Tacoma ជាប្រភេទឡាន Pick Up ឆ្នាត់កណ្ដាលមួយរបស់ Toyota ហើយសម្រាប់ស៊េរីឆ្នាំ២០២៤នេះវិញ Toyota ត្រូវាបានបំពាក់គ្រោងឆ្អឹងថ្មីប្រភេទ TNGA-F មានភាពស្វិតធន់រឹងមាំជាងមុន ដែលស៊ែរ Platform ពីរៀមច្បង Tundra។ តាមការស្រាវជ្រាវរបស់ Advan Auto ពី Website ធំៗមួយចំនួននៅសហរដ្ឋអាមេរិក ចំពោះប្លុកម៉ាស៊ីន Tacoma មានបំពាក់នៅជម្រើសម៉ាស៊ីន ៣ប្រភេទ អាស្រ័យទៅតាមប្រភេទ Trim ឬ Option ចំនួន ៨ដូចជា៖ 

១/ ម៉ូឌែល SR ប្រើម៉ាស៊ីនសាំងទំហំ ៤ស៊ីឡាំង ចំណុះ ២.៤លីត្រជំនួយដោយ Turbo ផលិតកម្លាំងបាន ២២៨សេះ កម្លាំងរមួល ២៤៣ផោនហ្វីត។

២/ ម៉ូឌែល SR5, TRD PreRunner, TRD Sport, TRD Off-Road, និង Limited បំពាក់ជាមួយម៉ាស៊ីនសាំងជំនាន់ថ្មី iForec ទំហំ៤ស៊ីឡាំង ចំណុះ ២.៤លីត្រ ជំនួយដោយ Turbo ដូចគ្នា តែអាចផលិតកម្លាំងបាន ២៧៨សេះ កម្លាំងរមួល ៣១៧ផោនហ្វីត។

៣/ ម៉ូឌែល Trailhunter និង TRD Pro ប្រើម៉ាស៊ីនប្រភេទ iForec Max Turbo ៤ស៊ីឡាំងចំណុះ ២.៤លីត្រ ជាមួយប្រព័ន្ធអាគុយ Hybrid ទំហំ ១.៨៧Kwh ជំនួយដោយម៉ូទ័រអគ្គិសនី១គ្រាប់ អាចផលិតកម្លាំងបានដល់ទៅ ៣២៦សេះ កម្លាំងរមួល ៤៦៥ផោនហ្វីត។ 

ម៉ាស៊ីនទាំងបីប្រភេទនេះ រត់ដោយប្រអប់លេខ ៨វគ្គអូតូ បង្វិលកង់ដោយប៉ុង១ RWD និងប៉ុង២ 4WD ជំនួយដោយប្រព័ន្ធកាប់ពីតាស់ ជាមួយប្រព័ន្ធ LSD, Lock ប៉ុង និងបំពាក់បន្ថែមនៅប្រព័ន្ធ Multi-Terrain Select System សម្រាប់បើកបរទៅតាមស្ថានភាពផ្លូវផងដែរ។

គួបផ្សំយាន់កង់ទំហំ ១៨អ៉ីង បំពាក់សំបកកង់ទំហំ ៣៣អ៉ីងបាន ជាមួយហ្វ្រាំងឌីសគៀបទាំងមុខក្រោយជំនួយដោយប្រព័ន្ធ ABS ជាមួយប្រព័ន្ធជំនួយហ្វ្រាំងសំខាន់ៗជាច្រើនទៀត ចំណែកមុខងារសុវត្ថិភាព Toyota Safety Sense 3.0 Tacoma ឆ្នាំ២០២៤នេះ ត្រូវបានបំពាក់មកជាស្ដង់ដារតែម្ដង។

សម្រាប់ជើងក្រោមផ្នែកខាងក្រោយ Tacoma នៅបំពាក់ជន្ទាស់ Leaf Spring ដដែលទៅលើមូឌែល SR, SR5 និង TRD PreRunner ក្រៅពីនឹងដោះជន្ទាស់ចោល បំពាក់មកវិញនៅប្រភេទ Multi-Link Suspension ដែលធ្វើឲ្យការបើកបរកាន់តែមានលំនឹងល្អ មិនឃ្លីឃ្លោង និងកាត់បន្ថយរលាក់បានច្រើន។

Tacoma ជំនាន់ទី៤នេះ ផ្លាស់ប្ដូររូបរាងថ្មី ដែលមើលទៅប្លែកអំណាច ហាប់ណែនជាងមុន និងស្រដៀង Tundra គ្រាន់តែមិនធំទូលាយដូច Tundra។ បើនិយាយពីចង្គៀង អំពូលភ្លើងវិញឌីស្សាញថ្មីទាំងមុខទាំងស្ដុបក្រោយ នឹងបំពាក់ជា Full LED ទាំងអស់ ធ្វើឲ្យសមត្ថភាពកាន់តែភ្លឺច្បាស់ល្អ។

ចូលទៅខាងក្នុងបើនិយាយជារួមប្រភេទ Trailhunter និង TRD Pro មានបំពាក់នៅកៅអីប្លែកបែបស្អ័រ និងកៅអីជួរមុខ ជំនួយដោយបូមជាប្រភេទ Isodynamic Seat ងាយស្រួលបញ្ជាមុខក្រោយ និងទន់មិនរឹងខ្នងពេលបើកផ្លូវលំបាកៗ ជាមួយមុខងារក្ដៅត្រជាក់ និងពាស់ពេញផ្ទៃខាងក្នុងស្រោបដោយស្បែកផងដែរ។ 

ក្រៅអីនឹង ដៃចង្កូតក៏ឌីស្សាញថ្មីជាមួយបូតុងជាច្រើនអាចបញ្ជាបាន, អេក្រង់កុងទ័រឌីជីថល ១២អ៉ីង អេក្រង់កណ្ដាល ១៤អ៉ីងភ្ជាប់ជាមួយ Apple Carplay & Andriod Auto, កញ្ចក់មើលក្រោយប្រភេទឌីជីថល និងកាត់ចំណាំងផ្លាត, Speaker JBL Surround Sound, កាមេរា៣៦០ឌឺក្រេ, ដំបូលបើក, Wireless Charge, ទ្វាទ្រុងខាងក្រោយអាចបញ្ជាចុចបិទបើកអូតូ, និងមុខងារសំខានៗជាច្រើនទៀតផងដែរ។  

ចំពោះតម្លៃហាក់នៅស្រពេចស្រពិល ចំណែកតម្រិតស៊ីសាំងក៏មិនទាន់បញ្ជាក់ច្បាស់នៅឡើយដែរ ប៉ុន្ដែគេប៉ានស្មានថា តម្លៃអាចចាប់ពី ៣ម៉ឺនដុល្លារឡើងទៅ សម្រាប់កម្រិតស៊ីសាំងចន្លោះពី ៩លីត្រ ទៅ ១១លីត្រក្នុង១០០គីឡូម៉ែត្រសម្រាប់ប្រភេទសាំងសុទ្ធ និង Hybrid អាចខ្ទង់ ៨លីត្រទៅ ១០លីត្រក្នុង១០០គីឡូម៉ែត្រ។ 

សម្រាប់ព័ត៍មាន Update ផ្លូវការជាក់លាក់នៅពេលណានោះ Advan Auto និងបកស្រាយលម្អិតបន្ថែមទៀតនៅពេលក្រោយ៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!