ឲ្យតែ​មានគំនិត Ford ចេញលុយឲ្យធ្វើតែម្ដង ថ្មីៗនេះ Boreham Motorwork ក្រុមវិស្វកររថយន្ដ high performance និងរថយន្ដប្រណាំង (high performance motorsport and racing) ដែលជាបុត្រសម្ព័ន្ធនៃក្រុមហ៊ុន DRVN Automotive Group របស់អង់គ្លេស បានទទួលការអនុញ្ញាត និងឧបត្ថម្ភពី Ford ផ្ទាល់ក្នុងការចនា និងផលិតឡើងវិញ​ (remastered and produce) ជំនាន់ថ្មីនៃរសេរីរថយន្ដ legendary របស់ Ford នោះគឺ RS200 series ដែលនឹងបង្ហាញមុខជាផ្លូវការចុងឆ្នាំ ២០២៤ ក្នុងគម្រប់ខួប ៤០ របស់សេរីនេះ។  

តាមការឲ្យដឹងពី AutoCar ថា សម្រាប់ RS200 ជំនាន់ថ្មីនេះ​នឹងត្រូវបាន រចនា និងផលិត ថ្មីស្ទើរតែទាំងស្រុងតែម្ដង​ ជាជាងគ្រាន់តែបំបែករាង​ពីជំនាន់ចាស់​ ដោយ Boreham បានឲ្យដឹងថា ការរចនាទៅលើរូបរាង និងផ្នែកមេកាណិចដកស្រង់ចេញពី RS200 ឆ្នាំ ១៩៨០​ ច្រើន និងរចនាបទផ្សេងៗទៀតស្រដៀងម៉ូដែលដទៃទៀត ដូចជា Kimera Evo37, HWA Evo និង Maturo Stradale ជាដើម យ៉ាងណារូបរាងទាំងមូលមិនទាន់បានឲ្យឃើញនៅឡើយទេ ត្រូវបានគ្របជិតឲ្យឃើញត្រឹមតែចង្កៀង LED មុខ ដែល បង្ហាញថារថយន្ដត្រូវបាន​ឡើងសេរី និងធ្វើទំនើបកម្មយ៉ាងទាក់ភ្នែកផងដែរ។ 

Boreham មិនទាន់បានឲ្យដឹងពីព័ត៌មានលម្អិតលើ Spec របស់ RS200 ថ្មីនៅឡើយទេ គ្រាន់តែបានបង្ហើថា វានឹងប្រើប្រាស់ម៉ាស៊ីនបែប mid-mounted engine, រត់ដោយ ប៉ុង២ (four wheel drive system) អមជាមួយនឹងគ្រឿងបរិក្ខារ suspension និងជើងក្រោម​ទំនើបៗជួយតម្លើងសមត្ថភាពរបស់វាឲ្យកាន់តែខ្លាំង ដែល Boreham សន្យាថានឹងផ្ដល់បទពិសោធន៍នៃការបើកបរដ៏ភ្លេចមិនបានសម្រាប់អ្នកដែលបានបើកបរវា។ 

គួរបញ្ជាក់ថា ក្រៅតែពី សេរី RS200 នេះ Boreham ក៏ទទួលបានការអនុញ្ញាតក្នុងការបង្កើតជា blueprint ដើម្បីរចនា និងផលិតឡើងវិញនូវជំនាន់ថ្មីនៃរថយន្ដល្បីរបស់ Ford ផងដែរ បន្ទាប់ពីសម្រេច RS200 នេះហើយ ដោយចាប់ផ្ដើមពី​ MK2 Escort នៅចុងឆ្នាំនេះ និងយ៉ាងតិច ៤ ម៉ូដែលបន្ដកន្ទុយគ្នាទៀត ដែលគេទាយទុកថាមានដូចជា Ford Capri, GT40, Sierra Cosworth និង XR2i ជាដើម។ 

អត្ថបទ៖ Andra 

ប្រភព៖ AutoCar 

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!