Prius ជាប្រភេទឡាន Hatchback កូនកាត់ Hybrid ដែលពេញនិយមខ្លាំងនៅស្រុកខ្មែរ បើទោះបីជាស្ថិតក្នុងប្រភេទឡានមួយទឹក ដែលមានអាយុកាលរាងជ្រេបន្ដិចក្ដី។

សម្រាប់ពពួកឆ្នាំ ២០១០ នឹង ២០១១ ពីមួយឆ្នាំ ទៅមួយឆ្នាំ ឃើញថាទីផ្សារលក់ចេញទិញចូល នឹងការនិយមប្រើកាន់តែខ្លាំងឡើងជាលំដាប់ ខណៈតម្លៃទីផ្សារវិញហាក់ធូរជាងមុនបន្ដិច ហេតុនេះហើយទើបការប្រើប្រាស់ កាន់តែច្រើនឡើងៗ ជាងរថយន្ដមួយទឹក ផ្សេងៗ។

Toyota Prius ជំនាន់ទី៣ មួយនេះប្រើម៉ាស៊ីន ៤ ស៊ីឡាំង ១.៨លីត្រ ផលិតកម្លាំងបាន ៩៨ សេះ បន្ថែមជាមួយនិងម៉ូទរ័ Hybrid មួយគ្រាប់ ធ្វើការរួមគ្នាបង្កើនកម្លាំងបាន ១៣៤សេះ កម្លាំងរមួល ១០៥ ផោនហ្វីត ប្រើប្រអប់លេខ CVT បង្វិលកង់ដោយប៉ុងមុខ។

មិនតែប៉ុណ្ណោះក៏មានភ្ជាប់ជាមួយនឹង Drive Mode សម្រាប់ថែមថយតាមស្ថានភាពផ្លូវដូចជា៖ EV, Eco, និង Power Mode ផងដែរ។

ចពោះកម្រិតស៊ីសាំងវិញចន្លោះពីក្បែរ ៥លីត្រ ទៅ ៦លីត្រក្នុង២១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង ។

ចំពោះភាពទំនើប នឹងបរិក្ខាដែលបំពាក់មកជាមួយ អាចមានការលើសខ្វះ នឹងខុសប្លែកគ្នាច្រើនគួរសម អាស្រ័យលើ Trim/Option ដែល Toyota Prius ស៊េរីឆ្នាំ ២០១០ នឹង ២០១១ មួយនេះមាន Option ច្រើនជម្រើសណាស់ដូចជា៖ Option 2, Option 3, Option 3 Solar, Option 4, Option 4 Solar, Option 5 នឹង Option 5 Advanced ជាដើម។ 

ចំពោះតម្លៃវិញទីផ្សារបច្ចុប្បន្ននេះ ឃើញដាក់លក់ខ្ទង់ ១៤,០០០ដុល្លារជាង ទៅក្បែរ ២២,០០០ដុល្លារ អាស្រ័យលើ ពណ៌ Option ប្រភេទស្លាកលេខ ឬក្រដាស់ពន្ធ នឹងភិនភាគឡានជាក់ស្ដែងជាដើម។

តម្លៃទីផ្សារប៉ុណ្ណឹងអាចចាត់ទុកថាធូរថ្លៃជាងមុនច្រើនគួរសម បើធៀបទៅ ២ឆ្នាំមុន សម្រាប់ពពួក 5 Advanced ខ្លះអាចហក់ដល់ទៅ ២៥,០០០ដុល្លារជាងឯណោះចំពោះប្រភេទក្រដាសពន្ធនារដូវកាលបុណ្យទានម្ដងៗ។

សម្រាប់បងប្អូនវិញយល់យ៉ាងណាដែរចំពោះ Toyota Prius ជំនាន់ទី៣ មួយនេះ? បងប្អូនដែលមានមតិយោបល់ បទពិសោធន៌ក្នុងការប្រើប្រាស់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!