Hyundai Starex ជាប្រភេទឡាន Minivan ដ៏ពេញនិយមមួយរបស់កូរ៉េ ចំណែកស្រុកខ្មែរវិញ ក៏សម្បូរអ្នកប្រើផងដែរ ឃើញស្ទើតែគ្រប់ជំនាន់ នឹងស៊េរីឆ្នាំមិនសូវដាច់ភ្នែកឡើយ។ 

ពិសេសពពួកជំនាន់ទី២ ស៊េរីឆ្នាំ២០០៨ ឡើងទៅហាក់ពេញនិយមជាងគេ ចំណែកទីផ្សារលក់ចេញទិញចូល ក៏មានហាងឆេងគួរសមដែរ។ ដែលភាគច្រើនជាស៊េរីឆ្នាំ ២០០៨ ដល់ ២០១០ ចំពោះតម្លៃវិញហាក់ធូរថ្លៃច្រើនមុន ខណៈបច្ចុប្បន្នកាន់ក្បែរ​ ១ម៉ឺនដុល្លារ ទៅ ១ម៉ឺនដុល្លារស្ដើង ឬអាចលើសខ្វះតិចតួច អាចរកបានជិះហើយ អាស្រ័យលើពណ៌ Trim/Option នឹងភិនភាគឡានជាក់ស្ដែង។

Minivan កៅអី ៤ជួរ ឬស្មើរនឹង ១២កៅអីមួយនេះ ធំទូលាយ នឹងស្រឡាស់ល្អល្មមអាចជិះបាន ១២នាក់ អមដោយរន្ធម៉ាស៊ីនត្រជាក់ ៣ជួរ មិនឲ្យចាញ់ក្ដៅឡើយ។

ចំពោះភាពទំនើបវិញ ហាក់មិនមានអ្វីប្លែកច្រើនឡើយ តែក៏មិនសាមញ្ញពេកដែរ អាស្រ័យលើ Option ដែលខ្មែរយើងនាំចូលមានពីរ គឺ CVX, HVX និយាយរួមបើជាប្រភេទ HVX Full Option វិញ៖ ផ្ទៃខាងក្នុងមានភាពលឿងស្រស់ មានកៅអីកម្តៅ និងចង្កូត ពួកស្រោបដោយស្បែក ចង្អៀងមុខអូតូ Sensor ផ្លឹតទឹក ដំណើរការដោយស្វ័យប្រវត្តិ កញ្ចក់ក្ដោប ពិលកាង ប៊ូតុងបញ្ជារលើចង្កូត អាចបញ្ជាមុខងារមួយចំនួន នឹងភ្ជាប់ Bluetooth បាន។

មិនតែប៉ុណ្ណោះ ពពួក HVX នេះបន្ថែមដំបូលបើកពីរតង់ សម្រាប់ខាងមុខ និងអ្នកដំណើរ មានកញ្ចក់តូចពីរសងខាង អាចបើកបាន ជាដើម។

Starex ជំនាន់ទី២ មួយនេះប្រើម៉ាស៊ីនម៉ាស៊ូត ៤ស៊ីឡាំង ២.៥លីត្រ ជំនួយដោយ Turbocharge ផលិតកម្លាំងបាន ១៧៥សេះ កម្លាំងរមួល ២៩៦ផោនហ្វីត រត់ដោយប្រអប់លេខ ៥វគ្គអូតូ បំពាក់យ៉ាន់កង់១៧អីញ ប្រើហ្វ្រាំងឌីសគៀមមុខក្រោយ ជំនួយដោយ ABS ជាមួយម្រិតស៊ីប្រេងម៉ាសូតសន្សំសំចៃគ្រាន់បើ ជាមធ្យម ចន្លោះពី ៨លីត្រ ទៅ១០លីត្រ ក្នុង១០០គីឡូម៉ែត្រ។

សម្រាប់បងប្អូនវិញយល់យ៉ាងណាដែរចំពោះ Hyundia Starex មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!