ចំពោះ Prius ជំនាន់ទី២ ឆ្នាំ២០០៤ ដល់ ២០០៩ បើនិយាយពីរូបរាងវិញគឺថាដូចគ្នាតែម្ដង គ្រាន់តែនៅឆ្នាំ២០០៦ Toyota ធ្វើការកែប្រែ Facelift លើកទី១ ក្នុងជំនាន់ទី២ ជាមួយការបន្ថែមផ្នែកខ្លះដែលមើលទៅកាន់តែជាតិ នឹងអេមជាងពពួក Prius ២០០៤ នឹង ២០០៥។

ថ្ងៃនេះកម្មវិធី បទបង្ហាញរថយន្ដមួយទឹក របស់ Advan Auto សូមលើកយកពីចំណុចខ្លីខ្លឹមចំនួន ១០​ ដែល Toyota បានបំពាក់បន្ថែមទៅលើ Prius ២០០៦ដល់ ២០០៩ ដូចជា៖

ក/​ ផ្នែកខាងក្រៅ

បើយើងមើលត្រួសៗនឹងឃើញចំណុចប្លែកគ្នាដល់ទៅ ៤ចំណុចទី១ បន្ថែមជាមួយតែម Hybrid នៅថ្ពាល់សងខាង ទី២ ស្ដុបក្រោយរំលេចភ្លើង LED ច្បាស់ល្អមិនមានបិតឡាយពណ៌ក្រមៅ ទី៣ ចង្កៀងមុខផ្លាស់ប្ដូរថ្មី HID បន្ថែមជាមួយ LED Light Bar មួយខ្សែកាត់ពាក់កណ្ដាលចង្កៀងតែម្ដង ទី៤ បន្ថែមក្រូមពណ៌ស នៅចំកណ្ដាល បាណាមុខ នឹងទី៥ ផ្នែកគូទក្រោយ មានបន្ថែមជាមួយកាមេរ៉ា ១គ្រាប់ន្ថែមទៀត។

ខ/ ផ្នែកខាងក្នុង

ឆ្នាំ២០០៦ ឡើងទៅទទួលបានដូចជា៖ ទី១ បន្ថែម Texture គ្រឺមៗនៅតាបឡូ នឹងផ្នែកជញ្ជាំងទ្វា ទី២ ចង្កូតថ្មីតូចនឹងស្លីមជាងមុន ទី៣ អេក្រង់បន្ថែម Resolution ច្បាស់ល្អជាងមុន ទី៤ បន្ថែមខ្សែ Aux នឹងទី៥ បើជាប្រភេទ Full Option បំពាក់កៅអីស្បែក ជាដើម។ 

ចំណែកប្លុកម៉ាស៊ីន នឹងប្រព័ន្ធជើងក្រោមមិនត្រូវបានកែសម្រួល ឬបន្ថែមអ្វីប្លែកឡើយ គ្រាន់តែឆ្នាំ២០០៧ បន្ថែម Option មួយទៀតគឺ Turing Editon ជាដើម។

សរុបមក ១០ចំណុចខ្លីៗនេះគ្រាន់តែជាផ្នែកត្រួសៗមួយចំនួនធំប៉ុណ្ណោះ ដែលបងប្អូនអាចចំណាំបាន ខណៈពពួក Prius នេះបច្ចប្បន្នកំពុងពេញនិយមខ្លាំងណាស់នៅលើទីផ្សារ។

សម្រាប់បងប្អូនវិញយល់យ៉ាងណាដែរចំពោះ Toyota Prius ជំនាន់ទី២ ស៊េរីឆ្នាំ ២០០៤ ដល់ ២០០៩ មួយនេះ? សម្រាប់បងប្អូនដែលមានមតិយោបល់ បទពិសោធន៌ អំពីការប្រើប្រាស់ផ្ទាស់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!