Ray ជាប្រភេទឡាន City Car ដែលមានទម្រង់រាងជា Minivan ខ្នាតតូច កៅអី ២ជួរ អាចជិះបាន​ ៥នាក់គួរសម ងាយស្រួលប្រើសម្រាប់បរិបទក្នុងក្រុង ហើយក៏ទំនើបគួរសមដែរសម្រាប់ Option ខ្ពស់ៗ។

ស្រុកខ្មែរឃើញនិយមប្រើភាគច្រើនជាស៊េរីឆ្នាំ ២០១២ ដល់ ២០១៧ ជាមួយតម្លៃចាប់ពី ក្បែរ ១ម៉ឺនដុល្លារ ទៅ ១ម៉ឺនដុល្លារស្ដើងបន្ដិច អាស្រ័យលើ ឆ្នាំផលិត ពណ៌ Option ជម្រើសម៉ាស៊ីន នឹងប្រភេទស្លាកលេខ ឬក្រដាសពន្ធជាដើម។

Minivan ខ្នាតតូចមួយនេះ មានប្រវែង ៣៥៩៥ម.ម ទទឹង ១៥៩៥ម.ម កម្ពស់ ១៧០០ម.ម ពីដីមកបាត ១៦០ម.ម នឹងទម្ងន់ ៩៩៨គីឡូក្រាមប៉ុណ្ណោះ។

ចំពោះផ្ទៃខាងក្នុងវិញស្រឡះល្អ នឹងទូលាយគ្រាន់ បើជាប្រភេទ Full Option បំពាក់មកជាមួយនៅកៅអីស្បែក២ជួរ  ប្រើបូតុង Power Start បំពាក់ Smart Key ២គ្រាប់ កុងទ័រឌីជីថល អេក្រង់ធំ ៨អីញ មានមុខងារជាច្រើន ហើយក៏ភ្ជាប់ជាមួយ កាម៉េរាក្រោយ Sensor ៤គ្រាប់ជំនួយពេលចូលចតផងដែរ។ 

ក្រៅពីនឹងឃើញមានកំដៅកៅអី Speaker ៨គ្រាប់ ពោងសុវត្ថិភាព ជុំវិញ នឹងមានកន្លែងដាក់អីវ៉ានជាច្រើនកន្លែងជាដើម។ 

មិនតែប៉ុណ្ណោះសម្រាប់ម៉ាស៊ីនវិញ Kia Ray មានច្រើនជម្រើសដែរដូចជា៖ ប្រភេទប្រើសាំងសុទ្ធ, ប្រភេទប្រើហ្កាស, សាំងបូកជាមួយនឹងហ្កាស, និងប្រភេទ អគ្គិសនីជាដើម។ 

តែស្រុកខ្មែរឃើញភាគច្រើនជាប្រភេទម៉ាស៊ីនសាំង ទំហំ ៣ស៊ីឡាំង ១.០លីត្រ ផលិតកម្លាំងបាន ៧៧សេះ កម្លាំងរមួល ៧០ផោនហ្វីត រត់ដោយប្រអប់លេខ ៤វគ្គអូតូ តែអាចថែមចូលលេខបាន បង្វិកកង់ដោយប៉ុងមុខ FWD  ជាមួយកម្រិតស៊ីសាំងខ្ទង់ ៥លីត្រ ទៅ៦លីត្រប៉ុណ្ណោះក្នុង ១០០គីឡូម៉ែត្រ ឬអាចប្រែប្រួលតិចតួចទៅតាមស្ថានភាពជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ City Car Minivan មួយនេះ? បងប្អូនដែលមានមតិយោបល់ បទពិសោនធ៍នៃការប្រើប្រាស់ ឬព័ត៍មានបន្ថែម អាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!