កាលពីពេលថ្មីៗនេះ តាមរយៈការចុះផ្សាយពីសារព័ត៌មាន CarBuzz បានឲ្យដឹងថា ក្រុមហ៊ុនផលិតរថយន្ដល្បីឈ្មោះរបស់កូរ៉េខាងត្បូង Hyundai បានប្រកាសថា ខ្លួនគ្រោងនឹងបោះទុនជាទឹកប្រាក់ ៤០០ ពាន់លានវ៉ុន ឬស្មើនឹង ៣៣៧ លានដុល្លារ វិនិយោគលើបច្ចេកវិទ្យា ដែលជារបកគំហើញថ្មីរបស់ខ្លួន ក្នុងការបំប្លែងសំណល់សំរាមប្លាស្ទិក ឲ្យទៅជា ឥទ្ធនៈអ៊ីដ្រូសែន គុណភាពខ្ពស់ សម្រាប់ប្រើជាចំហេះម៉ាស៊ីនយានយន្ដដើម្បីកាត់បន្ថយការបំពុលបរិយាកាស។
ជុំវិញរបកគំហើញថ្មីនេះ វិស្វករជំនាញរបស់ Hyundai បានពន្យល់ត្រួសៗថា ក្នុងដំណើរការបំប្លែងនេះគេប្រើប្រាស់បច្ចេកវិទ្យា Pyrolysis និង Gasification ដោយរំលាយសំណល់សំរាមនោះក្នុងសីតុណ្ហភាពខ្ពស់ ក្នុងបន្ទប់សុញ្ញកាស ដែលសមាសធាតុដូចជាប្លាស្ទិចនេះអាចរំលាយបានងាយ និងបង្ហាប់បំប្លែងវាទៅជាឧស្ម័នអ៊ីដ្រូសែន ដែលអាចយកទៅប្រើបានជាមួយម៉ាស៊ីនភ្លើង ជាពិសេសអាចប្រើប្រាស់បានសម្រាប់ដុតចំហេះម៉ាស៊ីនយានយន្ដ ។
រូបភាព៖ ធុងផ្ទុកអ៊ីដ្រូសែន (Source: Kurdo)
Hyundai បានបន្ថែមទៀតថា ក្នុងរង្វង់ពាក់កណ្ដាលឆ្នាំ ២០២២ ខាងមុខ ខ្លួននឹងសម្រេចការអភិវឌ្ឍប្រព័ន្ធកែច្នៃកាបូនឌីអុកស៊ីត Metal-CO2 របស់ខ្លួន ដើម្បីឆ្ពោះទៅរកគោលការណ៍ ឧស្ម័នកាបូនិច និងការបំពុលស្មើសូន្យ។ រីឯគម្រោងបំប្លែង កាកសំណល់សំរាមប្លាស្ទិកទៅជាឥទ្ទនៈនេះ នឹងចាប់ផ្ដើមនៅពីរឆ្នាំបន្ទាប់គឺ ក្នុងឆ្នាំ ២០២៤។
គួបបញ្ជាក់ដែរថា បច្ចុប្បន្ននេះ Hyundai មានរថយន្ដដើរដោយអ៊ីដ្រូសែន ពីរម៉ូដែលហើយ គឺ Nexo និងម៉ូដែល HTWO ប្រភេទ SUV ទើបតែចេញថ្មីៗ ព្រមទាំងព្យាករណ៍ថា ក្នុងឆ្នាំ ២០៥០ ពិភពលោកនឹងប្រើប្រាស់ថាមពលអ៊ីដ្រូសែនច្រើនជាង ១៨% ផងដែរ។
អត្ថបទ៖ Andra
…………………………………………………………………..
ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖
Follow Facebook Page : 👉 Advan Auto
Subscribe Youtube Channel : 👉Advan Auto
Follow TikTok : 👉Advan Auto
Follow Instagram : 👉Advan Auto
CR-V ឆ្នាំ 2020-2023 អត់ទំនើបតែធន់សន្សំសំចៃខ្ពស់ មិនស្មុកស្មាញច្រើនស្រួលប្រើ គ្រាន់តែតម្លៃនៅរាងខ្ពស់បន្ដិច
Celerio 2022 ប្រភេទឡានមួយទឹកខ្លាញ់គោស្រុកខ្មែរធូរថ្លៃគ្រាន់បើ កាន់ក្រោម 1ម៉ឺនអាចទិញបានជិះហើយ
Kia Ray កំពុងមានសន្ទុះប្រើច្រើនគួរសម ពិសេសឆ្នាំ 2012-2017 តម្លៃទីផ្សារក្រោម 1ម៉ឺនក៏មានលើ 1ម៉ឺនក៏មានដែរ
កូន Pick Up អគ្គិសនីកំពុងត្រៀមចេញលក់តម្លៃខ្ទង់ 2ម៉ឺនដុល្លារសាកថ្មមួយពេញជិះបាន 241គីឡូម៉ែត្រ នឹងសមត្ថភាពដឹកបាន 650គីឡូក្រាម
កូន Pick Up អគ្គិសនីកំពុងត្រៀមចេញលក់តម្លៃខ្ទង់ 2ម៉ឺនដុល្លារសាកថ្មមួយពេញជិះបាន 241គីឡូម៉ែត្រ នឹងសមត្ថភាពដឹកបាន 650គីឡូក្រាម
មកដឹងមូលហេតុដែល Toyota បញ្ឈប់ការផលិត Toyota Rush ខណៈស្រុកខ្មែរត្រូវប៉ាន់ នឹងលក់ដាច់គ្មានសល់
Nissan Rogue 2025 ទើបចេញលក់ក្ដៅៗ ខណៈតម្លៃធូរជាងកាលឆ្នាំ 2024 ខ្ទង់ 2ពាន់ដុល្លារឯណោះ
នោះ! Ford XL, XLT នឹង Wildtrak 2025 ផលិតនៅខ្មែរធូរថ្លៃជាងមុនរាប់ពាន់ដុល្លារ បើធៀបនឹងតម្លៃស៊េរីឆ្នាំ 2024