ម៉ូឌែល CT5 ជាប្រភេទឡាន Sedan ដ៏ទាក់ទាញរបស់ Cadillac ដែលផលិតដំបូងនៅឆ្នាំ២០២០ សម្រាប់បច្ចុប្បន្ន CT5 នៅមិនទាន់មានការផ្លាស់ប្ដូររូបរាងទាំងស្រុងឡើយ។ តែស៊េរីឆ្នាំ២០២៥នេះ ក៏មិនសាមញ្ញពេកឡើយ សំណាញ់បាណាខាងមុខកែសម្រួលមើលទៅអំណាចជាងមុន ហើយអ្វីដែលប្លែកភ្នែកខ្លាំងនោះគឺ តាបឡូខាងក្នុងត្រូវបានរុះរើដាក់ថ្មីទាំងស្រុងតែម្ដង។
ស៊េរីឆ្នាំមុនៗ CT5 ភ្ជាប់មកជាមួយជម្រើស Trim/Option ចំនួន ៣ដូចជា៖ CT5, CT5-V និង កំពូលម៉ាស៊ីន Performance CT5-V Blackwing។ តែសម្រាប់ឆ្នាំ២០២៥នេះ Cadillac ឃើញហាក់បោះចោលប្រភេទ CT5 ដែលប្រើជាមួយម៉ាស៊ីន Turbo ៤ស៊ីឡាំង ដោយបន្សល់ទុកតែ ២ ជម្រើសប៉ុណ្ណោះ។
ទី១ ម៉ូឌែល CT5-V ភ្ជាប់ជាមួយម៉ាស៊ីន Twin-Turbo ៦ស៊ីឡាំង ចំណុះ ៣.០លីត្រ ផលិតកម្លាំងបាន ៣៦០សេះ កម្លាំងរមួល ៤០៥ផោនហ្វីត ប្រើប្រអប់លេខ ១០វគ្គអូតូ បង្វិលកង់ដោយប៉ុង១ RWD និងប៉ុង២ AWD។
ចំណែកប្រភេទ CT5-V Blackwing បំពាក់ម៉ាស៊ីន Supercharge ៨ស៊ីឡាំង ចំណុះ ៦.២លីត្រ ផលិតកម្លាំងបាន ៦៦៨សេះ កម្លាំងរមួល ៦៥៩ផោនហ្វីត រត់ដោយប្រអប់លេខ ៦វគ្គលេខដៃ និង ១០វគ្គអូតូ សម្រាប់ម៉ូឌែល High Performance នេះវិញអាចជាន់ពី ០ ទៅ ១០០គីឡូម៉ែត្រចាយពេលត្រឹម ៣.៤វិនាទីប៉ុណ្ណោះ ជាមួយសមត្ថភាពរត់ល្បឿនបាន ៣៣៦គីឡូម៉ែត្រ/ម៉ោង។
CT5 ជាអម្បូរឡាន Luxury Sedan ដែលមានប្រវែងតួរខ្លួនសរុប ៤៩២៣ម.ម ទទឹង ១៨៨២ម.ម កម្ពស់ ១៤៥៣ម.ម និងទម្ងន់១៦៦០គីឡូក្រាម។
ក្រៅពីរូបរាងដ៏ទាក់ទាញ នឹងទាន់សម័យ CT5 ក៏បំពាក់ជាមួយប្រព័ន្ធបូម Adaptive Suspension សម្រួលដល់ការបើកបរទៅតាមស្ថានភាពផ្លូវ អមជាមួយហ្វ្រាំងប្រភេទ Brembo ចំណែកថាសជាប្រភេទ Cabon-Ceramic មិនចាញ់ពពួក Super Car ប៉ុន្មានឡើយ។
អ្វីដែល Update ធំបំផុតនៅស៊េរីឆ្នាំ២០២៥ គឺនៅផ្នែកខាងក្នុង Cadillac បានប្ដូរការបីនខាងមុខ ពីអេក្រង់ដាច់មកជាអេក្រង់ភ្ជាប់ពីកុងទ័រឌីជិថល ជាមួយអេក្រង់ថាច់ Display LED ដែលមានទំហំដល់ទៅ ៣៣អ៉ីង។
ភ្ជាប់មុខងារ Google Buil-in ប្រើប្រព័ន្ធ 5G និង Speaker AKG Premium Audio កាន់តែ Luxury ខ្លាំងជាងមុនទៅទៀត។ ផ្នែកជាច្រើនស្រោបដោយស្បែក ជាមួយការបូន មើលទៅ Premium ម្យ៉ាង។
ចំណែកប្រព័ន្ធសុវត្ថិភាពជំនួយពេលបើកបរ CT5-V ទទួលបានកញ្ចប់សុវត្ថិភាពជំនាន់ចុងក្រោយមួយឈុតធំ ដ៏ទំនើបរបស់ Cadillac ចំណែក CT5-V Blackwing បន្ថែមជាមួយមុខងារ Super Cruise ពីលើកាន់តែពិសេសថែមទៀត៕
ដោយ៖ Bunsak
តោះ! ចូលរួមការងារជាមួយ Advan Auto ប្រសិនបើអ្នកស្រឡាញ់វិស័យរថយន្ត មិនចាំបាច់មានបទពិសោធន៍ក៏បាន អ្នកអាចមករៀនសូត្រពីការងារជាមួយពួកយើងឥឡូវនេះ ។
អ្នកផលិតមាតិកា/សរសេរអត្ថបទព័ត៌មាន - Content Creator/Writer (Intern)
អ្នកកាត់តវីដេអូ - Video Editor (Intern)
ដាក់ពាក្យមកកាន់ Telegram: https://t.me/advanauto_contact
ទាញយកព័ត៌មានលម្អិត (Job Description) : https://shorturl.at/izBIW
Subaru Impreza 2025 តម្លៃខ្ទង់ 2ម៉ឺនដុល្លារជាង Subaru ឆ្លៀតប្រាប់ថា មិនមែនឲ្យតែឡានថ្មីហើយស្អាត សុទ្ធតែថ្លៃទាំងអស់នោះទេ
Ford Everest 2022 តម្លៃទីផ្សារខ្ទង់ 4ម៉ឺនដុល្លារជាងគួរពិចារណាអត់? ល្បីថាសន្សំសំចៃទំនើប នឹងធន់ក្នុងការប្រើប្រាស់
តស់! មកមើលតម្លៃ Corolla Cross 2023 ប្រភេទស្លាកលេខនៅសល់ប៉ុន្មាន? ខណៈស៊េរីឆ្នាំ 2024 ប្ដូររាងថ្មីបានចេញលក់ស្ទើអស់ស្ដុកទៅហើយ
LX 470 ស្រុកខ្មែរខ្ទង់ ២០ឆ្នាំមុនជាអធិរាជលើដងផ្លូវ ទាល់តែអភិជន នឹងថ្នាក់ដឹកនាំជាន់ខ្ពស់ទើបមានជិះ ខណៈបច្ចុប្បន្នតម្លៃធូរខ្លាំង ប៉ុន្ដែអ្នកមានលទ្ធភាពល្មមៗមិនហ៊ានក្បែរឡើយ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ