ដោយមើលឃើញពីតម្រូវការនៃការប្រើប្រាស់រថយន្ដប្រចាំថ្ងៃ បានកើនឡើងជាលំដាប់ ហើយក៏មានបងប្អូនខ្លះឆ្ងល់អំពីឡាន ដែលប្រើប្រភេទសាំង និងប្រភេទម៉ាសូត។ ថាតើវាមានលក្ខណៈខុសគ្នាដូចម្ដេចខ្លះ? និងមានគុណសម្បត្តិ គុណវិបត្តិបែបណាខ្លះ? 

ថ្ងៃនេះ Advan Auto នឹងលើកយកប្រធានបទខ្លីខ្លឹមមួយនេះ ដើម្បីជាការឆ្លើយតបទៅកាន់បងប្អូន សម្រាប់ឲ្យបងប្អូនពិចារណាបាន ងាយស្រួលក្នុងការសម្រេចចិត្ត។

១. រថយន្ដប្រភេទសាំង 

វាជាប្រភេទម៉ាស៊ីនដែលពេញនិយមខ្លាំងបើធៀបនឹងម៉ាស៊ូត ព្រោះម៉ាស៊ីនសាំងវាដំណើរការដោយដុតប្រេងសាំង រួមជាមួយនឹងខ្យល់នៅក្នុងស៊ីឡាំង ដើម្បីបង្កើតថាមពលឲ្យម៉ាស៊ីនដំណើរការបាន។ ឬនិយាយម្យ៉ាងទៀតថា ស៊ីឡាំងសម្រាប់ទ្រទ្រង់ចំហេះ ផលិតឡើងក្នុងល្បាញរបស់សាំង និងខ្យល់ពីខាងក្រៅ បូករួមនឹងប៉ូស៊ីដែលទទួលអគ្គីសនី បង្កើតបានជាផ្កាភ្លើង ដើម្បីបង្កើតចង្ហេះនៅក្នុងស៊ីឡាំងនេះឡើង។

+ គុណសម្បត្តិរបស់ម៉ាស៊ីនសាំង

_ ចំណាយការថែទាំតិច គ្រឿងបន្លាស់ធូរជាងប្រភេទម៉ាស៊ូត

_ សម្លេងស្ងាត់ បើធៀបនិងម៉ាស៊ីម៉ាស៊ូត

_ កម្លាំងសេះខ្លាំងជាន់ស្ទុះ 

_ ចំហេះកាក់សំណលស្អាត មិនសូវប៉ះពាល់បរិស្ថាន

_ ក្នុងប្រទេសខ្លះប្រេងសាំងធូថ្លៃជាងម៉ាស៊ូត 

_ ទិញធូរ តម្លៃទាបជាងប្រភេទម៉ាស៊ូត 

+ គុណវិបត្តិ

_ លក់វិញខាតច្រើន

_ ស៊ីសាំងច្រើន ជាងម៉ាស៊ីម៉ាស៊ូត

_ កម្លាំងរមួលតិចជាងម៉ាស៊ូត

_ អាយុកាលនៃការប្រើប្រាស់មិនបានយូ ដូចម៉ាស៊ូត

២.ម៉ាស៊ីនម៉ាស៊ូត

ម៉ាស៊ីនម៉ាស៊ូតវាមិនប្រើប៉ូស៊ី ដើម្បីបង្កើតចំហេះឡើយ គឺវាដំណើរការដោយការប៉ូមយកខ្យល់ពីខាងក្រៅ មកបង្ហាប់ឲ្យណែន ដើម្បីបង្កើនសីតណ្ហភាពខ្ពស់ ហើយវាក៏បាញ់ប្រេងម៉ាស៊ូតចូលក្នុងខ្យល់នោះ ដើម្បីបង្កើតចំហេះឡើង។

+ គុណសម្បត្តិរបស់ម៉ាស៊ីនម៉ាស៊ូ

_ ស៊ីប្រេងតិច

_ កម្លាំងរមួល និងអូសទាញខ្លាំង

_ លក់ចេញខាតតិចជាម៉ាស៊ីនសាំង

_ ម៉ាស៊ីម៉ាស៊ូវាដំណើររលូនជាង ក្នុងរយៈចម្ងាយឆ្ងាយ

_ អាយុកាលនៃការប្រើប្រាស់បានយូជាងម៉ាស៊ីនសាំង

_ ប្រេងម៉ាស៊ូតនៅប្រទេសខ្លះមានតម្លៃធូរជាងសាំង(ដូចនៅស្រុកខ្មែរពីមុន)

+ គុណវិបត្តិ

_ ទិញមកមានតម្លៃថ្លៃជាងប្រភេទសាំង

_ កម្លាំងសេះតិច ជាន់មិនសូវស្ទុះដូចម៉ាស៊ីសាំង ទោះបីជាទំហំស៊ីឡាំងប៉ុនគ្នាក៏ដោយ

_ ចំណាយការថែទាំខ្ពស់ គ្រឿងបន្លាស់ថ្លៃជាងម៉ាស៊ីសាំង

_ ម៉ាស៊ីនម៉ាស៊ូតមានសម្លេងឮជាងម៉ាស៊ីនសាំង កាន់តែចាស់កាន់តែឮខ្លាំង

_ ចំហេះរបស់ម៉ាស៊ូតមិនស្អាត និងផ្ដល់ផលប៉ះពាល់ដល់បរិស្ថានច្រើនជាងម៉ាស៊ីនសាំង

សរុបមក ម៉ាស៊ីនដែលដំណើរការដោយឥន្ធនៈទាំងពីរប្រភេទនេះ សុទ្ធតែមានគុណសម្បត្តិ និងគុណវិបត្តិដូចគ្នា។ តែជាទូទៅ សម្រាប់ឡានដែលប្រើប្រាស់ធម្មតា ប្រចាំថ្ងៃ គឺប្រភេទសាំងស្រូលប្រើ និងពេញនិយមជាង។

តែចំពោះបងប្អូនណាដែលមានតម្រូវការប្រើប្រាស់ ដូចជាក្នុងអាជីវកម្មរកស៊ីដឹកជញ្ជូនទំនិញ និងពិសេសគឺឡានដឹកទម្ងន់គឺគេតែងប្រើជាមួយនឹងប្រភេទម៉ាស៊ូត។ ព្រោះវាមានកម្លាំងរមួសខ្លាំង សម្រាប់សណ្ដោង អូសទាញបាន និងសន្សំសំចៃផងដែរ តែបើខូចវិញក៏អស់ច្រើនទៅតាមនឹងដែរ។ ដូច្នេះបងប្អូនអាចពិចារណាសម្រេចចិត្ត អាស្រ័យទៅលើតម្រូវការនៃការប្រើប្រាស់របស់បងប្អូនបាន៕

ដោយ៖ BunSak