CR-V ជាឡានខ្ពស់ល្មមស្ថិតក្នុងប្រភេទ Crossover SUV ខ្នាតមធ្យមមួយរបស់ Honda ដែលល្បីថាជាឡានដែល ធន់ស្រួលប្រើមិនមានភាពស្មុកស្មាញច្រើន រូបសម្បត្តិសមរម្យ នឹងសន្សំសំចៃខ្ពស់ ខណៈពពួកស៊េរីឆ្នាំ ២០២២ ចេញដំបូងក្បែរ ៥ម៉ឺនដុល្លារឯណោះ។ ចុះប្រភេទមួយទឹកស្លាកលេខវិញសល់ប៉ុន្មានដែរ?
សម្រាប់ពពួកស្លាកលេខស៊េរីឆ្នាំ ២០២២ ឃើញទីផ្សារដាក់លក់ខ្ទង់ ៣ម៉ឺនដុល្លារស្ដើង ជាមួយភិនភាគរបស់ឡាន ហាក់នៅថ្មីមិនចាញ់ខ្លាញ់គោឡើយ បើទោះបីជាបច្ចុប្បន្ន Honda CR-V ២០២៤ បានចេញលក់ម៉ូឌែលចុងក្រោយ ជាមួយរូបរាងថ្មីទាំងស្រុង នឹងទំនើបខ្លាំងជាងមុនហើយក្ដី។
ផ្នែកប្លុកម៉ាស៊ីនស៊េរីឆ្នាំ ២០២២ នេះឃើញបំពាក់ជាមួយម៉ាស៊ីនសាំងជំនាន់ថ្មី I-VTEC ដែលជាបច្ចេកវិទ្យារបស់ Honda ទំហំ ៤ស៊ីឡាំង ២.០លីត្រ អាចផលិតកម្លាំងបាន ១៥៤សេះ កម្លាំងរមួល ១៨៩សេះ រត់ដោយប្រអប់លេខ CVT (៧វគ្គ) បង្វិលកង់ដោយប៉ុងមុខ FWD និងអាចថែមថយលេខដៃដោយ Paddle Shift អមជាមួយប្រព័ន្ធហ្វ្រាំងសុវត្ថិភាពដ័សម្បូរបែបផងដែរ។
បើក្រឡេកមើលពីកម្រិតស៊ីសាំងវិញ CR-V ឆ្នាំខ្ពស់មួយនេះជាមធ្យមខ្ទង់ ៧លីត្រប៉ុណ្ណោះក្នុង១០០គីឡូម៉ែត្រ។
ចំពោះភាពទំនើបក៏ដូចជាបរិក្ខាខាងក្នុងវិញ CR-V ជាប្រភេទឡាន Crossover SUV ទ្វា៥ បពាក់កៅអីស្បែក ២ជួរធំទូលាយគួរសម អាចជិះគ្នា ៥ ទៅ ៦នាក់បាន និងសល់ឃ្លុបក្រោយដាក់អីវ៉ានបានច្រើនគួរសម នឹងផ្នែកជាច្រើនទៀតស្រោបដោយស្បែកផងែរ។
ក្រៅពីនឹងឃើញមានអេក្រង់ថាច់ ៧អ៉ីងអាចភ្ជាប់ជាមួយ Apple Carplay & Android Auto ជាមួយនិងកាម៉េរាក្រោយ និងមានកាមេរ៉ានៅផ្នែកត្រលោគកញ្ចក់ Land Watch ធ្វើការជាមួយសេនស័រ សម្រាប់បញ្ហាពីឧបសគ្គ ឬមានការវ៉ាជែងជាដើម។
មិនតែប៉ុណ្ណោះក៏មានបន្ថែមនៅ ពោងសុវត្ថិភាព ៨គ្រាប់ ប្រព័ន្ធ Smart Key ឆ្លាតវ៉ៃចាក់សោរអូតូពេលដើរចេញពីរថយន្ត កញ្ចក់មើលក្រោយកាត់ចំណាំងផ្លាត បូតុងហ្វ្រាំងដៃអេឡិចត្រនិច មុខងារ Brake Hold ជំនួយក្នុងការបើកបរក្នុងក្រុង និងមុខងារសំខាន់ៗមួយចំនួនទៀតផងដែរ។
សម្រាប់បងប្អូនវិញយល់យ៉ាងណាដែរចំពោះ Honda CR-V មួយទឹកឆ្នាំខ្ពស់តម្លៃខ្ទង់ ៣ម៉ឺនដុល្លារជាងមួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលមុននរណាមិនល្បី CR-V បើមានប្រើស៊េរីឆ្នាំ ២០០២ ដល់ ២០០៦ នេះទៀតដឹងតែជាន់ផ្អៀងហើយ ប៉ុន្ដែបច្ចុប្បន្នធូរថ្លៃខ្លាំងមិនដូចមុនទៀតទេ
ចង់ជិះ Triton តម្លៃខ្ទង់ ២ម៉ឺនដុល្លារជាង អាចមើលស៊េរីឆ្នាំនេះបាន នៅអេមហើយទំនើបគួរសម
Nissan Frontier បច្ចុប្បន្ននេះកម្លាំងខ្លាំងមែន ប៉ុន្ដែកុំឃើញតម្លៃធូរៗចង់ទិញប្រើ ត្រូវដឹងចំណុចទាំងនេះសិន ជៀសវាងស្ដាយក្រោយ