Toyota Prius ទោះបីជាចាស់ពិតមែន តែសម្បូរ នឹងពេញនិយមខ្លាំងណាស់នៅស្រុកខ្មែរ ភាគច្រើនជាស៊េរីឆ្នាំ២០០៤ ដល់២០១៥ ឃើញមានជិះតាមដងផ្លូវមិនដាច់ភ្នែកឡើយ។ 

បច្ចុប្បន្នសម្បូរទីផ្សារល្អណាស់ គ្រឿងបន្លាស់ និងជាងជំនាញក៏មានច្រើនដែរ មិនដូចពីមុន គ្រឿងថ្លៃ ជាងក៏មានតិច ហើយការលក់ចេញទិញចូលក៏តឹង ពេលនេះ Toyota Prius នាំមុខគេហើយក្នុងប្រភេទឡានសន្សំសំចៃ។

ចំពោះតម្លៃទីផ្សារហាងឆេង សម្រាប់ស៊េរីឆ្នាំ ២០០៤ ដល់ ២០១៥ Admin សូមធ្វើការបែងចែកជា ៤ដំណាក់កាលដូចជា៖

១/ ស៊េរីឆ្នាំ២០០៤ ដល់២០០៥

សម្រាប់ប្រភេទក្រដាស់ពន្ធដូចជាមិនសូវសម្បូរប៉ុន្មានឡើយ ជាមួយតម្លៃខ្ទង់ ១០,០០០ដុល្លារ ដល់ ១២,០០០ដុល្លារ ចំណែកស្លាក់លេខមានច្រើនគួរសម ចន្លោះពី ៧,០០០ដុល្លារជាង ទៅក្បែរ ១០,០០០ដុល្លារអីដែរ អាស្រ័យលើ ពណ៌ Option និងភិនភាគជាក់ស្ដែង។

២/ ស៊េរីឆ្នាំ២០០៦ ដល់២០០៩

ប្រភេទក្រដាសពន្ធហាក់សម្បូរជាងពពួកឆ្នាំ ០៤ នឹង ០៥ គួរសមជាមួយតម្លៃចន្លោះពី ១១,០០០ដុល្លារជាង ដល់ក្បែរ ១៤,០០០ដុល្លារ ខណៈស្លាកលេខខ្ទង់ ៩,០០០ដុល្លារ ដល់ ១២,០០០ដុល្លារជាង អាស្រ័យលើ ពណ៌ Option ឆ្នាំផលិត នឹងភិនភាគជាក់ស្ដែង។

៣/ ឆ្នាំ២០១០ ដល់ ២០១១

ចូលដល់ស៊េរីឆ្នាំ២០១០ មិនខ្វះឡើយ ទាំងប្រភេទក្រដាសពន្ធ និងស្លាកលេខ ជាមួយតម្លៃចាប់ពី ១៧,០០០ដុល្លារជាង ទៅក្បែរ ២៣,០០០ដុល្លារសម្រាប់ក្រដាសពន្ធ។ ចំពោះស្លាកលេខក៏មិនជាធ្លាក់ប៉ុន្មានឡើយនៅខ្ទង់ ១៦,០០០ដុល្លារជាង ដល់ក្បែរ ២២,០០០ដុល្លារអីដែរ អាស្រ័យលើ Option ពណ៌ នឹងភិនភាគជាក់ស្ដែង។

៤/ ស៊េរីឆ្នាំ២០១២ ដល់២០១៥

ទោះបីជារូបរាងមិនខុសគ្នាច្រើនពីពពួកអាព្រូសឆ្នាំ២០១០ តែការកែប្រែមួយចំនួន ថ្មីប្លែកជាឆ្នាំ ២០១០គួរសម ជាមួយតម្លៃចាប់ពី ១៨,០០០ដុល្លារជាង ទៅ ២៣,០០០ដុល្លារជាង សម្រាប់ក្រដាសពន្ធ ចំណែកស្លាកលេខចន្លោះពី ១៧,០០០ដុល្លារជាង ទៅ ២២,០០០ដុល្លារជាង អាស្រ័យលើឆ្នាំផលិត ពណ៌ Option នឹងភិនភាគជាក់ស្ដែងជាដើម។

ទាំងនេះគ្រាន់តែជាតម្លៃទីផ្សារហាងឆេងត្រួសៗប៉ុណ្ណោះ សម្រាប់តម្លៃពិតជាក់ស្ដែង អាចប្រែប្រួលលើចុះ អាស្រ័យលើ ភិនភាគឡាន និងការចរចារវៀង អ្នកលក់ នឹងអ្នកទិញ។ សម្រាប់ងប្អូនវិញយល់យ៉ាងណាដែរចំពោះ តម្លៃទីផ្សាររបស់ Toyota Prius ស៊េរីឆ្នាំ២០០៤ ដល់២០១៥ មួយនេះ? ចំពោះបងប្អូនដែលមានមតិយោបល់ ព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!