Copri ជាប្រភេទឡានស្ព័រទ្វា ២ ហើយក៏ជាឡានចាស់វស្សាផងដែរ ដែលផលិតដំបូងក្នុងឆ្នាំ ១៩៦៨ ហើយក៏ជាឡាន Performed ដ៏ចំណាស់មួយផងដែរ។ ប៉ុន្ដែអ្វីដែលប្លែកពេលនេះ Ford បានបញ្ចេញម៉ូឌែលទ្វា៤ បន្ថែម ២ ខុសពីស៊េរីចាស់ មួយនេះម្ដងទៀត ជាមួយរូបរាងថ្មី ដែលដើរដោយថាមពលអគ្គិសនីសុទ្ធ ជាមួយកម្លាំង ៣០០សេះជាងឯណោះ។

Copri ភ្ជាប់មកជាមួយម៉ាស៊ីន ២ជម្រើសដូចជា៖ ប្រភេទ Base Version បំពាក់អាគុយកម្លាំង ៧៧ kWh ជំនួយដោយមូទ័រអគ្គិសនី ១គ្រាប់ផលិតកម្លាំងបាន ២៨២សេះ បង្វិលកង់ដោយប៉ុងក្រោយ RWD បំពាក់យាន់កង់ទំហំ ១៩អ៉ីង សាកថ្មមួយពេញ អាចរត់បាន ៣៩០ម៉ាយ ឬស្មើរប្រមាណជា ៦២៧គីឡូម៉ែត្រ នឹងសាកត្រឹម ២៨នាទី ទទួលបានថាមពលថ្មពី ១០% ដល់ទៅ ៨០% ឯណោះ។

ចំពោះ Premium Version វិញជំនួយដោយម៉ូទ័រអគ្គិសនី ២គ្រាប់ ជាមួយថាមពលថ្មកម្លាំង ៧៩ kWh ផលិតកម្លាំងបានដល់ទៅ ៣៣៥សេះ បង្វិលកង់ដោយប៉ុង២ AWD បំពាក់យាន់កង់ទំហំ ២១អ៉ីង សាកថ្មមួយពេញរត់បាន ៥៩២គីឡូម៉ែត្រ នឹងអាចសាកថ្មពី ១០% ទៅ ៨០% ចាយពេលត្រឹម ២៦នាទីប៉ុណ្ណោះ។

ផ្ទៃខាងក្នុងរចនាឡើង Luxury មិនធម្មតាឡើយ បំពាក់អេក្រង់ថាច់ដល់ទៅ ១៤.៦អ៉ីង ពហុមុខងារ គ្រឿងក្នុងស្រោបដោយស្បែកប្រណិត រំលិចដោយភ្លើង Ambient Light ឧបករណ៍បំពងសម្លេងប្រភេទ B&O ជាមួយទ្វាក្រោយបិតបើកដោយក្រវាស់ជើង hands-free tailgate ជាដើម។

ចំពោះតម្លៃវិញក្នុងទីផ្សារ ប្រទេសអាល្លឺម៉ង នឹងចក្រភពអងគ្លេស សម្រាប់ Base Version ៦១,៧៣១ដុល្លារ ខណៈ Premium Version ៦៦,៩៩៥ដុល្លារឯណោះ៕

ដោយ៖ Bunsak 

ប្រភព៖ Caranddriver

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!