Kia Picanto ជាឈ្មោះហើយក៏ជា Space សម្រាប់នាំចេញទៅទីផ្សារបរទេស ចំណែក Morning គឺសម្រាប់ប្រើក្នុងស្រុក។

ចំពោះការឌីស្សាញ របស់ Kia Picanto 2024 ផ្នែកខាងក្រៅផ្លាស់ប្ដូរថ្មី ដោយផ្ទៃខាងមុខបំពាក់សំណាញ់ ជាមួយថ្ពាល់សងខាង ទម្រង់ដូចទៅនឹងច្រមុះខ្លាដែល Kia ហៅថា Tiger-nose grille​។

ចំណែកចង្កៀងមុខវិញឌីស្សាញថ្មីជា Y-Sharp មានទម្រង់ជាអក្សរ Y ប្រភេទគុជ Full LED មួយកញ្ចប់តែម្ដង ដែលមានសមត្ថភាព ទម្លាក់តម្លើងហ្វាកូតដោយស្វ័យប្រវត្តិពេលមានឡានមកខាងមុខ។ ចំណែកស្ដុបក្រោយក៏បានពាក់ជា Full LED និងមាន LED Bar អូសកាត់ផ្ទៃគូទក្រោយតែម្ដង។

សម្រាប់តួរខ្លួនរបស់ Morning មានប្រវែង ៣៥៩៥ម.ម ទទឹង ១៥៩៥ម.ម កម្ពស់ ១៤៩៥ម.ម ពីដីមកបាត ១៤១ម.ម ជាមួយទម្ងន់ជាង ១តោន។

Picanto ២០២៤ ជាប្រភេទឡាន Hatchback ទ្វា៥ បំពាក់កៅអីស្បែក ពីរជួរអាចជិះបាន ៥នាក់ នឹងសល់ឃ្លុបក្រោយដាក់អីវ៉ានបានគួរសមដែរ។

និយាយជារួមបើជាប្រភេទ Full Option វិញបំពាក់នៅ កុងទ័រឌីជីថល អេក្រង់ថាច់ ៨អ៉ីងភ្ជាប់ Apple CarPlay & Android Auto កាមេរ៉ាក្រោយជំនួយដោយសេនស័រ រន្ធ USB-C ២គ្រាប់មុខក្រោយ Wireless Charge ដំបូលបើក អាចបញ្ជាតេឡេទម្លាក់កញ្ចក់បាន ពូងសុវត្ថិភាព ៧គ្រាប់ និងផ្ទៃខាងក្នុងផ្នែកខ្លះស្រោបដោយស្បែកជាដើម។

ផ្នែកប្លុកម៉ាស៊ីនវិញ ភ្ជាប់មកជាមួយម៉ាស៊ីន ៣ស៊ីឡាំង ១.០លីត្រ ផលិតកម្លាំងបាន ៦៩ PS បង្វិលកង់ដោយប៉ុងមុខ FWD ជាមួយកម្រិតស៊ីសាំងខ្ទង់ ៤លីត្រ ទៅ ៥លីត្រ ក្នុង១០០គីឡូម៉ែត្រ។

ចំពោះតម្លៃវិញ Picanto ២០២៤ ថ្មីខ្លាញ់គោស្រុកខ្មែរគាស់កេស ២៣,៥០០ដុល្លារ ចំពោះតម្លៃប្រែប្រួលយ៉ាងណានោះ បងប្អូនអាចទំនាក់ទំនងទៅកាន់ក្រុមហ៊ុនផ្ទាស់បាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!