ចំពោះឡាន Pick Up របស់ Nissan មានរូបរាងតែមួយ ខុសតែម៉ាស៊ីន នឹងទីផ្សារប៉ុណ្ណោះដូចជា Nissan Frontier ប្រើម៉ាស៊ីនសាំងសម្រាប់ទីផ្សាប៉ែកអាមេរិក ខណៈ Navara ប្រើជាមួយម៉ាស៊ីនម៉ាស៊ូតសម្រាប់ទីផ្សារ ប៉ែកអ៉ឺរ៉ប់ នឹងអាស៊ីជាដើម។

បើតាមការនិយមស្រុកខ្មែរប្រភេទឡានដឹក Pick Up ដែលប្រើម៉ាស៊ូត ហាក់មានទីផ្សារល្អជាង ប្រើសាំង បើទោះបីជាប្រភេទម៉ាស៊ីន គ្រឿងបន្លាស់ នឹងការជួសជុលថ្លៃជាងសាំងក៏ដោយ។

Navara ឃើញមានប្រើច្រើនចាប់ពីស៊េរីឆ្នាំ ២០០៥ ដល់ ២០១២ ជាមួយតម្លៃទីផ្សារបច្ចុប្បន្នឃើញដាក់លក់ខ្ទង់ ១ម៉ឺនដុល្លារស្ដើង ទៅ ១ម៉ឺនដុល្លារក្រាស់ អាស្រ័យលើ ពណ៌ ឆ្នាំផលិត នឹងភិនភាគឡានជាក់ស្ដែង។ ខណៈ Frontier ហាក់ធ្លាក់ថ្លៃច្រើនគួរសមសមសល់ខ្ទង់ ៨,០០០ដុល្លារ ទៅ ១១,០០០ដុល្លារ ប៉ុណ្ណោះ។

Nissan Navara ប្រើម៉ាស៊ីនម៉ាស៊ូត ៤ស៊ីឡាំង ២.៥លីត្រ ជំនួយដោយ Turbo ផលិតកម្លាំង ១៧៤សេះ កម្លាំងរមួល ២៩៧ផោនហ្វីត ដែលខ្មែរយើងហៅថាម៉ាស៊ីនតូច។ ជាមួយកម្រិតស៊ីប្រេងខ្ទង់ ៨លីត្រ ទៅ១១លីត្រ ក្នុង១០០គីឡូម៉ែត្រ ឬអាចច្រើនជាងនេះតាមការបើកបរជាក់ស្ដែង។

ខណៈម៉ាស៊ីនមួយជម្រើសទៀតទំហំ ៦ស៊ីឡាំង ៣.០លីត្រ ជំនួយដោយ Turbo ផលិតកម្លាំង ២៣១សេះ និងកម្លាំងរមួល រហូតដល់ ៤០៣ផោនហ្វីត ជាមួយកម្រិតស៊ីប្រេងខ្ទង់ ១០លីត្រ ទៅ១៣លីត្រជាង ក្នុង១០០គីឡូម៉ែត្រ ឬអាចលើសនេះតិចតួច។

ម៉ាស៊ីនទាំងពីរនេះ មានជម្រើសរត់ដោយប្រអប់លេខ ៥វគ្គអូតូ និង ៦វគ្គលេខដៃ បង្វិលកង់ដោយ ប្រភេទប៉ុង១  RWD នឹងប៉ុង២ 4WD ជំនួយដោយប្រព័ន្ធកាប់ពីតាស់ផងដែរ។

សម្រាប់បងប្អូនវិញយល់យ៉ាងណាដែរចំពោះ Nissan Navara ស៊េរីឆ្នាំ ២០០៥ ដល់ ២០១២ មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕ 

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!