សេវាកម្មបង់រំលស់មានការពេញនិយមខ្លាំងនៅកម្ពុជាយើង មិនថាក្នុងវិស័យអចលនទ្រព្យ គ្រឿងបរិក្ខារ អេឡិចត្រនិក ពិសេសគឺយានជំនិះនេះតែម្ដង។ ដោយថ្ងៃនេះយើងនឹងជជែកគ្នា ក៏ដូចជាការផ្ដល់នៅសំនួរ ១០ចំណុចទាក់ទង និងការបងរំលស់រថយន្ដ តែវាក៏មិនខុសពីការបង់រំលស់ផ្សេងៗប៉ុន្មានដែរ។

សំនួរទាំងនេះអាចគ្រាន់តែជាការពញ្ញាក់ស្មារតី ដល់បងប្អូនឲ្យគិតពិចារណាគ្រាប់ជ្រុងជ្រោយ ជៀសវាងមានបញ្ហាកើតឡើង មុនពេលសម្រេចចិត្តទិញរថយន្ដបង់រំលស់។ 

Advan Auto និងចែករំលែកនៅសំនួរទាំង១០នេះ មានដូចជា៖

១. មានចំណូលប្រចាំខែ ជាក់លាក់ទៀងទាត់ហើយឬនៅ?

២.​ មានលុយចូលរួម ៣០% នៃតម្លៃសរុបហើយឬនៅ?

៣. គិតឲ្យច្បាស់ តើគួរបង់រំលស់ជាមួយ ធនាគារ? គ្រឹះស្ថានមីក្រូហិរញ្ញវត្ថុ? ឬជាមួយខាងហ្ការាសផ្ទាល់ ហើយជម្រើសមួយណាដែលល្អ និងមានអត្រាការប្រាក់ទាបជាង?

៤. តើ ៣០% នៃចំណូលប្រចាំខែ ចំណាយទៅលើកការបង់រំលស់គ្រាន់ដែរអត់? 

៥. មានបានត្រៀមលុយយ៉ាងតិច ៥០ដុល្លារក្នុងមួយខែ សម្រាប់ចាក់សាំងដែរឬទេ?

៦. ក្រៅតែពីបង់រំលស់ តើដកចំណូល ៥%សម្រាប់ចំណាយទៅលើការថែទាំប្រចាំខែហើយឬនៅ?

៧. ក្រោយពីចំណាយទៅលើការបង់រំលស់ប្រចាំខែ តើនៅសល់ប្រាក់ប៉ុន្មាននៅក្នុងខ្លួន?

៨. មានដឹងអត់ ក្នុងមួយឆ្នាំចំណាយយ៉ាងតិច ២០០ដុល្លារ សម្រាប់ជួសជុល(ឡានជប៉ុនតម្លៃក្រោម២មុឺន)?

៩. បានត្រៀមខ្លួនក្នុងការដោះស្រាយបំណុលទាំងនេះ រយៈពេលវែងសម្រាប់អនាគតហើយឬនៅ?

១០. ចំណូលសល់ពីបង់រំលស់ប្រចាំខែហើយ ក្រៅតែពីចំណាយចាយវាយប្រចាំថ្ងៃ តើសល់ប៉ុន្មានសម្រាប់សន្សំទុក? ហើយមានប្រាក់សម្រាប់ត្រៀមពេលមានអាសន្ន និងចំណាយពេលចាំបាច់ហើយឬនៅ?

បើបងប្អូយល់ថា ១០ចំណុចនេះ អាចដោះស្រាយបានហើយ នោះការបង់រំលស់ និងមិននាំទុកដល់ខ្លួនឡើយ៕ 

អត្ថបទដោយ៖ BunSak