ជើងឯក Formula 1 ៧ ជំនាន់ Lewis Hamilton ដណ្ដើមបានជ័យជម្នះមួយតង់ទៀត ឆ្ពោះទៅរកវគ្គផ្ដាច់ព្រាត់បំបែកកំណត់ត្រាចាស់

ចំនួនអ្នកទស្សនា

អ្នកទស្សនា

375

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

លោក Lewis Hamilton កីឡាករប្រណាំងឡាន Formula 1 សញ្ចាតិអង់គ្លេស របស់ក្រុម Mercedes Benz F1 ទើបតែបានទទួលជ័យជម្នះក្នុងការប្រកួតឆ្ពោះទៅរកវគ្គផ្ដាច់ព្រាត់ នៃការប្រណាំងឡាន Formula 1 ក្នុងប្រទេស កាតា (Qatar Grand Prix) កាលពីថ្ងៃទី ២១ ខែវិច្ឆិកាកន្លងទៅនេះ។

រូបភាព៖ Lewis Hamilton and his Mercedes (Source: Fomula 1)

ចំណាត់ថ្នាកលេខ ២បានទៅលើលោក Max Verstappen កីឡាករប្រចាំក្រុម Red Bulls F1 ដែលកីឡាករទាំងពីរមានពិន្ទុប្រកៀកប្រកិតគ្នា។

រូបភាព៖ កីឡាករប្រណាំងឡានកំពូលទាំង ៣។ លេខ ២ Max Verstappen, លេខ ១ Lewis Hamilton, លេខ ៣ Fernando Alonso (ពីឆ្វេងទៅស្ដាំ) (Source: CGTN)

លោក Lewis Hamilton ធ្លាប់ជាកីឡាករឡានប្រណាំងរបស់ក្រុម McLaren F1 ហើយបានប្ដូរមកក្រុម Mercedes Benz F1 កាលពីឆ្នាំ ២០១២ ដោយលោកបានក្លាយជាកីឡាករឆ្នើមប្រចាំ Formula 1 ។ លោកធ្លាប់បានគ្រោងដំណែងជាកីឡាករឯកចំនួន ៧ សម័យ មកហើយ ស្មើគ្នានឹងកំណត់ត្រារបស់កីឡាករជើងចាស់ក្រុម Ferrari F1 លោក Michael Schumacher។

រូបភាព៖ កីឡារករឆ្នើមជើងចាស់របស់ Formula 1 Michael Schumacher (Source: Sports Casting)

អ្វីដែលពិសេសនោះគឺអ្នកគាំទ្រការប្រកួត Formula 1 ទាំងអស់កំពុងតែ រងចាំអ៊ុតលទ្ធផលវគ្គផ្ដាច់ព្រាត់ ២ ប្រកួតចុងក្រោយ ដែលសង្វៀនបន្ទាប់ស្ថិតនៅ អារ៉ាប៊ីសាអូឌីត (Saudi Arabia Grand Prix) ថ្ងៃទី ៦ខែ ធ្នូ ខាងមុខនេះ រីឯវគ្គផ្ដាច់ព្រាត់គឺនៅថ្ងៃទី ១២ ខែធ្នូ ស្ថិតលើទីលាន Yas Marina Circuit ក្នុងរដ្ឋ Abu Dhabi (Abu Dhabi Grand Prix) អារ៉ាប់រួម។