊ីនេះ នឹងក្លាយជារោងចក្រទី ៣ របស់ VinFast ដោយរោងចក្រទី ១ ស្ថិតក្នុងក្រុង Haiphong ប្រទេសកំណើតរបស់ខ្លួន (វៀតណាម) និងទី ២ ស្ថិតនៅ North Carolina សហរដ្ឋអាមេរិក ដែលទើបតែបើកការដ្ឋានថ្មីៗ និងគ្រោងដំណើរការផលិត នៅឆ្នាំ ២០២៥ នេះ។
រីឯរោងចក្រ ៦ ទីតាំងផ្សេងទៀត VinFast មិនទាន់បានឲ្យដឹងនៅឡើយទេ គ្រាន់តែបានបង្ហើបថា កំពុងសម្លឹងមើលទីផ្សារក្នុងប្រទេស ម៉ាឡេស៊ី ឥណ្ឌា និងបណ្ដាប្រទេសជិតខាងរបស់ខ្លួនជាមុនសិន។
គួររំឭកថា តាំងពីចាប់ផ្ដើមប្រឡូកក្នុងវិស័យរថយន្ដក្នុងឆ្នាំ ២០១៧ និងរថយន្ដអគ្គិសនីនៅឆ្នាំ ២០២០ នៅប៉ុន្មានឆ្នាំចុងក្រោយឃើញថា VinFast បានពង្រីកម៉ាកសញ្ញារបស់ខ្លួនគួរឲ្យកត់សម្គាល់ ជាពិសេសការលក់រថយន្ដអគ្គិសនី SUV VF8 និង VF9 ដែលទទួលការគាំទ្រកម្មង់ទិញរាប់ពាន់គ្រឿងក្នុងទីផ្សារអាមេរិក ព្រមទាំងគម្រោងពង្រីកទៅតំបន់អឺរ៉ុប និងអាស៊ី បន្ថែមទៀត ដែលនេះជាជំហានល្អមួយសម្រាប់ VinFast ឈានទៅប្រកួតប្រជែងជាមួយក្រុមហ៊ុនអគ្គិសនីធំៗផ្សេងៗជាបន្ដទៅទៀត។
ប្រភព៖ Reuters
អត្ថបទ៖ Andra
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក