Tacoma ជាកំពូលរថយន្ដរបស់ Toyota សម្រាប់នាំចូលទីផ្សារអាមេរិក ក្នុងនាមជា Pick Up ខ្នាតកណ្ដាល ដែលមានកម្លាំងខ្លាំង ធន់រឹងមាំ នឹងអាចធ្វើដំណើរបានស្ទើគ្រប់ស្ថានភាពផ្លូវតែម្ដង។
និយាយពីវត្តមាននៅស្រុកខ្មែរវិញ ឡានមួយទឹកពីអាមេរិកមួយនេះ មានសន្ទុះការប្រើប្រាស់ នឹងពេញនិយមខ្លាំងក្នុងចំណោម Pick Up ផ្សេងៗទៀត។
សម្រាប់តម្លៃវិញ បើក្រឡេកទៅមើលកាលពី ៣ ទៅ ៤ឆ្នាំមុន ឬក្នុងស្ថានភាពសេដ្ឋកិច្ចប្រេងឥន្ធៈនៅក្រោម ៤,០០០រៀលក្នុង ១លីត្រ តម្លៃរបស់ Tacoma មិនងាយធ្លាក់ចុះឡើយ សម្រាប់ស៊េរីឆ្នាំ២០០៥ ទៅ ២០១០ ខ្ទង់ ១ម៉ឺនដុល្លារក្រាស់ ទៅក្បែរ ២ម៉ឺនដុល្លារក្រាស់ឯណោះ អាស្រ័យលើឆ្នាំផលិត ពណ៌ Trim/Option ជម្រើសប៉ុង១ ឬប៉ុង២ នឹងប្រភេទស្លាកលេខជាដើម។
បើក្រឡេកមើលទីផ្សារបច្ចុប្បន្ននេះវិញ ហាក់ស្ងាប់ស្ងាត់ នឹងតម្លៃធូរច្រើនគួរសម កាន់ខ្ទង់ ១៥,០០០ដុល្លារជាង ទៅ ១៧,០០០ដុល្លារជាង សម្រាប់ប្រភេទស្លាកលេខ នឹងក្រដាសពន្ធក៏មិនជាខ្ពស់ប៉ុន្មានដែរ ខ្ទង់ ១៧,០០០ដុល្លារ ទៅ ២ម៉ឺនដុល្លារស្ដើងបន្ដិច អាចរកបានជិះហើយ។ ចំពោះតម្លៃនេះដែរ អាចប្រែប្រួលទៅតាមការចរចារជាក់ស្ដែង នឹងភិនភាគឡានជដើម។
ចំពោះ Toyota Tacoma ជំនាន់ទី២ នេះ ភ្ជាប់មកជាមួយម៉ាស៊ីន ៦ស៊ីឡាំង ៤.០លីត្រ បង្កើនកម្លាំង ២៤៥ សេះ កម្លាំងរមួល ២៨២ ល្បឿនលឿនបំផុត ២៣០គីឡូ/ម៉ោង ប្រើប្រអប់លេខ ៦ វគ្គអូតូ ជាមួយជម្រើសរត់ដោយប៉ុង១ ធម្មតា RWD នឹងប៉ុង១ ជំនួយដោយប្រព័ន្ធ Lock ប៉ុង នឹងប្រភេទប៉ុង២ ជំនួយដោយប្រព័ន្ធ កាប់ពីតាស់ ជាដើម។
និយាយពីកម្រិតស៊ីសាំងវិញ អាចថាជាមូលហេតុធំរបស់ Tacoma មួយនេះណាស់ ព្រោះចំណាយខ្ពស់គួរសមដោយក្នុង១០០គីឡូម៉ែត្រចាយខ្ទង់ ១២លីត្រ ទៅ ១៥លីត្រជាងឯណោះ អាស្រ័យលើស្ថានភាពបើកបរជាក់ស្ដែង។
សម្រាប់បងប្អូនវិញយល់យ៉ាងណាដែរចំពោះ Tacoma ជំនាន់ទី២ ស៊េរីឆ្នាំ២០០៥ ដល់ ២០១០ មួយនេះ? បងប្អូនដែលមានមតិយោបល់ ព័ត៍មាន នឹងបទពិសោធន៌បន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធូរថ្លៃគួរឲ្យចាប់អារម្មណ៍ Honda City 2021-2022 នៅខ្ទង់ 2ម៉ឺនបន្ដិច នឹងល្បីថាសាំង 1លីត្រជិះបាន 20គីឡូម៉ែត្រ
កាន់ 3ម៉ឺនដុល្លារជាង ចង់ជិះឡាន Pick Up ឆ្នាំខ្ពស់អាចមើល Nissan Navara មួយនេះបាន ចាយរាងមិនធម្មតាឡើយ
អបអរសាទរ KNN Cambodia ក្នុងការទទួលបានសិទ្ធផ្ដាច់មុខនូវការនាំចូល និងចែកចាយរថយន្ដល្បី Jetour មកកាន់ទីផ្សារប្រទេសកម្ពុជា
រថយន្តអគ្គិសនីប្រភេទ MPV លំដាប់អភិជនដែលកំពុងឈានមុខគេក្នុងទីផ្សារកម្ពុជា និងអាស៊ី
ធូរថ្លៃគួរឲ្យចាប់អារម្មណ៍ Honda City 2021-2022 នៅខ្ទង់ 2ម៉ឺនបន្ដិច នឹងល្បីថាសាំង 1លីត្រជិះបាន 20គីឡូម៉ែត្រ
កាន់ 3ម៉ឺនដុល្លារជាង ចង់ជិះឡាន Pick Up ឆ្នាំខ្ពស់អាចមើល Nissan Navara មួយនេះបាន ចាយរាងមិនធម្មតាឡើយ
Toyota Rush 2023 ជាឆ្នាំចុងក្រោយ លែងមានទៀតហើយប្រភេទខ្លាញ់គោ ខណៈពពួកស្លាកលេខនៅក្រោម 3ម៉ឺនដុល្លារ
កាន់ 1ម៉ឺនស្ដើងមើល Kia Picanto ស្លាកលេខឆ្នាំ2022-2023 មិនទាន់បាត់ខ្លិនខ្លាញ់គោនេះបាន ខណៈតម្លៃល្អណាស់ឬស្មើរ Prius 06 ក្រដាសពន្ធ