Kia បញ្ចេញត្រកូលកូនឡាន City Car ឬជាប្រភេទ Hatchback ដែលមានទម្រង Mini Van ព្រោះតែរាងកម្ពស់ និងការបើកទ្វាក៏ទាញទៅម្ខាងដូចប្រភេទ Mini Van ដែរ។ សម្រាប់ម៉ូឌែលឆ្នាំ២០២៣នេះ Kia Ray បានប្រែមុខមាត់ថ្មី ដែលចង្គៀងមុខបំពាក់ជាគុជ LED អមដោយ Daytime Running Light មានទម្រង់បែបថ្មីមើលទៅអំណាចស្អាតជាងមុន ជាមួយនឹងស្ដុបក្រោយ LED រំលិចដោយយាន់កង់ថ្មីទំហំ ១៥អីញ ដើម្បីកាន់តែលើកសម្រស់ Kia Ray មួយផ្នែកទៀតផងដែរ។

ចំពោះទំហំ ភិនភាគ គីមិនជាខុសពីស៊េរីឆ្នាំមុនៗប៉ុន្មានទេ នៅតែរក្សារ DNA ជា Ray ដដែលគ្រាន់តែលើកនេះ Kia បំពាក់មកនៅប្រព័ន្ធសុវត្ថិភាពបន្ថែម ឲ្យកាន់តែទំនើបប៉ុណ្ណោះដូចជា៖

ប្រព័ន្ធផ្ដល់សញ្ញាពេលមានវ៉ាជែង Blind Sport Monitor។

ប្រព័ន្ធចាប់ហ្វ្រាំងអូតូពេលមានឧបសគ្គនៅខាងក្រោយ Rear Cross-Traffic Collision-Avoidance Assist និងមានមុខងារប្រព័ន្ធសុវត្ថិភាពពិសេសៗមួយចំនួនទៀតផងដែរ។

ឃើញតូចខ្លីមែន តែចូលមកខាងក្នុងទូលាយគូសម អាចជិះបានគ្នា៥នាក់  ខ្ពស់ស្រលាស់ល្អងាយស្រួលអង្គុយនឹងចេញចូល។ 

Ray បំពាក់មកជាមួយកៅអីស្បែក២ជួរជំនួយដោយអេឡិចត្រនិកខាងអ្នកបើកបរ, ប្រើបូតុង Power Start បំពាក់ Smart Key ២គ្រាប់ កុងទ័រឌីជីថល អេក្រង់ធំ ៨អីញមានមុខងារជាច្រើន ហើយក៏ភ្ជាប់ជាមួយ នឹង GPS កាម៉េរាក្រោយ Sensor មួយជុំផងដែរ។ ក្រៅពីនឹងឃើញមានកំដៅកៅអី Speaker ៨គ្រាប់ ពោងសុវត្ថិភាព ជុំវិញនឹងមានកន្លែងដាក់អីវ៉ានជាច្រើនកន្លែងជាដើម។ 

ប្លុកម៉ាស៊ីនមិនមានអ្វីកែប្រែច្រើននោះទេ Kai Ray បំពាក់ម៉ាស៊ីនសាំង ១.០លីត្រ ផលិតកម្លាំងបាន ៧៥សេះ កម្លាំងរមួល ៩៥ញូតុនម៉ែត្រ  រត់ដោយប្រអប់លេខ ៤វគ្គអូតូ ជាមួយកម្រិតស៊ីសាំងត្រឹម ៤លីត្រ ទៅ៥លីត្រប៉ុណ្ណោះ។ 

ចំណែកប្រភេទ EV បំពាក់ដោយម៉ូទ័រអេឡិចត្រិចដែលអាចផលិតកម្លាំងបាន ៦៧សេះ ជំនួយដោយអាគុយ Lithium-ion ទំហំ ១៦.៤kWh ដែលសាកមួយពេញអាចរត់បាន ១៣៨គីឡូម៉ែត្រ។ 

ចំពោះតម្លៃវិញនៅប្រទេសកូរ៉េចាប់ពី ១៣៥៥០០០០វ៉ុន ឬស្មើនិង ១០៣៩៨ដុល្លារ ហើយកាលពីថ្មីៗនេះឃើញខាង Dealer នៅស្រុកខ្មែរនាំចូលមកប្រមាណជា ២ ទៅ ៣គ្រឿងទៅហើយ។ ចំណែកម្លៃវិញបើតាមប្រភពបានអោយដឹងថា បូកទាំងពន្ធ និងការដឹកជញ្ជូនមកដល់ខ្មែរលក់ចេញខ្ទង់ ២ម៉ឺនដុល្លារជាងឯណោះ។ ចុះបងប្អូនយល់យ៉ាងណាដែរចំពោះ Kia Ray ស៊េរីឆ្នាំ២០២៣នេះ? 

ដោយ៖ Bunsak