កាលមុននរណាមិនល្បី CR-V បើមានប្រើស៊េរីឆ្នាំ ២០០២ ដល់ ២០០៦ នេះទៀតដឹងតែជាន់ផ្អៀងហើយ ប៉ុន្ដែបច្ចុប្បន្នធូរថ្លៃខ្លាំងមិនដូចមុនទៀតទេស្រុកខ្មែរឲ្យតែនិយាយដល់ឡានប្រេន Honda គឺគេតែងនឹកដល់ Crossover SUV មួយម៉ូឌែល ដែលមានឈ្មោះបោះសម្លេងជាងគេនោះគឺ Honda CR-V ។
CR-V ផលិតដំបូងនៅឆ្នាំ ១៩៩៧ ដល់ ២០០១ ចាត់ជាជំនាន់ទី១ ចូលដល់ជំនាន់ទី២ ដែលយកមកនិយាយពេលនេះគឺស៊េរីឆ្នាំ ២០០២ ដល់ ២០០៦ ខណៈបច្ចុប្បន្នវត្តមាន CR-V 2024 កំពុងក្លាយជាឡានថ្មីដែលមានតម្លៃសមរម្យ នឹងទំនើបកាន់តែខ្លាំងរបស់ Honda ។
បើនិយាយពីកម្លាំងវិញ CR-V ជំនាន់ទី២ ធំជាងឆ្នាំមុនបន្ដិច ដោយបំពាក់ម៉ាស៊ីន ៤ស៊ីឡាំង ចំណុះ២.៤លីត្រ ផលិតកម្លាំងបាន១៦០សេះ និងកម្លាំងរមួល ១៦២ផោនហ្វីត ប្រើប្រអប់លេខ៤វគ្គអូតូ បង្វិលកង់ដោយជម្រើសប៉ុងមួយ(FWD) និងប៉ុងពីរ(AWD)។ ជាមួយកម្រិតស៊ីសាំង ខ្ទង់ ៩លីត្រ ទៅ ១១លីត្រ អាចអាចលើសខ្វះតិចតួចអាស្រ័យទៅលើស្ថានភាពជាក់ស្ដែង។
CR-V ជាប្រភេទឡាន ទ្វា៥ កៅអី ២ជួរ អាចជិះបាន ៥នាក់ នឹងសល់ឃ្លុបក្រោយធំទូលាយ អាចដាក់អីវ៉ាន់បានច្រើនគួរសម។ ចំពោះស្រុកខ្មែរឃើញមានពីរ Option សម្រាប់សម្គាល់លក្ខណៈសេសរបស់ឡាន។
បើចូលមកផ្នែកខាងក្នុង បើជាប្រភេទ Option EX វិញ ឃើញមានពូកស្បែកលាយកាំម្ងី ដំបូលបើក ពោងសុវត្ថិភាព ៦គ្រាប់ ទ្វាទាំង៥ អាចបញ្ជា Lock Unlock ដោយប្រើតេឡេ ជាមួយនឹងពិលកាងជាដើម។
ខណៈប្រភេទ Option LE អាចថាជាពពួកធម្មតា Base Option បំពាក់កៅអីក្រណាត់កាំម្ងី នឹងបិតបើកទ្វាដោយប្រើ សោរ ចាក់ នឹងមិនមានពិលកាង ឬដំបូលបើកឡើយ ។
សម្រាប់តម្លៃវិញ ឃើញទីផ្សារបច្ចុប្បន្នដាក់លក់ ចន្លោះពី ៦,០០០ដុល្លារជាង ទៅ ៨,០០០ដុល្លារជាង បើជាប្រភេទមេឡានកម្រជួមតែម្ដង អាចក្បែរ ១ម៉ឺនដុល្លារឯណោះ អាស្រ័យលើ ឆ្នាំផលិត ពណ៌ Option នឹងភិនភាគឡានជាក់ស្ដែង។
សម្រាប់បងប្អូនវិញយល់យ៉ាងណាដែរចំពោះ កំពូលរថយន្ដរបស់ Honda ម៉ួឌែល CR-V ជំនាន់ទី២ មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
ចង់ជិះ Triton តម្លៃខ្ទង់ ២ម៉ឺនដុល្លារជាង អាចមើលស៊េរីឆ្នាំនេះបាន នៅអេមហើយទំនើបគួរសម
Nissan Frontier បច្ចុប្បន្ននេះកម្លាំងខ្លាំងមែន ប៉ុន្ដែកុំឃើញតម្លៃធូរៗចង់ទិញប្រើ ត្រូវដឹងចំណុចទាំងនេះសិន ជៀសវាងស្ដាយក្រោយ