Frontier ជាកំពូល Pick Up មួយរបស់ Nissan ដែលមានសមត្ថភាពខ្លាំងមិនធម្មតាឡើយ នៅអាមេរិកក៏សម្បូរ ស្រុកខ្មែរក៏មិនខ្វះដែរ ភាគច្រើនជាពពួកជំនាន់ទី២ ស៊េរីឆ្នាំ ២០០៥ ដល់ ២០០៧ សម្រាប់បច្ចុប្បន្នវិញស្រុកខ្មែរស្ទើរតែគ្មានសោះសម្រាប់ពពួកក្រដាសពន្ធ។
បើនិយាយពីសមត្ថភាពក្នុងការបើកបរ វិញមិនគួរមើលរំលងឡើយ Nissan បំពាក់ម៉ាស៊ីន ៦ស៊ីឡាំង ៤.០លីត្រ ផលិតកម្លាំងបាន ២៦៥សេះ និងកម្លាំងរមួល ២៨៤ផោនហ្វីត រត់ដោយប្រអប់លេខ ៥វគ្គអូតូ ល្បឿនអតិបរិមា ២២៣គីឡូម៉ែត្រ/ម៉ោង បង្វិលកង់ដោយប្រភេទប៉ុងមួយ (RWD) និងប៉ុងពីរ(4WD) ជំនួយដោយប្រព័ន្ធកាប់តាស់។
កម្លាំងខ្លាំងទទួលស្គាល់ ប៉ុន្ដែបើនិយាយពីកម្រិយស៊ីសាំងវិញ រាងញញឹតដែររ ដោយក្នុងក្រុងផ្លូវស្ទះខ្ទង់ ១៧លីត្រ និងក្រៅក្រុងផ្លូវលាតខ្ទង់ ១៣លីត្រក្នុង១០០គីឡូម៉ែត្រឯណោះ។
Navara វាមានប្រវែងតួរខ្លួន ៥២២០ ម.ម ទទឹង ១៨៥០ ម.ម កម្ពស់ ១៧៨០ ម.ម ពីដីមកបាត ២៥៦ ម.ម ទម្ងន់ ១៩២៤ ម.ម ទ្រុងខាងក្រោយប្រវែង ១៥៧០ ម.ម អាចដឹកបានក្បែរ ១តោន និងសមត្ថភាពអូសសណ្ដោងបានខ្ទង់ ៣តោនឯណោះ។
ចំពោះខាងក្នុង មិនមានអ្វីដែលប្លែកនោះទេ ដូចទៅនឹងរថយន្ដ Pick Up ស៊េរីឆ្នាំ២០០៥ ដ៏ទៃទៀតដែរ មានប៉ូតុងបញ្ជាមុខងារមួយចំនួន កៅអីកាំញ៉ៃពីរជួរ អាចជិះបាន ៥នាក់ ចំពោះការប្រើប្រាស់ហាក់មិនមានអ្វីប្លុកស្មាយឡើយ។
សម្រាប់តម្លៃទីផ្សារបច្ចុប្បន្ននេះវិញ Nissan Frontier ជំនាន់ទី២ នេះហាក់ធូរថ្លៃច្រើន ចន្លោះពី ៧,០០០ដុល្លារជាង ទៅខ្ទង់ ១០,០០០ដុល្លារជាងប៉ុណ្ណោះ អាស្រ័យលើប្រភេទស្លាកលេខខ្ពស់ទាប់ ពណ៌ ឆ្នាំផលិត នឹងភិនភាគឡានជាក់ស្ដែងជាដើម។
ក្រៅពីកម្លាំងខ្លាំង នឹងតម្លៃធូរ Nissan Frontier ក៏មានចំណុចគួរពិចារណាផងដែរ សម្រាប់បងប្អូនដែលចាប់អារម្មណ៍ចង់ប្រើ គិតគួរមុនសម្រេចចិត្តទិញ។
១/ បច្ចុប្បន្នទីផ្សារ ហាក់ស្ងប់ស្ងាត់ណាស់ ដូចនេះហើយតម្រូវការទៅលើម៉ូឌែល Frontier មានតិច ធ្វើឲ្យការលក់ចេញ ទិញចូលខាតច្រើន។
២/ គ្រឿងបន្លាស់មិនសូវសម្បូរឡើយ (ភ្នំពេញមានខ្លះដែរ) តម្លៃវិញក៏រាងខ្ពស់គួរសមដែរ។
៣/ ជាប្រភេទឡានម៉ាស៊ីនធំ កម្លាំងខ្លាំងមែន ប៉ុន្ដែស៊ីសាំងខ្លាំង ចំពេលបច្ចុប្បន្ន តម្លៃឥន្ធនៈនៅខ្ពស់ ធ្វើឲ្យការចំណាយកាន់តែច្រើន ជាដើម។
សម្រាប់បងប្អូនវិញយល់យ៉ាងណាដែរចំពោះ Nissan Frontier មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
កាលមុននរណាមិនល្បី CR-V បើមានប្រើស៊េរីឆ្នាំ ២០០២ ដល់ ២០០៦ នេះទៀតដឹងតែជាន់ផ្អៀងហើយ ប៉ុន្ដែបច្ចុប្បន្នធូរថ្លៃខ្លាំងមិនដូចមុនទៀតទេ
ចង់ជិះ Triton តម្លៃខ្ទង់ ២ម៉ឺនដុល្លារជាង អាចមើលស៊េរីឆ្នាំនេះបាន នៅអេមហើយទំនើបគួរសម