Starai ជាប្រភេទរថយន្ដ Minivan ១១កៅអី ដ៏ពេញនិយម នឹងទំនើប Luxury របស់កូរ៉េ Hyundai ដែលម៉ូឌែល Starai នេះយកមកជំនួសតម្លៃ Starex ដែលចេញលក់សម្រាប់ស៊េរីឆ្នាំ ២០២២ នឹង ២០២៣ ជាមួយរូបរាងថ្មីមើលទៅប្លែក នឹងទាក់ភ្នែកតែម្ដង។

ស្រុកខ្មែរកាលចេញដំបូងថ្មីខ្លាញ់គោសម្រាប់ស៊េរីឆ្នាំ ២០២៣ ចាប់ពី ៥ម៉ឺនដុល្លារឡើងទៅ អមដោយជម្រើស Trim/Option ចំនួន៣ ដូចជា៖ Deluxe មានតម្លៃ ៥២៩៩០ដុល្លារ, Premium ៥៥៩៩០ដុល្លារ និង Lounge ដែលគេហៅថាប្រភេទ VIP តម្លៃ ៦៥៩៩០ដុល្លារ។

តែបើក្រឡេកមកមើលពពួកមួយទឹកស្លាកលេខវិញ ពពួកឆ្នាំ២០២២ នឹង ២០២៣ ឃើញទីផ្សារដាក់លក់ចាប់ខ្ទង់ ៤ម៉ឺនដុល្លារស្ដើង ទៅ ៥ម៉ឺនដុល្លារស្ដើង អាស្រ័យលើ ពណ៌ ឆ្នាំផលិត Option នឹងភិនភាគឡានជាក់ស្ដែង។

Hyundai Starai ប្រើម៉ាស៊ីនម៉ាស៊ូតជំនាន់ថ្មី ៤ស៊ីឡាំង ២.២លីត្រ ជំនួយដោយ Turbo ផលិតកម្លាំងសេះបាន ១៧៥សេះ កម្លាំងរមួល ៤៣០ញ៉ូតុនម៉ែត្ររត់ដោយប្រអប់លេខ ៨វគ្គអូតូមាន Paddle Shift បង្វិលកង់ដោយប្រភេទប៉ុង១ FWD (ម៉ូឌែល Deluxe, Premium) ប៉ុង២ AWD (ម៉ូឌែលLounge)។

និងមានបន្ថែមជាមួយ Drive Mode ចំនួន ៣ដូចជា៖ Normal, Eco, Sport និងប្រពន្ធ Lock ប៉ុងផងដែរ។ 

ចំពោះកម្រិតស៊ីប្រេងចន្លោះពី ៨លីត្រ ទៅ ៩លីត្រជាងក្នុង១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។  

ចំពោះផ្ទៃខាងក្នុង នឹងភាពទំនើបវិញ Starai មានបែងចែកទៅតាម Option ដូចជា៖

១/​ Deluxe ឃើញបំពាក់កៅអីស្បែកធម្មតា ៣ជួរ ស្មើរនឹង ១១កៅអី ដែលជួរមុខមានមុខងារក្ដៅត្រជាក់ និងផ្នែកជាច្រើនទៀតស្រោបដោយស្បែក។

ក្រៅពីនឹងក៏ឃើញមាន អេក្រង់កុងទ័រឌីជីថល ១០អ៉ីង អេក្រង់កម្សាន្ដ ៨អ៉ីង Apple Carplay Android Auto បំពាក់កាម៉េរា 360 ឌឺក្រេ Charge Wireless ពោងសុវត្តិភាព ៨គ្រាប់ Speaker ធម្មតា ៦គ្រាប់ កញ្ចក់មើលក្រោយកាត់ចំណាំងផ្លាត ទ្វាខាងអ្នកដំណើរបើកអូតូជាដើម។ 

២/ ចូលដល់ម៉ូឌែល Premium វិញ Deluxe ដែរតែមានបន្ថែមដំបូងបើក២តង់ និងទ្វាក្រោយអូតូជាដើម។

៣/ សម្រាប់ Staria Lounge បំពាក់ជាមួយ ពូកស្បែកប្រណិត ៣ជួរ ស្មើរនឹង ៧កៅអី(ខ្លះ ៩កៅអីតែមិនមានជើងទម្រ) សម្រាប់ជួរទីមួយ និងទី២ មានមុខងារក្ដៅត្រជាក់ នឹងជើងទម្រពីក្រោម។ ក្រៅពីនឹងប្រើ Speaker ប្រភេទ Bose និងប្ដូរពីប្រើចង្កើសលេខធម្មតាទៅ ជាប្រភេទចុចបែបអេឡិចត្រនិច ជាមួយជម្រើសរត់ប៉ុង២ផងដែរ។ 

បើនិយាយពីប្រព័ន្ធបច្ចេកវិទ្យាទំនើបវិញ Starai Lounge បានបំពាក់ សេនស័រជុំវិញ ១០គ្រាប់ជំនួយ ទទួលបានកញ្ចប់ប្រព័ន្ធជំនួយសុវត្ថិភាពពេលបើកបរ ADAS មួយឈុតធំផងដែរ។

សម្រាប់បងប្អូនវិញយល់យ៉ាងណាដែរចំពោះ Hyundai Starai មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!