TX ជាឡានចំណូលថ្មីសុទ្ធសាធ ស្ថិតក្នុងប្រភេទ SUV ខ្នាតធំ៧កៅអីរបស់ Lexus ក្នុងចំណោមបងប្អូន LX និង GX ។ ក្រោយពីរងចាំអស់រយៈពេលកន្លះឆ្នាំ ពេលនេះ Lexus បានបញ្ចេញតម្លៃជាផ្លូវការរបស់ខ្លួនហើយ អមជាមួយជម្រើស Trim/Option ចំនួន ៦ដូចជា៖

TX350, TX350 Premium, TX350 Luxury, TX500h F-Sport Premium, TX500h F-Sport Luxury និង TX550h+ F-Sport Luxury ដែលតម្លៃចេញពីរោងចក្រចាប់ពី ៥៥,០៥០ដុល្លារ ដល់ ៧៨,០៥០ដុល្លារ។

TX បានប្រើនៅគ្រោងឆ្អឹងថ្មីធន់រឹងមាំ នឹងកាត់បន្ថយទម្ងន់បានច្រើន ប្រភេទ GA-K ភ្ជាប់ជាមួយជម្រើសម៉ាស៊ីន ៣ ដូចជា៖

សម្រាប់ម៉ូឌែល TX350, TX350 Premium, TX350 Luxury បំពាក់ម៉ាស៊ីនសាំងទំហំ ៤ស៊ីឡាំងចំណុះ ២.៤លីត្រជំនួយដោយ Turbo ផលិតកម្លាំងបាន ២៧៥សេះ ៣១៧ផោនហ្វី ប្រើប្រអប់លេខ ៨វគ្អអូតូ បង្វិលកង់ដោយប៉ុង១ FWD និងប៉ុង២ AWD ជាមួយកម្រិតស៊ីសាំងជាមធ្យម ១១.២លីត្រក្នុង១០០គីឡូម៉ែត្រ។

ចំពោះពពួក​ TX 500h បំពាក់ម៉ាស៊ីន ៤ស៊ីឡាំង ប្រើប្រព័ន្ធ Hybrid ចំណុះ ២.៤លីត្រ ជំនួយដោយ Turbo ផលិតកម្លាំងបាន ៣៦៦សេះ ៤០៩ផោនហ្វីត រត់ដោយប្រអប់លេខ ៦វគ្គអូតូ បង្វិលកង់ដោយប៉ុង២ AWD ជាមួយកម្រិតស៊ីសាំងជាមធ្យម ១០ឡីត្រក្នុង១០០គីឡូម៉ែត្រ។

ចំណែក TX 550 Plus ប្រើម៉ាស៊ីនធំទំហំ ៦ស៊ីឡាំង Plug-in Hybrid មុខកាត់ ៣.៥លីត្រ ៤០៦សេះ កម្លាំងរមួល ៤០៩ផោនហ្វីត ប្រើប្រអប់លេខ CVT ជាមួយនឹងប៉ុង២ AWD ចំណែកកម្រិតស៊ីសាំងត្រឹម ៧.៨លីត្រ ជាមួយការបើកដោយប្រើប្រព័ន្ធ EV បានចម្ងាយ ៥៣គីឡូម៉ែត្រ។

ចំពោះភាពទំនើប នឹងបរិក្ខាដែលបំពាក់មកជាមួយរួមមាន ប្រព័ន្ធ Smart Key ក៏មានបន្ថែមមុខងារបើកបិទទ្វាជំនាន់ថ្មី Digital Latch មុខងារបញ្ជាឆេះពីចម្ងាយ អេក្រង់កុងទ័រឌីជីថល ១២.៣អ៉ីង អេក្រង់កំសាន្ដ ១៤អ៉ីង Wireless Charging រន្ធ USB-C ៥កន្លែង។

ជាមួយដំបូលបើក២តង់ អេក្រង់ DVD ក្រោយសម្រាប់អ្នកដំណើរ Speaker Mark Levinson ២១គ្រាប់ប្រភេទ Premium Surround Sound System, កញ្ចក់មើលក្រោយកាត់ចំណាំងផ្លាត កៅអីក្ដៅត្រជាក់ ទ្វាក្រោយបិទបើកអូតូ នឹងមុខងារក្រវាសជើង ជាមួយការបំពាក់ផ្ទៃខាងក្នុងចំនួន ៧ពណ៍ និងការតុបតែងស្បែកប្រណិត ផ្នែកខ្លះលាយស្បែកឆៅបែប Luxury Car នឹងមានមុខងារសំខាន់ៗច្រើនទៀតផងដែរ។

ចូលដល់ប្រព័ន្ធបច្ចេកវិទ្យាជំនួយពេលបើកបរវិញ Lexus TX ទទួលបានកញ្ចប់ Toyota Safety Sense 3.0+ ជំនាន់ចុងក្រោយ ជាស្ដង់ដារគ្រប់ម៉ូឌែលតែម្ដង។

សរុបមក TX ស្ថិតក្នុងជម្រើសឡានចំណូលថ្មីស្រឡាងរបស់ Lexus នៅឆ្នាំ២០២៤នេះ ហើយក៏ជា SUV ខ្នាតធំ ទំនើប សុវត្ថិភាពជាមួយតម្លៃគួរសមគ្រាន់បើដែរ អាចនិយាយបានថាតម្លៃចាប់ផ្ដើមចេញពីរោងចក្រនៅអាមេរិកប្រហាក់ប្រហែល នឹងត្រកូល NX300 ស៊េរីឆ្នាំ២០១៨ នៅស្រុកខ្មែរ តែបើនាំចូល TX 2024 បូកដកគុណចែកចំណេញខ្លះទៀត អាចចាប់ពី ១០ម៉ឺនដុល្លារជាងអីដែរ។

សម្រាប់បងប្អូនវិញយល់យ៉ាងណាដែរចំពោះ Lexus TX ដ៏ថ្មីស្រឡាងមួយនេះ? សម្រាប់មតិយោបល់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

តោះ! ចូលរួមការងារជាមួយ Advan Auto ប្រសិនបើអ្នកស្រឡាញ់វិស័យរថយន្ត មិនចាំបាច់មានបទពិសោធន៍ក៏បាន អ្នកអាចមករៀនសូត្រពីការងារជាមួយពួកយើងឥឡូវនេះ ។

អ្នកផលិតមាតិកា/សរសេរអត្ថបទព័ត៌មាន - Content Creator/Writer (Intern)

អ្នកកាត់តវីដេអូ - Video Editor (Intern)

ដាក់ពាក្យមកកាន់ Telegram: https://t.me/advanauto_contact    

ទាញយកព័ត៌មានលម្អិត (Job Description) : https://shorturl.at/izBIW